السلام عليكم

ياشباب الشهر هذا أشتغلت بشركة تعبانة وظفوني انا ومجموعة عشان السعودة لمهم اني سحبت عليهم امس واليوم فودي أعرف متى يرفعون الرواتب للبنوك بعرف ارسلوها والا لا عشان مايذلوني اذا عرفو اني ماراح اكمل يماطلوني بعد شهر يقولون تعال خذ راتبك حنا اليوم 30 من الشهر هل رفعت للبنك والا لسه والقهر اني اداوم كل يوم 9 ساعات ما أسوي شي غير بعد العمل عن البيت 40 دقيقه رايح و40 دقيقة جاي غير الزحمة والله مدري متى يضبط حالنا

لا اله الا انت سبحانك أني كنت من الظالمين

الله يعين

شوف اذا ماسجلوك بالتأمينات كويس

اما اذا سجلوك حاول تداوم وتأخذ راتبك

بعدين تقولهم راح اترككم وتكلمهم يشيلون أسمك من التأمينات

لأنك لو طلعت مسجل بالتأمينات وسحبت على قولتك

راح يماطلون بك وماراح يشيلون أسمك بالساهل

لأنك قلتها هم وظفوك عشان السعودة

بالنسبة للرواتب على حسب حجم الشركه ووضعها فيه المحترمه وفيه الغير محترمه

يعني ممكن 1 ووممكن 15 وممكن ماتستلم شئ هالشهر

سجلوني بالتأمينات ماعندي مشكلة أروح لهم واستقيل ولا علي منهم بس اهم شي ينزل الراتب والا لا ؟

؟

هم حسب كلام الموظفين مايتأخرون لكن الوضع ماينصبر عليه غرفه مترين بمتر وجالس فيها 9 ساعات ويويلك لوتتحرك هي وظيفة اداريه بس لانت ولا شي حسبي الله ونعم الوكيل

المهم هم مايتأخرون سؤالي متى ترفع الرواتب للبنوك يعني تاريخ 25 او متى ؟ وهل ممكن يعدلون بعد رفع الرواتب ؟

اول شئ فيه مسيرات رواتب ترفع للأدارة المالية

من هناك يتم رفع الرواتب للبنوك

عاد شوف شركتك متى ترفع المسيرات

وشوف الأدارة المالية متى ترفع للبنوك

كل شركة ولها نظام فيه من يرفع المسيرات كل تاريخ 18 من كل شهر

وفيه من يرفع في تاريخ 25 وتنزل الرواتب بتاريخ 1 ميلادي من كل شهر

نعم يقدرون يعدلون على أي شئ بخصوص الراتب بعد رفع المسيرات للمالية

اما اذا رفعت للبنك مايقدرون

طز فيهم ان شاء الله ماينزلون شي اهم شي ما اكمل معهم

استخير. وشكلك مرة طفشان منهم.

قدم استقالة وخذ إخلاء طرف. أهم مشيء قدم استقالة وأسأل متى تاخذ راتبك.

غالبا يرفع من 18 ميلادي من الشهر.

والله اذا تبي رأيي خلك عندهم وابحث عن وظيفة افضل
وفعل النت بجوالك وقطع وقتك بالالعاب
بالتوفيق

اذا السالفه عالنت فعله على جوالك
الاحسن قدم استقاله عشان يشيلون اسمك من التأمينات لايماطلون فيك بعدين ماتقدر تتوظف بمكان ثاني

موفق