07-02-2014, 11:25 PM
|
عضو نشيط
|
|
تاريخ التسجيل: Nov 2013
المشاركات: 144
معدل تقييم المستوى: 23
|
|
اقتباس:
المشاركة الأصلية كتبت بواسطة وش الدبرة
يعطيك العافية بس واحد يزودنا كم اسعار البضايع ومن وين اجيبها
|
وعليكم السلام ورحمة الله وبركاته
بما اني ولله الحمد اعمل بهذا النشاط سأدلوا لك بدلوي
الشغله فيها خير ولله الحمد لكن اول سنة ممكن ما يكون الدخل مثل ما انت مخطط حتى لو الموقع مجنوووون
لعدة اسباب اولها الناس تحب تروح لمجمعات الزينة يعني 20 محل جنب بعض علشان يقدر يكاسر بالاسعار وبتفرج ويقارن الخ الخ
ثاني شئ : انت توك فاتح جديد ومش معروف بالسوق تحتاج وقت على ما يعرفونك الناس ويقصدونك بالاسم لان شغلك حلو من تظليل وتركيب زينون وهالشغلات
وانا اتكلم من واقع خبرة لاني فتحت بشارع تجاري وحيوي جداً والسيارات رايحه جايه وقريب من صناعيه ولا مشت الامور لان الموقع كان بعيد عن التجمعات محلات الزينة ونقلت لمحل اخر واموري تمام فيه
بجاوب على استفساراتك اولا ثم اعطيك بعض النصائح الاخويه
سؤالك عن الرشه فتحة المحل لازم تسمح للسيارة تدخل جوا المحل او ماراح يسمحون لك ترشها البلدية ولو مر وشافك ترشها بيغرمك مبلغ 1000 ريال ويطالبونك تستاجر ورشة للرش وهذا حصل معي
اما طابعات الستيكرات والعبارات والشبابيه انصحك تشتريها جمله جاهزة ولا تتسرع بشراء طابعه لانها غاليه ومكينة الطباعه غاليه جرب اول بستيكرات جاهزة معروضه بطاولة عرض زجاجيه
اذا شفت الستيكرات مشى سوقها معك اعزل الارباح حقتها وبالارباح اشتري الطابعه
اما سوق الجمله فهو بالغرابي البطحاء ولا تتعامل مع شخص واحد بشراء كامل البضاعه
تعامل مع عدة اشخاص اعطيك مثال
انوار الزينون اشتريها من واحد ب 60 ريال مثلاً يعطيك سعر خيالي بانوار الزينون لكن يسلخك بسعر سلعه ثانيه ويطلع قيمة الخصم حق الزنون
اهم شئ العماله هل انت مجهز عماله مدربه لانك لو تجيب واحد او 2 جدد بيلعبون بسيارات الزباين والكل بيعافك وماراح يتعامل معاك خصوصا بالاعمال اللي فيها شغل كهرباء
العماله بتتعب معاهم سوء تعامل مع الزباين تخريب للتظليلات محاوله منهم انك تبطل ثم يهجمون عليك نعطيك 5 الاف بالشهر وانت اقعد ببيتكك وهو يطلع شهريا مايقارب 18 الف
حتى لو اشتغلت بالنسبه معاهم بيحاولون يطفشونك وهذا شئ مريت فيه حتى غيرت العماله اكثر من 3 مرات
هذا ما يحضرني حالياً وقريباً بنزل موضوع مفصل عن المحل الجديد اللي بفتحه بالصناعيه القديمة بالمجمع التجاري الجديد الموضوع راح يكون فيه شرح مفصل من دراسة جدوى الى المشاكل اللي واجهتني الى التكاليف كامله
تمنياتي لك بالتوفيق
اخوك ابو مشاري
|
العرض العادي
