بأختصار وش رايكم في واحد سمع عن ظروفي واهتم فيني اسبوع كامل وهو يتصل علي ويبحث لي عن وظيفة علماً انه رجل اعمال وتاجر معروف وقالي ابي اوظفك في مؤسستي الخاصه بالمقاولات واهتم فيني اهتمام يشهد الله علي انه كأنه ابوي لكن المفاجئه !!

يوم رحت حسب الموعد للمؤسسة وقابلت المدير طبعاً بالتوصية المسبقه اني لازم اتوظف ويعتمد توظيفي اتفقنا على كل شيء الراتب وفترة تجربة مدة شهر وطريقة العمل وكل شيء اتفقنا عليه وقالو تداوم من بكره عندنا قلت خلاص يوم وصلت البيت اتصلو علي قالو لاتجي ممكن خلال هذا الشهر نتصل عليك !!! رجعت للرجال اللي مهتم فيني واتصلت عليه قال انا مالي شغل ولا قال لي وش الموضوع سحب نفسه وسكت واتصلت على مدير المؤسسة قلت وش الموضوع قالو ماندري ارجع اتصل على صاحب المؤسسة كلهم صرفوني وانا مدري وش الموضوع مقهور ابي اعرف ليش يتفقون معي ومهتمين فيني ثم فجئه يصرفوني بدون اي مقدمات !!!

اااااااه بموووت من القهر والله قلبي يعورني كل ماذكرت اللي صار لي

لابد من بحث السب من الممكن انه وصلته معلومات غير صحيحه روحله في بيته واذا عرف السبب بطل العجب

السلام عليكم
الله يفرج همك وبوفقك..أخوي لما قرأت موضوعك جاء في بالي إنهم ممكن يستغلون اسمك وبياناتك للسعودة الوهمية للتحايل على مكتب العمل وبرنامج نطاقات بحيث تكون موظف في شركتهم ويسلمون من عقوبة عدم السعودة وبنفس الوقت مايدفعون لك راتب
والله أعلم بالنيات بس لازم تحرص وتأخذ حذرك
وإن شاءالله ماتكون نيتهم كذا ويرجعون يطلبونك

شيك على هالرابط على فترات لا أحد يستغل اسمك

التحقق من الإشتراك في نظام التأمينات الاجتماعية

http://www.gosi.gov.sa/portal/web/guest/212

التحقق من تسجيل اسمك في مكتب العمل ( الاستعلام عن موظف سعودي)

http://www.mol.gov.sa/Services/Inqui...quiry.aspx?m=4

بالتوفيق وإن شاءالله يجي من يفيدك

أختي عند الله بالله باب لايقفل توجهي اليه بالدعاء وصدقني يمكن الله مأجل لك رزق وأنا أنصحك لا عاد تهتمين بالموضوع أكثر من لازم بس عليك بالاستغفار والتوجه الي الله

ربي يفرج لك همك
ادعي كثيرا
لااله الاانت سبحانك اني كنت من الظالمين