تتراوح من ال 2000 إلى 2800

وزودك من الغبنه بيت ترى 2000 الي ذكرها العضو العتب مع النساء مشتركه شفلك واو ونفذ بجلدك لا ياكلك شبح البطاله

وعليكم السلام ورحمة الله وبركاته
أخي نظرة باهتة:
ربما يكون أكثر من الأعداد المذكورة, وكما تعلم التقديم هذه السنة سوف يكون مرتين حسب ماهو مذكور في جدول (الخطة السنوية) بوزارة الخدمة المدنية, ولآ يحتاج بأنك تنفذ بجلدك ولآ هم يحزنون فالرزق على الرزاق الكريم - الله سبحانه وتعالى - ولو كان عدد الوظائف المطروحة مائة ألف, ولآ شبح بطالة ولآ هم يحزنون, توجد وظائف بالشركات (دور بنفسك راح تلقى بإذن الله) وتوجد حلول للرزق الحلال الحر كثيرة مثل شركة (أوبر) وشركة (كريم) وكل شخص بما يناسبه ويرغبه, البطالة أرمها ورا ظهرك ودع عنك كلام المحبطين الميئوس منهم, توكل على - الله الرحيم الكريم - وأسعى بالبحث بقدر أستطاعتك وثق - بالله - ستجد ما يناسبك.
وفقنا الله واياك وجميع المسلمين لكل خير,,,

مع احترامي للاخ الكريم اذا كان الرزق على الله والشركات مليانة وظايف ليش في مليون عاطل او كثر واغلبهم شباب؟
بعدين وش الجيل الغبي اللي بيطلع اللي نصفه شغال كاشير والنصف الثاني اوبر وكريم بالله هذي تسميها وظايف. اقسم بالله شي يضحك الاجانب 10 مليون واغلب الشباب خريجين جامعات وذبحتهم البطالة

خلها على ربك يا شيخ

السلام عليكم ورحمة الله وبركاته
ان شاء الله يكون لنا نصيب من هالوظايف ويرزق كل محتاج الوظيفة الي تسعده ... آمـيـين..)

اللي معدله نازل وتوه خريج ..الله يعينه ينتظر ويشتغل أي شي حتي يأتي الله بالفرج ..شواغر الوظائف الحكومية بالآلاف ومقفلين عليها بالأدراج

نعرف ان الرزق على الله يا اخ دهن عود لانك تتكلم مع مسلم عربي سعودي ، وكلنا عيال قريه وكلن يعرف أخيه اما اذ تنكر وجود الواسطه بالقطاع الحكومي وتحكم الأجانب ب 70% من القطاع الخاص اسمحلي انك مغيب ولا تدري عن الحاصل بالديره ، ياخي سوينا مقابلات ونجحنا واختبارات ونجحنا تنصدم انك مانقبلت تسئل وتكتشف انك مزحلق عشان موظف جته توصيه على فلان نفهم ونعرف الكلام هذا وسبق وتحدثت مع موظفين موارد بشريه يقول فيه ناس ترسب بالاختبار والمقابله واذ جت توصيه غصب يدخل ، تروح للقطاع الخاص تسوي مقابلات مع مصري وسوري ومصيرك تحت يده يشوفك خريج برا ومتحمس ومعك لغه يقول لا هذا بياكل الجو وصارت معي الأسبوع الماضي ابو مصير عجز يقراء cv ولا يعرف إنجليزي وهو دكتور طبعا وتفلسف شاف عندي لغه وفاهم شوي قال ماعندي مكان أسف قلت ليش داقين قال والله كول سنتر يجي معك ياخي حرام الأشكال هذي تمسك مناصب واحنا نبدأ من الكول سنتر ، اما محبط ، طبيعي واحد له سنتين ماحصل وظيفه تناسب مؤهله بكون محبط ولا انت شايف غير الي انا شايفه

ابن سمحه المعدل والله ماله دخل معدلي 3.3 من 4 وجداره ماقبلني في مفاضله 1437 والسبب اختبار تقيم 1 جبت فيه درجه سيئه