السلام عليكم ورحمة الله وبركاته إخواني وأخواتي :
حبيت اطرح لكم الموضوع هذا لكي تعم الفائدة ع العموم ويطرح كل مشارك بالمنتدي الفاضل والذي استفدت منه كثير وأدعي ان الله يرزق صاحب المنتدي الخير الكثير ويفتح له أبواب الجنه يارب
انا من الناس الي سجلت بالمنتدي وكانت شبه إنسان محطم وابحث عن امل وكانت أقراء كثير بالمنتدي عن فوائد الاستغفار كثير وما كنت أخذ الموضوع في محمل الجد لا قررت يوم أجرب فوائد وثمراتها الاستغفار وحبيت اقول لكم اني والحمدالله استفدت من الاستغفار شي كثير وتغيرت حياتي الي الأفضل والله كانت استلم في شركه 1800 وانتقلت الي شركه استلم 0200 والحمدالله انتقلت الي 4000 ثم اني انتقلت الي وظيفه حكوميه والكلام هذا كله في سنه وحده كنت من كثر ماستغفار كان اشتغل في شركه وكان مديري مصري شك يحسبني مو طبيعي طبعاء عرف بعدين اني استغفر وكان يستغرب من اصراري في العمل وانتقلت من عنده ماطولت بس والله تغيرت حياتي الي الأفضل اخواني الي أبيه منكم طرح قصصكم الواقعيه ويكون فائده للجميع والله يشهد ع كلامي اني استفدت من الاستغفار الشي الكثير وتحسين علاقتي مع ربي والدعاء في جوف لليل. وحبيت ان الكل يطرح مشاركاته ونستفيد منه

سبحان الله انه على كل شي قدير

مستر مشكور ع المشاركة واتمني الجميع التفاعل

استغفر الله واتوب اليه

وعليكم السلام ورحمة الله وبركاته
ماشاء الله تبارك الله
الله يرزقك من واسع فضله ويرزق المسلمين أجمعين
فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين

كلام الله عزوجل مافيه اي شك
لكن مشكلة الإنسان يتهاون وينسى ويغفل وتشغله الدنيا
أستغفر الله العلي العظيم وأتوب إلية

بالنسبة لي انا تجاربي مع الدعاء

في عام 2008 كنت ادعوا الله كل يوم ب 23 دعاء مختلف تقريبا .. (اعيد واكرر كل يوم)

والان في عام 2014 تحقق 60% من الدعاء الذي كنت ادعوا به

تخيلوا لو كنت ادعوا ب 100 دعاء في عام 2008 كيف سيكون حالي

مفاتيح الاقفال الاستغفار انا كنت موظفه بعقد راتبه جدا بسيط 1300 ثلاث ارباع الراتب يروح للسائق والباقي اصرفه هالبيت الحمدلله طوال الطريق استغفار رغم قلة الراتب ذيك الفتره كان مخصصه جزء منه لعمال النظافه ( ما اقوله للرياء بس لان الصدقه تزيد البركه وتفتح لك ابواب اخري للرزق ) طبعا كان طموحي وظيفيه تعليميه كغيري من الخريجات في الصلاه كنت ادعي يارب بلغني اعلى المراتب في الدنيا والاخره وسبحان الله ما كنت اعرف اني بيوم من الايام راح اتوظف بقطاع حكومي وعلى مرتبه ربي لك الحمد طبعا انا جلست فتره على الراتب 1300 ليست بالقصيره ولكن مع الصبر وسؤال الله من فضله والاستغفار والصدقه تغيرت الاحوال وباقي النقل دعووووواتكم لي بالنقل وبمكان مريح لاني والله تعبت وعانيت .... وسلامتكم

جزاك الله خير

والله على ما أقوله شهيد بهذه القصة :
كنت مثلكم دائما تمر علي مواضيع عن الإستغفار الإستغفار الإستغفار وأقول زين بأستغفر ، استغفر كم مرة بعدين أنسى ، لكن عرفت الفرق صح بعيوني في ذاك اليوم بوقت العصر تقريبا و عندي قريبتي وكانت تشكي لي بأمر تعثر عليها وتنتظره وكانت مهمومة وسبحان من ألهمني قلت الشكوى ماراح تفيد جربي تستغفرين وأنتِ واثقة متوكلة على الله ، استغفرت كثييييير من كل قلبها بنية تيسير الأمر ومغفرة الذنوب والله ماجاء المغرب بنفس اليوم الا الباب يدق بالشيء اللي كانت تنتظره وماتوقعت ابد انه يصير سبحان الله!!!!
والله اني للحين متعجبة سبحانه لايعجزه شيء < ذكرت هالقصة للعبرة بمفعوله العجيب وأهم شيء حضور القلب عند الإستغفار والتوكل على الله واليقين التام إنك راح تحصّل على مطلوبك وتذكر أن الله يستحي أن يرد عبده ويديه صِفراً
كذلك أنصحكم بقراءة موضوع ابحثوا عنه بقوقل عن " خطوات التوكل على الله لمشاري الخراز " مجربة ٪ ،
ربي يرزقنا وياكم الإخلاص في القول والعمل
سبحانك اللهم وبحمدك أشهد أن لا إله إلا أنت أستغفرك وأتوب إليك .

فعلاً الاستغفرا عجيب

لكن لابد من حضور القلب ...

الحديث رواه الترمذي من حديث أبي هريرة قال : قال رسول الله : ادعوا الله وأنتم موقنون بالإجابة ، واعلموا أن الله لا يستجيب دعاءً من قلبٍ غافلٍ لاهٍ .

استغفر الله العظيم