لدعم مشروعي المتواضع >>مشورتكم

مهندس راايق · #1 (**permalink**) 08-02-2014, 04:33 AM

السلام عليكم ورحمة الله وبركاته

طالب مشورتكم وماخاب من استشار ومتأكد اني بحصل اللي ادور عليه في هذا المنتدى بحكم خبرة الأعضاء في المشاريع الصغير اوالمبتدءة ودعمها

ابي اقدم على دعم لمشروعي اللي هو مطعم وماني عارف وش افضل برنامج لدعم المشاريع من ناحية الشروط ؟

شفت اغلب اللي اعرفهم قالولي قدم على ريادة ولما جيت اسجل في الخطوة الأخيرة طلبو مني (احتياج المشروع من الآت والمعدات والاجهزة + احتياج المشروع من المواد الخام + احتياج المشروع من القوى العاملة + الخطوات التي ستستخدمها لتأسيس وتشغيل المشروع + الخدمات والمنتجات التي سيقدمها المشروع + نقاط القوة التي ترى انها تؤهلك لنجاح المشروع )

فـ ياليت تساعدوني في هالنقاط

وسؤال اخير ماهي طريقة اعداد دراسة جدوى مشروع المطعم ؟؟

والله يجزاكم خير

العصيمي بوعلي · #2 (**permalink**) 08-02-2014, 04:42 AM

كيف ماتعرف هالنقاط ؟! .. انت تبي تسوي مطعم ؟! هل فكرت تكلفة الطباخ والثلاجات والغازات والديكورات والميكرويف ووووالخ ؟ بكم تطلع عليك بالحسبة ؟ وهل تبيها مستعمله او جديدة ؟

هل المطعم يقدم خدمة توصيل للمنازل ؟ يعني تحتاج سيارة وسايق ؟ تبي ترسم اعلان على السيارة ؟ وش نوعية السيارة ؟ وبكم ؟

هل المطعم له جدوى في هذا المكان ؟ اسئلة طويلة لازم تسألها لنفسك وتجاوب عليها
فكر الف مرة قبل تقدم على خطوة .. وتخيل ان الهيئات الي تدعمك غير موجودة وانت بتفتح مشروع بفلوسك

مهندس راايق · #3 (**permalink**) 08-02-2014, 05:08 AM

المطعم ناجح بإذن الله لأن المكان اللي بيكون فيه المطعم قليلة فيه المطاعم
الديكور امره بسيط وحسبته معروفة تقريبا بس ادوات الطبخ والمطعم ماعرفها بالتفاصيل ولا اعرف اماكن بيعها جديدة او مستخدمة لذلك طلبت المشورة

زرقا اليمامة · #4 (**permalink**) 08-02-2014, 03:39 PM

الله يكون بعونك
بشرنا اذا اهتموا في مشروعك ومولوك
الله يوفقك ويرزقك الرزق الواسع اميييين

رمش العيون · #5 (**permalink**) 08-02-2014, 03:58 PM

للآسف ولا جهة تدعم المطعم إلا إذا بتكون العمالة سعودية

وبالنسبة لتكاليف المطعم تختلف حسب النشاط والمطعم جدا جداً مكلف

مهندس راايق · #6 (**permalink**) 08-02-2014, 07:17 PM

شكرا "العصيمي بوعلي" و "زرقا اليمامة" و "رمش العيون" على تواجدكم وردودكم والله يجزاكم خير

بالنسبة لتكلفة المطعم اكثرها بتروح اجهزة ومعدات وجزء للديكور وكذا يعني
انا حطيت مبلغ التمويل 300 الف اللي هو الحد الاقصى للتمويل مدري بعدها وش بيصير

ايمن مجاهد · #7 (**permalink**) 09-02-2014, 01:43 AM

نصيحه لا تقدم الا نشاط بيع وشراء
المطاعم مابقبلوها الا اذا عندك شهاده تخصص
مثال
تكون معلم حلويات او مشويات
غيره مايقبلوا
تحياتي لك

جلجلان · #8 (**permalink**) 09-02-2014, 12:47 PM

[align=center]
انا قدمت عليهم طلب تمويل 300 الف ريال و تمت الموافقة

بعد ما تقدم إلكترونيا رح يحددو معك موعد للقاء تعريفي يعلموك ايش اللي بيصير

خلال فترة التقديم

طبعا افادوني إن بعد اللقاء التعريفي مقابلة شخصية

بعد المقابلة الشخصية

يفيدوك بالقبول من عدمه

اذا قبلوك عطوك موعد لحضور دورة تدريبية لمدة 3 أسابيع بمعدل 4 ساعات يوميا

ضروري إنك تحضرها

الاسبوع الاول دورة في إدارة المشروع

الاسبوع الثاني دورة في التسويق

الاسبوع الثالث دورة في دراسة الجدوى الاقتصادية

بحيث أنه في الاسبوع الثالث رح يكون مع أخصائي في نفس مشروعك

رح تتعاونو أنت وياه في الدراسة ويعطوك بعد الدورة مهلة أسبوع واحد يتقديم لائحة باحتياجات المشروع

و تكاليف المعدات و الأجهزة و المواد الخام

بالنسبة للمعدات و الاجهزة و المواد الخام رح يحددها لك الاخصائي و هو أعرف منك في هذا المشروع

طبعا لازم قبل الدورة في حال انك وافقت على حضورها لازم تدفع لهم 1000 ريال

غير قابلة للاسترجاع

أفادوني أنه سعر الدورة لو درستها على حسابي رح تكلف 26 ألف ريال

بعد ذلك تحال أوراقك إلى لجنة مكونة من ريادة و بنك التسليف للاطلاع على كامل ملف تقديمك

ومن ثم رفعها لإدارة بنك التسليف ومن بعد ذلك استلام دفعات التمويل

كل ذلك يتم خلال 4 أشهر بالكثير

وهذا نقطة جيدة حيث أن صندوق المئوية إجراءاته قد تمتد للعام كامل

عموما الله يوفقك

أتمنى إني أفدتك
[/align]

مهندس راايق · #9 (**permalink**) 09-02-2014, 04:53 PM

أيمن مجاهد السوق عاوز كده

مهندس راايق · #10 (**permalink**) 09-02-2014, 04:56 PM

جلجلان شاكر لك ردك وطرح تجربتك

لكن الغريب في الموضوع ان اليوم جتني رسالة من ريادة نصّها كالآتي (تأسف ريادة أن تبلغك بأنك لم تجتز مرحلة مطابقة الشروط وذلك لما يلي :النشاط لايدعمه المعهد ، إذا كان لديك تحفظ على الأسباب يمكنك مراجعة الفرع في ذلك )

كيف كذا !!!