السلام عليكم ورحمة الله وبركاته


مشكلتي بسيطه جدا


رحت اليوم لمدرسه طبعا بعيده جدا عني

المهم قال المدير راتبك 3250 ريال ومن هالكلاام .. زبدة الموضوع وانا جالس فكرت واستخرت وكذا قالو تباشر اليوم رفعو مباشرتي اليوم

قال راح نوقع معك عقد بعد 3 ايام . علشان الاتفاق وكذا


الخوفي حقي . هل راح يسجلوني بالتأمينات او لا !!! لان معهم سيرتي الذاتيه ومن ضمنها الهويه بس خايف من هالموضوع ؟


وإلا مايسجلوني إلا بعد التجربه والعقد !!

لاني مابعد وقعت ولاشيء بس خايف يسجلوني ويخرب علي حافز ..


شرايكم !!

ماتتسجل في التأمينات حتى توقع العقد الوظيفي

انا لما كنت في القطاع الخاص

وقعت العقد بعدين اشتغلت ثلاثة شهور <<< اللي يسموها التجربة

بعدين سجلوني في التأمينات الاجتماعية <<

ماحسبوا الشهور حقت التجربة


طبعا مادريت عن هالموضوع الا لما استقلت وتوظفت حكومي

والا لو اني داري من اول كان سويت لهم فلم
واتأكد هل هذا قانوني والا اكلوا حقوقي ؟؟؟؟؟؟؟؟

لكن هذا كان خطأ مني

اني ماكنت مهتم

وماكنت اسأل

الحمد لله على كل حال

أخوي ليه هالراتب؟ أنتم المعلمين ما ارتفعت رواتبكم مثل المعلمات؟


عمومًا دام بتتوظف الأفضل يسجلونك في التأمينات رح تفيدك في الخبرة وإضافتها للحكومي بإذن الله.


والتأمينات يسجلونك بعد شهر بس يحسبون لك من أول شهر داومته.



بالتوفيق. وش تبي بحافز دامك تقدر تشتغل؟