[align=center]
السلام عليكم

حبيت استشير من له خبره في مجال التقسيط (بطاقات سوا , جوالات)

انا ابغى ادخل كمستثمر في احد مؤسسات التقسيط

وبصراحه زرت اكثر من مؤسسه للتقسيط وكل مؤسسه ولها طريقتها

حصلت غالبية المؤسسات اذا دخلت معهم كمستثمر وعند كتابة العقد بينهم وبين العميل يكون العقد بين المؤسسه والعميل ..

وحصلت مؤسسه ثانيه عند كتابة العقد يكون العقد بين المستثمر والعميل ..

فأيهما افضل ..؟!


النقطه الثانيه :

هل الشيك والكمبياله والسند لأمر , كافيه لضمان حقوقي واموالي عند مماطلة العميل وعدم سداده ..؟!


النقطه الثالثه :

مكاتب التقسيط هل هي مضمونه عند الدخول كمستثمر او يوجد فيها تلاعب ضد المستثمر ..؟!


ياليت اللي عنده خبره بهالمجال لايبخل علي بأي معلومه او توجيه وله الاجر



[/align]

Up

Up

من يفيدنا

السلام عليكم ورحمة الله وبركاته مشروع التقسيط فيه فلوس
من واقع تجربتي
انا تاملت مع مكتبين
الاول الله لا يوفقه يقسط بفلوسي اي واحد يجي لانه ياخذ على كل عميل 250 ريال كتابه عقد وطارت فلوسي حتى راس المال ما رجع لي للاسف
ودخلت مع مكتب ثاني بس صاحب المكتب اعرفه معرفه شخصية ولله الحمد شفت خير
يعني تعرف احد وتثق فيه ادخل ولا لا تضيع فلوسك لانها مخاطرة

[align=center]

اقتباس:

المشاركة الأصلية كتبت بواسطة سامراي السلام عليكم ورحمة الله وبركاته مشروع التقسيط فيه فلوس من واقع تجربتي انا تاملت مع مكتبين الاول الله لا يوفقه يقسط بفلوسي اي واحد يجي لانه ياخذ على كل عميل 250 ريال كتابه عقد وطارت فلوسي حتى راس المال ما رجع لي للاسف ودخلت مع مكتب ثاني بس صاحب المكتب اعرفه معرفه شخصية ولله الحمد شفت خير يعني تعرف احد وتثق فيه ادخل ولا لا تضيع فلوسك لانها مخاطرة

لا تشارك الا شخص تعرفه وتثق به
وتعرف انه يخاف الله قبل كل شي
ولا يستغل الضعوف
اغلب من يذهب لمكاتب التقسيط ناس بسطاء واحوالهم تعبانه
ومضطرين للتقسيط
لذلك المكاتب ياخذون ارباح تصل الضعف
وهذا في رائي استغلال لحاجة اخوك المسلم
ولذلك رفضت الدخول فيها رغم معرفتي بالكثير ممن يعمل بهالمجال
والرازق الله يعلم السر واخفى
وتقبل تحياتي

الموضوع فيه لف ودوران وخلك ذكي
وقسط بلحالك انا شاغال فيها وافضل لك تقسط من نفسك
وبينك وبين العميل لان البيع والشراء انت الفائده لك فرق ٤٥٠ ريال في الكميات


لذلك ادرسها وفيها خير وما بتعين خير الا بعد ١٠ كميات تصبح قوي شوي وراس مالك ممتاز


اشتغل بالاستقطاعات من الراجحي والشيكات والرهن
وما احد بياخذ حقك ابداً كل الضمانات عنك

يمنع طرح مواضيع الاستثمار

مو فاهم وش السالفة

بس شكلها شغلة مررربحة
وهذا اللي نبيه


احد يفهمنا شنو لموضوع بالضبط وكيف يعني تقسيط ؟؟!!

موفقين