أبو ريالين .. تكاليفه .. لوازمه .. مدى ارباحه !!

هِـــَـِزاعً · #1 (**permalink**) 24-07-2008, 04:45 AM

السلام عليكم ورحمة الله

اخواني الافاضل

حبيت استفسر عن محلات ابو ريالين ومدى الاقبال عليه في منطقة الرياض

وماهو افضل مكان يمشي فيه

وطريقة تكميل بضائعه وجميع تكاليفه

لأني ناوي ان شاء الله اقوم بـ هالمشروع لكن ماعندي خلفية عنه

تحياتي للجميع

الجوااله · #2 (**permalink**) 24-07-2008, 06:28 AM

من وجهة نظري الشخصيه ان هذا مشروع ناجح جدااااااااااااااااااااااااااااا ,,,,,,,,,,,
والله فيه حريم ما يقضون الا منه ’’’’’’’’’’’’’’’’’’’’’’’’’’’’’’
وبالنسبه للموقع دور على حي مايكون فيه محل ابو ريالين , وجيب بضاعه مميزه ومختلفه
وان شاء الله تمشي امورك -- دعواتي لك بكل التوفيق 0

هِـــَـِزاعً · #3 (**permalink**) 24-07-2008, 06:36 AM

بارك الله فيك يالجوالة
وكويس كسبت مؤيد واحد وصوت على نجاح المشروع
لكن لازلنا نبحث عن اللي يفيدنا
في هالامر

تحياتي

فكر · #4 (**permalink**) 24-07-2008, 06:42 AM

الاخ: هزاع
أولا: اتمنى لك التوفيق
وحسب معرفتى البسيطة في مثل هذا النوع من المحلات يحتاج إلى موقع شعبي
والحقيقة أنا ما عندي خلفية عن مدينة الرياض
لكن هذا حسب ما اعرفه عن مثل هذا النوع من المحلات
وإيجار المحل لازم يكون معقول
والتكلفة تعتمد على تجهيزات المحل الاساسية من إيجار + ديكور
اما البضاعة اعتقد انها ما تكلف كثير هذا إذا حصرتها على الأشياء البسيطة
الي اسعارها بحدود الريالين الى العشرة

وممكن اساعدك في حساب التكلفة المبدئية ونتناقش حول الموضوع اذا رغبت
بس.... لا توقف
-----------------------------
وبالتوفيق

lover · #5 (**permalink**) 24-07-2008, 06:42 AM

ولله ابو ريالين مشورع ناجح بإذن الله

من وجهه نظري محل ابو ريالين موقعين يمشي فيه :
1 - الاحياء الا فيه اجانب واجد
2- شوف لك حي مافيه ابو ريالين

وبتوفيق لك

هِـــَـِزاعً · #6 (**permalink**) 24-07-2008, 06:49 AM

فكر
الاحياء الشعبية في الرياض كثر شعر راسك
ومن كثرتها احياناً الواحد يدوخ وين يحطه هنا والا هنا والا هنا

وبالنسبة للتكلفة أعتقد ماهي واجد حسب ماسمعت لكن .. كم ؟ مااااا أدري
والمحل والايجار امرها بسيط

تحياتي لك

هِـــَـِزاعً · #7 (**permalink**) 24-07-2008, 06:50 AM

هلا يا lover

شرفتنا الله يسعدك ويبارك فيك وانت الصوت الثالث
والنقاط اللي ذكرتها مهمة جداً

تحياتي

فكر · #8 (**permalink**) 24-07-2008, 07:31 AM

اقتباس:

فكر
الاحياء الشعبية في الرياض كثر شعر راسك
ومن كثرتها احياناً الواحد يدوخ وين يحطه هنا والا هنا والا هنا

طيب حلو

أولاً :خل اعتمادك على الله ما هو حسب كلام الناس لأن الرزق من عنده
مهما فعل الانسان ما يقدر يرزق نفسه ولا غيره
ثانياً : حدد ما بين ثلاثه إلى خمس مواقع في احياء مختلفة وتكون قريبة
من موقع السكن يعنى اقرب شيء لك وراقب هذا المواقع اوقات الحركة
من العصر الى الساعة العاشرة كيف تكون حالة الحركة فيها بس بشكل طبيعي
لمدة يومين أو ثلاث أيام
واذا حسيت أن هذا الموقع ممتاز استخير الله مرة مرتين ثلاث حتى ترتاح وإنشاء الله ربي ما يخصر تعبك

ثالثاً : التكلفة من الصعب حسابها 100% لكن ممكن تقريبها
أنا اتوقع 15 الف ريال تكون كافية وممكن تكون زيادة (للبضاعة بس)

لكن احسن حل حاول تسأل مثلا ادخل محل من المحلات أبو ريالين شوف
حاول تسافر إلي جدة الميناء هناك اشياء مرة رخيصة
وحسب ما اعرف أنه بمبلغ بحدود 5000 ريال ممكن تحصل على كمية طيبة من البضاعة
وممكن عن طريق الانترنت تبحث عن مواقع صينية متخصصة في هذي الاشياء ترى موضوع

استيرادها مو صعب مرة وأسعارها مره رخيص أنا مر علي موقع امس ابحث عنه وارسلة لك

وبصرف النظر عن كم المبلغ المطلوب للبضاعة أنت لازم تحدد مبلغ معين كرأس مال لك
زي ماقلت حدود 15 الف سواء زاد او نقص هذا رأس مالك الأساسي
والوحد أول ما يبداء مايدر وش يجب من البضاعة يعنى لازم تحاول توفر اشياء كثيرة
لكن مع مرور الوقت تتوضح الأمور تدريجي

اعتمد على الله وأنت ما تخصر

heavenmoon · #9 (**permalink**) 24-07-2008, 08:00 AM

[GRADE="FF1493 FFA500 32CD32 00BFFF FF1493"]
مشروع ناجح .. لكن يحتاج الموقع المناسب

والله يوفقك فيه .. و ييسر لك أمرك يا رب

اتمنى لك كل التوفيق ... و ان شاء الله نسمع خبر افتتاحك للمشروع قريباً
[/GRADE]