السلام عليكم ورحمه الله وبركاته ..

اسعد الله اوقاتكم بكل خير

انا الحمدلله من فتره بديت بمشروعي اصمم شعارات ببرنامج الاليستريتور والحمدلله مشي الموضوع كبدايته جيدة بإذن الله ..

واصمم ايضا بطاقات شخصية ،، اغلب الطلبات اللي تجيني للبطاقات يتراجعون عنها بسببين :

اول سبب : السعر

والثاني : الطباعة ..

انا حاليا شغلي كله إلكتروني ،، تنصحوني اوفر اله طباعة للبطاقات الشخصيه ؟ والا اكتفي بالتصاميم فقط

ووكم سعر طباعة الكرت ووسعر الاله ؟

اتمنى تتجاوبون معايا والف شكر لكم )

عليكم السلام أسعد الله اوقاتك بكل خير

معرفتك للأسباب ورغبتك في معالجتها هذي بداية نجاح وما يكتمل نجاحك الا بعد ما تبحثين عن حلول مدروسه

انتي ذكرتي احد الاسباب السعر وهذي مشكله لو كان السعر عالي وفقط تصميم من غير طباعه ولابد ما تراجعين الاسعار وتبحثين من حولك عن الاسعار المتوسطه المناسبه وتنافسينها

اعتقد ان الطباعه غير مكلفه كثير وامرها هيّن والمطابع موجوده بكثره وتقدرين تتعاملين معهم في البدايات خصوصا لو كانت الطلبات متوسطه او قليله حتى لو كان هامش الربح قليل.
تعاملي مع المطابع لفتره قصيره شهر شهرين وعلى حسب الطلب لين توقفين على رجولك وتمشي امورك وخلال هالفتره ابحثي عن الطابعات وانواعها واسعارها ومواصفاتها بعدها انا معك لو فكرتي تشترين الآله وأدوات الطباعه.

اتمنى الاخوان يفيدونك اكثر

الله يوفقك ويرزقك.

اتمنى لك التوفيق ..
ومثل ما قال اخوي في الرد الاول مو شرط تشتري طابعه لاني اعرف مصمم محترف واعمالة ماشاء الله جميلة يصمم بالكمبيوتر ويطبع في مطابع هو متعامل معهم وماشاء الله ماعنده وقت يفضى لنفسه طوال الاسبوع يصمم وانسان يحب عملة ومبدع .. اتمنى لك التوفيق

اقتراحهم جميل اتصلي بمطابع واتفقي معاهم ويمكن هم يشحنون
واذا الاله سعرها رخيص وتقدرين عليه اشتريها

اما السعر انتي قيمي اعمالك
الناس بعضهم يدورون الرخيص حتى لو كان جودته سيئه وبعضهم مايقدّر التعب يشوفون التصميم سهل ومايستاهل يندفع فيه فلوس مع انهم عارفين ان التصميم الحلو لصالح شغلهم ويفيدهم فيه كثير
فلو بتطيعينهم بتصممين لهم ببلاش بيفرحون ولابيقولون لا
الشعارات بالذات اهم شي للمشاريع التجارية وقيمتها تكون من 50 الف واكثر
وهنا لو تقولين لهم بخمسين ريال قالوا غالي ويفاصلون على السعر طبع فيهم ههههههه

لو شغلك محترف وتتعبين عليه لاتظلمينه وتظلمين نفسك بالسعر عشان ناس مايفهمون او يبخلون يدفعون على حاجتهم
اللي يبي شغل زين لازم يدفع قيمته

والراي والحكم لك

اكيد صممي واطبعي وتاخذين المكسب كاملاً
عندك بالرياض لو توزعين منشورات فقط لدخلتي ذهب



الله يوفقك ويرزقك