السلام عليكم

انا خريجة جامعية وحابة اشتغل في الوظائف الادارية سواء بالمدارس او المستشفيات

وابغى اخذ دورة حاسب ومحتارة بين (دورة كامبردج) و(دورة ادخال البيانات ومعالجة النصوص) برأيكم ايش الأفضل اللي يفيدني في الوظائف الإدارية ؟؟

وايش الفرق بينهم؟؟

وجزاكم الله خير

يعطيك العافيه حبيبتي
بصراحه الكامبرج احس نفسها معالجه النصوص بس فيه اضافات قليله
هم ثنتينهم بينفعوك
في اي مدينه انتي؟

وعليكم السلام

كامدرج هذا اتوقع انه اسم معهد يعني مو اسم دوره وتقريبا كلها سوى اهم شي فالقطاعات الحكوميه تكون الدوره لا تقل عن 6 اشهر.
وانصحك بدورات مركز خدمة المجتمع لانها معتمده اكثر ..

تحياتي

هذا رد كتبته قبل شوي بموضوع مشابه

الآن شهادة كامبردج الدولية لتقنية المعلومات. تعادل ستة أشهر

وإدخال البيانات برضو تعادل ستة أشهر.

الفرق

إذا معرفتك بالحاسب كويسة وتعرف لأساسيات الحاسب أدرس الكامبردج تقريبًا خلال 3 أشهر أو ممكن تسجل للاختبارات فقط وتدفع رسوم أقل.

إذا ماتعرف مرة للحاسب فالأفضل تدرس إدخال بيانات ومعالجة نصوص دراستها مدة ستة أشهر بالضبط.


المهم تدرس في معهد تكون الشهادة مختمة من المؤسسة العامة للتدريب التقني والمهني.



بالتوفيق.

مشكورين جزاكم الله خيرر


بس معليش بسألكم صحيح انو الفرق بينهم في الطباعة فقط ادخال البيانات فيها طباعة وكامبردج لا ؟؟

الكامبردج وانت مغمض معتمده وشهاده قويه جدا

ادخال البيانات والنصوص ليست معتمده وعليها اشكاليه

اما بنسبه للمنهج فيها تقريبا نفس بعض برامج اوفس

شكرًا,جزاك الله خير

الكامبردج فيها برامج كثير واختباراتها اسبوعياً

ادخال بيانات فيها وورد واكسل واكسس وسرعة كتابة

طبعاً انا بفيدك بدورة ادخال البيانات

الاختبار النهائي اللي بالمؤسسة تختبرين في الوورد والاكسل فقط الاكسس ملغي من الاختبار
وتختبرين سرعة كتابة
واختبار ورقي اختيارات

الاسهل هو ادخال بيانات

وفي الأخير كلها معتمدة من المؤسسة

اللي عليها الاشكالية هي دورة ICDL

اناانصحك بالكامبردج شهادتها قويه ودوليه
ومعتمده من الخدمه المدنيه و المؤسسة العامه للتدريب المهني والتقني
وتقدرين تاخذينها دوره او اختبارات فقط
انا خذتها اختبارات وكانت سهله وانهيتها في ثلاث اسابيع بس و وصلتني الشهاده بعد شهرين
تعادل ست شهور
ومافيها طباعه
فيها برامج الاوفيس بالاضافه للتقنيه المعلومات و الانترنت
اختباراتها اسهل من الرخصه الدوليه بما اني خذت الاثنين بس ادق لكن ممتعه صراحه للي عندها خبره في الحاسب والبرامج والنماذج ماليه النت وتجي منها
الاختبارات عن طريق الحاسب وكل ماده لها درجه نجاح


دوره ادخال البيانات ومعالجه نصوص ماتفرق كثير عن الكامبردج بس لابد تاخذينها وتدرسينها عكس الكامبردج اختياري الدراسه
فيها الطباعه اوالنسخ وتعادل ست شهور
والاختبار من المؤسسه العامه للتدريب
ممكن تخلصين الدوره وتختبرين بعد فتره قصيره وممكن تنتظرين شهور او سنه لين تختبرين مثل ما صار مع اختي