السلام عليكم

انا طفح بي الكيل !

قاعده ادور محل او كشك في مولات معينة
بعض المولات مايردون !
والي يرد كل واحد يعطيني سعر مختلف
واسعار فوق المعقول !

كلمت غرناطة امس يقول الكشك مترين في مترين ونص ب 150 الف بالسنه ؟
معقول ؟

اذا الوضع كذا غالي
من يدلني على محل مساحته 20 متر تقريبا
ضمن التميمي او بنده

او يكون ع طريق الملك عبدالعزيز قريب من صحارى او حوله

لاتحزن واطمئن
الدنيا ماتستاهل
ان شاء الله يفيدونك الاخوان هنا
ماراح يقصرون معك
والله يوفقك ويرزقك الرزق الواسع امين يارب

النصيحة من اخ لك ومجرب

عليك بالتجارة الالكترونية .

كل الي يكلفك .
سلة تسوق فيه مجانا
وموقع ودومين 200 ريال في السنة
وتخصيص مبلغ سنوي للدعاية .
بدل دفع الايجار للمحلات المبالغ جده
والله عينت بفضل الله خير من ورى موقع الانترنت
وبدل يكون زباينك من الي يجي المول فقط يكون من كل المدينة الي انت فيها .
وإذا كان السلعة قابلة للشحن خارج منطقتك يكون الزباين اكثر

اي خدمة انا مستعد

انا مجربة التجاة الالكترونية ويالله لك الحمد

لكن انا زبايني صغار تقريبا من ٩ سنين الى ٢٥ سنه
فالعمر الي من ٩ الى سن المراهقه ماعندهم خلفية عن التحويل و غير كذا اهلهم ما يثقون بالتجارة الالكترونيه
والفئة الي مابعد سن المراهقة يتذمرون من سعر التوصيل لانه من ٤٠ الى ٥٠

لذلك المحل لما يكون في مول بيجمع الكبار و الصغار
و الصغار تعرف نشبتهم للامهات بالسوق لين يشتري الي يبي مو زي التحويل تلعب عليه ويسكت ههههههههههه

لذلك محتاجة افتح محل

ياليت تساعدوني

فعلا كلامك صحيح انا بحثت عن اكشاك في مول نستو وجدت انه 2*2 قيمتها فوق 100 الف ريال احسبه يستهبل علي

لكن طلع كلامهم جد بعد ما بحثت في اكثر من مول ولا اعلم ما السبب

ولكن هل يعقل ان الهندي اللي يبيع ذرة في الكشك هذا دخله يفوق قيمة الإيجار السنوي 100 الف ريال
من ذرة !!!!

مرة ثانية !!!!!!!!!!!!!!!

مرة ثالثة !!!!!!!!!!!!!!!!!!!!


اذا لنتفكر


فيس منطرب على أنشودة خواطر