السلام عليكم ,,

الحمدلله جتني وظيفتين بوقت واحد ,, الأولى بعجلان واخوانه , والثانية بالبنك السعودي الاستثمار


عجلان واخوانه: المسمى الوظيفي مندوب مبيعات ,طبيعة العمل ميداني اذهب للمراكز التجارية داخل المدينة ,واشوف النقص عندهم واسويله طلبيه من الشركة
+
راتب 5000 وعموله 1% (متوسط العموله من 1000 الى 2500) والدوام فترتين من 8ص الى 12م ومن 4م الى 10م + يومين اجازة و30 يوم بالسنة + تامين طبي



البنك السعودي للاستثمار : المسمى الوظيفي مسوق قروض , وطبيعة العمل ميداني , اذهب للدوائر الحكومية والشركات المعترف فيها بالبنك ,, واقدم لهم عروض البنك للتمويل
+
راتب 5000 + عمولة 200 ريال لكل عميل يجي البنك عن طريقي, والدوام من 9:30ص إلى 4:30م +يومين اجازة و30 يوم بالسنة + تامين طبي


أابغى رايكم ,, لاني ما اعرف احد عنده خلفية عن شركة عجلان واخوانه او البنك السعودي للاستثمار


خلاصة الموضوع " الوقت ضيق جدآ ,,

واخاف تجيني فرصة لعجلان واخليهم واروح للبنك ,, واندم بعدين ,, والعكس ,, اخاف اروح للبنك ,, واندم اني مارحت لعجلان واخوانه ,,

مساك الله بالخير

صل استخاره وشوف ربك وين يوجهك

بس خدمه يا طويل العمر >>>اذا اخترت وظيفه الثانيه لي خبرني ع الخاص

>>كما قال الرسول صل الله عليه وسلم [حب لأخيك المسلم ما تحب به لنفسك]

وجزاك الله خير >>عاطل باطل
لك الاختيار الي تتركه عطنياها
والله يوفق الجميع

حياك الله اخوي والله يوفقك وجميع المسلمين
ومثل ماذكر من سبقني انه ( الإستخارة)
لأنه لايعلم الغيب إلا الله سبحانه وهو علام الغيوب - ولايقدر سواه وهو على كل شئ قدير ( وجهة نظر ) البنك السعودي للإستثمار لوجود مميزات لدية وهي فرصتك

وفق الله الجميع لكل خير

استخير اخوي وربي يوفقك الوظيفتين جميلة جدا

بس احس الوظيفة الثانية احسن من ناحية "الوقت"

الله يكتب لك اللي فيه الخير ان شاءالله

أخوي بالنسبه للبنك السعودي حلو بس كان واحد من اخويائي يشتغل فيه والصراحه كان مرتاح بس مسوق قروض شوي ملزوم تجيب لك قروض ع شان تثبت وجودك في البنك وتصير موظف له فائدة ع شان فتره يوم تعرف حق العمل يجئ لك ظغط من مديرك ع شان تجيب قروض وتلف ع الدوائر الحكومية انا اقول لك كان في فيه واحد من أعز اخوايائ ومافيه شي لو تروح البنك وتسأل الشباب الي موجودين ترا مايقصرون معك

قبل لا تختار البنك تأكد من هل البنك يطبق الأحكام الإسلامية ام لا وبعده عن الربا

إذا كان وضعه سليم فالبنك افضل
وإذا لم يكن كذلك فالأفضل بأن تختار الخيار الثاني كي يبارك الله لك بمالك
بالتوفيق