نصيحة لوجه الله
خلك مع الوظيفة الي مرتاح فيها نفسيا
انا اعرف ناس تركو القطاع الخاص برواتب عاليه واقل واحد فيهم طاح راتبة حوال 2000 ريال
وهالحين مستانسين يقولون نعطل معكم ونداوم معكم والله اول بعضهم ما أشوفه إلا بالأشهر مرة او مرتين
والقرار الاول والأخير لك وانا اخوك
ولو أني مكانك والله ما أترك لو زيادة 4000 ريال لأنه زيادة وفيها ضغط نفسي اكثر من مرودودها
وأنت الان في جهة جديدة يعني فيه ترقيات وراح تكون من المؤسسين والقداما بالجامعة فأنصحك لاتتركها
وأسال الله أن يوفقك والسلام علكيم

خلك بوظيفتك ي الامير واترك عنك تطوير وما تطوير اذا كنت تبحث عن التطوير كمل دراستك افضلك


انا موظف بالراجحي ومسمى الوظيفة مدير مبيعات يعني مقابلة جمهور وهاذي اصعب وظيفة وانا احاول اتركها بس اخلص اللي عندي من دراسة


وانت وظيفتك تكون بالادارة العامة بالرياض بس والله نصيحة كلنا بالهوى سوا لا من ناحية تطوير ولا ناحية زيادت سنوية

تصدق اننا ما عندنا نظام علاوات سنوية محددة يعني تجي كلها على الكيف

وبالتوفيق ي حبيبي


وابعد عن ادارة الظلم

شي غريب
ليش تبغا تتعب نفسك عالفاضي
لو النقل لشركة آرامكو نقول معقوله لكن اي مكان تاني
ماتوقع في افضل من شركة آرامكو زي ماتاخد زي ماتعطي لو عندك جنسيه امريكيه او كندية تترقى وتعامل معامله راقيه غير كدا مافي
بالتوفيق للجميع

خلك على وظيفتك مرتاح وبيئه البنوك سيئه وتجيب الهم والمرض

انحش من الراجحي وحتى لو كان عرضهم عالي لان العمل بالراجحي بيئة عمل مستفزة وضغط عمل اكثر

واقولك هي وانا موظف بالراجحي سابقا الراجحي راح يحلل كل ريال يدفعه لك من راتبك وانا اشتغلت عندهم

وانظلمت ولي حقوق لم اخذها بالأخير اقولك خلك على وظيفتك الحكومية ابرك لك

الراجحي بنك سيء لابعد الحدود

انا كنت موظف فيه , واستقلت ولله الحمد مع ان ماعندي بديل ,, لكن احسن من اني اجلس في بنك مثل ذا

دوام مافيه رحمه وكرف وبالنهايه يجيك خطاب من الاداره نتوقع طاقه اكثر من كذا ,, ليش مو انا اداوم حتى الجمعه والسبت وطول السنه شغل بدون راحه وبالنهايه ككذا (( طبعا انا كنت موظف في فروع الحوالات وعندك موضوع كتبته بالمنتدى ويوضح كل شي صارلي معهم ))

مافي امان وظيفي ,, الفصل عندهم زي السلام عليكم

لو زعل عليك مدير المنطقه يرفع خطاب للاداره وويقدر يفصلك

وثاني شي مافي مستقبل بالترقيات ولا بالزيادات

عمرك شفت زياده سنويه 50 ريال

ياخي بنك فاشل واداره سيئه

وابشرك كل اكثر الموظفين يستقيلون مهو عشان ضغط الشغل مع العملاء وكذا

اكثرهم من ضغط الاداره وعدم تقدير الجهود اللي تصير والضغوط على الموظف

فـ نصيحتي لك خليك بوظيفتك

والله انا مستقيل وادور وظيفه لو ب 3000 مع ان راتبي دبلها لكن اشتري راحه جسمي و الضغط النفسي من هالاداره

ماقول غير خليك في وظيفتك ولا تجيب بلوه على راسك

وعن نفسي لو عرضو علي راتب 20 الف مارجعت مره ثانيه

والمعذره على عدم تنسيقي للكلام

والله يوفقك و يوفقني والجميع ان شاء الله

نصيحة لوجه الله
خلك ف الحكومة ,
وابعد عن مرمطة البنوك والقطآع الخاص
نصيحَه