السلام عليكم ورحمة الله وبركاته
أنا موظف في القطاع الخاص في أحد الشركات منذ مايقارب الثلاثة أشهر / مشكلتي أني لما جيت أوقع العقد قالو لي راح تشتغل مدير شؤون موظفين قلت اوكي ما في مشكلة
وبنعطيك وظيفة أمين صندوق إضافة لشؤون الموظفين قلت مافي مشكلة بشرط ان الصندوق استلمه مؤقت لمدة شهر او شهرين وأشوف نفسي فيه وإلا سلمته لكم .
بصراحة ماكنت أتوقع الصندوق يبغاله تركيز شديد وكمت متلخبط بين شؤون الموظفين بحكم مافي الا انا في هالقسم لحالي فجميع إجراءات شؤون الموظفين بالإضافة للصندوق والروحه للبنوك مرهقة ومشتتة للذهن بالنسبة لي . الواحد ماعاد صار يركز
المهم صار عندي عجز في الصندوق مايقارب الخمسة آلاف ريال تقريبا بعد ما أكلمت لي شهرين في الشركة وبعدها بشهر اللي هو الشهر الثالث خصموا علي الراتب كامل وقالولي وقع على المسير انك استلمت وبنعطيك سلفة بمبلغ الراتب قلت لهم اوكي مافي مشكلة / وقعت على المسير وقدمت سلفة وإلى الآن ما استلمت شي . كل ما أكلمهم يقولون ماعندنا فلوس عندنا ضغط ومن هالكلام ، قلت للمدير العام أبسلم الصندوق قال أجل ننزل راتبك لأننا بننزل منك مهام وبنشيل الصندوق . فرفضت
فقال خلاص أشوف مع المدير المالي بصراحة الراتب اللي أستلمه 6000 وإذا نزل راتبي وشال مني الصندوق بيخليه 4000 أنا أسألكم عمركم شفتو مدير شؤون موظفين ياخذ 6000 وكمان أمين صندوق وكل الراتب 6000 .

أرجو منكم الإفادة وجزاكم الله خيرا

هل هذه الإجراءات اللي اتخذوها بحقي قانونية بحيث انهم يعطوني وظيفتين ويخصمون الراتب كامل

أخي الكريم

الرواتب تتوقف على حجم الشركه

فيه شركات يعني راتبها لمدير شئون الموضفين كويس وفيه شركات رواتبها تعبانه

ولا تلقاء أحد يقدم عليهم ولايقبل العمل عندهم

يعني أنت معتقد مافيه أحد تقدم قبلك ورفض بسبب ضعف الراتب أو رفض أستلمه لصندوق لجانب الموضفين


الأجانب عندنا مايبون سعودي راتبه مثل الناس

من ناحية قانوني وغير قانوني دامهم أتفقو معك قبل العقد وضعهم قانوني

وشكلهم أذكياء ومر و بتجربه سابقه ولا كان ماكلموك قبل العقد

شاكرلك مرورك اخي الكريم
لكن بالنسبة لخصم راتب شهر كامل

في القطاع الخاص عادي تمسك اكثر من وظيفة بس تقدر ترجع للعقد و تتأكد ايش الوظيفة اللي توظفت عليها

اما العجز فلهم الحق يخصموه من راتبك بقدر العجز اللي هو 5000 ريال ولكن كان خصموه على دفعات مو مره وحدة

وبعدين حرام والله ينزلو من راتبك 2000 ريال عشان تنازلت عن الصندوق!!!

اكيد بالعقد مكتوب لك وظيفه وحده .. ومكتوب كم الراتب
ارجع الى العقد .. ولا تاخذ مهمه ماهي موجوده معك بالعقد

بالشركات الخاصه اعمل شغلك بس ... اللي انت موقع عليه ..

لايغرك كلام المدير.

شوف عقدك وش مكتوب فيه؟ وظيفة وحدة؟ إذن خلك عليها ولو قال بيخصم قول العقد بينا وظيفة وحدة وراتب واحد ثابت. والوظيفة الثانية أنت أخذتها كمؤقت مفروض يكون عليها بدل لأنك تشتغل وظيفة شاغرة إضافة إلى شغلك.




خلك على كلام واحد وخلك على رأيك. عجبه؟ ولا تدور مكات ثاني أحسن.

يعطيكم العافية جميعا وأشكر لكم تفاعلكم ...

الله المستعان ،