ليش احنا مافيه معلومات الترشيح في صفحتنا؟؟؟؟؟؟؟؟؟؟؟

السلام عليكم ، أنا قدمت بجدارة وتمت عملية التدقيق والتوثيق تمام وكل البيانات المدخلة صحيحة ، لكن الوثيقة اللي ارفقتها في جداره كانت وثيقة من موقع الجامعة و مكتوب تم التخرج نهاية الفصل الصيفي عام ١٤٣٥ وفي الوثيقة اللي استسلمتها من الجامعة مكتوب " تم التخرج نهاية الفصل الثاني ١٤٣٥ " وهو الصحيح .
تاريخ التخرج في الوثيقتين مطابق لكن فصل التخرج وتاريخ اصدار الوثيقة مختلف ،هل يضر ويحتاج اعدل الوثيقة المرفقه ، لأني قدمت طلبين على آمر ولم يتم التعديل .
و اتصلت بآمر ونفس الشيء يقول الموظف ما اعتقد يضر رغم اني خايفة وقت المطابقة يضرني هالشيء ويستبعدوني
ياليت تفيدوني يا اهل الخبره لان اول سنة اقدم

طيب الله لايهينكم ذا جداره 3 جديد او خاص للمعلمين والمتعلمات

انا قدمت ع جداره اللي راح اللي بشهر 7 لكن نقاطي قليله

مدري هل اقدم ع ذا او لا

إلى الأخ صاحب الوثيقة الغير مطابقة لما أرفق
أخبر من تطابق عنده في الخدمة المدنية حتى تحسب لك نقاط للأقدمية

تحياتي للجميع

و بالتوفيق دوما

نقاط الاقدميه ، تحسب بالشهر يعني ؟
لأن فالحالتين ما أظن ان لي اقدمية لاني خريجة هالسنة.

بنات الله يجزاكم الجنه ويرزقكم بالوظيفه انا في مرحلة التدقيق والتوثيق عدلولي في بياناتي لاني ادخلت في خانة المؤسسه العلميه كلية اعداد المعلمات لاني تخرجت منها وهم معدلينها الى كليات البنات ومارفعت اعتراض لاني توني انتبه تتوقعون اختيارهم صحيح والله اني خايفه

السلام عليكم ورحمه الله ،انا تو متخرجه من الدبلوم التربوي الحين حاله الطلب مكتمله ابي اضيف وثيقه الدبلوم اتصلت ع امر قالوا لي ردين مختلفه افيدوني

فوز ، أنا اتصلت على آمر قال اذا صار لطلبك مكتمل اكثر من ٤٨ ساعة ما يمديك تعدلين .
لكن يمديك تحذفين الطلب عن طريق زيارة فرع الخدمة المدنية بمنطقتك وتقدمين من جديد
ووحده بتويتر فادتني قالت سوي تعديل وغيري تخصصك لأي تخصص مشابه عشان يتم التعديل واضيفي الوثائق اللي تبين
وبعدين في مرحلة التدقيق راح يعدلون لك التخصص بنفس تخصصك بالوثيقة وبالتوفيق يارب.

نصيحة للي يسجل بجدارة

بعد انتهاء التدقيق والتوثيق
روح لخانه التعديل وليس ملخص الطلب
واقرا بياناتك لانهم يعدلون عليها اثناء التدقيق وانت ما تدري


انا خريج جامعه الامام معروف انها تربوي
لكن بعد التدقيثق والتحقيق دخلت على التعديل واحصلهم كاتبين غير تربوي
وارفع اعتراض وبأقل من 12 ساعه عدلوها


الحمد لله ولا كان المفاضله راحت

السلام عليكم ,,
الوثيقه وجهين الوجه الاول اللي فيه اسم الكلية
واللي ورا التقدير والمعدل وتاريخ التخرج
فأي وجه ارفقه
الله يجزاكم الف خير