السلام عليكم ,,

الحمدلله جتني وظيفتين بوقت واحد ,, الأولى بعجلان واخوانه , والثانية بالبنك السعودي الاستثمار


عجلان واخوانه: المسمى الوظيفي مندوب مبيعات ,طبيعة العمل ميداني اذهب للمراكز التجارية داخل المدينة ,واشوف النقص عندهم واسويله طلبيه من الشركة
+
راتب 5000 وعموله 1% (متوسط العموله من 1000 الى 2500) والدوام فترتين من 8ص الى 12م ومن 4م الى 10م + يومين اجازة و30 يوم بالسنة + تامين طبي



البنك السعودي للاستثمار : المسمى الوظيفي مسوق قروض , وطبيعة العمل ميداني , اذهب للدوائر الحكومية والشركات المعترف فيها بالبنك ,, واقدم لهم عروض البنك للتمويل
+
راتب 5000 + عمولة 200 ريال لكل عميل يجي البنك عن طريقي, والدوام من 9:30ص إلى 4:30م +يومين اجازة و30 يوم بالسنة + تامين طبي


أابغى رايكم ,, لاني ما اعرف احد عنده خلفية عن شركة عجلان واخوانه او البنك السعودي للاستثمار


خلاصة الموضوع " الوقت ضيق جدآ ,,

واخاف تجيني فرصة لعجلان واخليهم واروح للبنك ,, واندم بعدين ,, والعكس ,, اخاف اروح للبنك ,, واندم اني مارحت لعجلان واخوانه ,,

ي البناخي

نصحيتي البنك افضل لك لان دوام البنوك فترة وحدة هاذي من ناحية والناحية الثانية منصب بالمستقبل اذا اجتهدت في شغلك

انا موظف في البنك على المبيعات ( القروض ) بس ما اروح لاي دائرة حكومية

والحمدلله فيها عمولة طيبة ولاكن فيها كرف ,,

لاكن ماقلت لي وش شهادتك ..؟

ماشاء الله ،

انا اشوف ان الوظيفه البنكيه افضل ، اتذكر استاذة كانت تعطينا دورة في العمل الوظيفي
و كانت تقول ان الوظائف في البنوك تعتمد على مدى اجتهاد الموظف و تميزة
كل ما كان الموظف مميز تصير عيون البنوك الثانيه عليه
نفس نظام لاعبين الكورة الكل يتهاوش ع توقيعك

و بالتوفيق لك

105 مشاهدات ؟ وما عطاني شورهم الا اثنين ؟؟؟؟؟؟؟؟؟؟؟؟؟؟؟؟؟؟؟

لله يوفقك ياخوي
وصلى استخاره

البنك
دوام فترة واحدة افضل وراحة
اذا اجتهدت في عملك راح يكون راتبك في المستقبل افضل من الشركة......بالتوفيق

الله يوفقك
انا اشوف البنك افضل بس هل البنك ما يتعامل بالربا هذي يبغاك تنتبه منها
بالتوفيق

هذي المشكله البنك هل يتعامل مع الربا اذا يتعامل

واغلب البنوك كذا يعني راتبك بيكون فيه شبهه