السلام عليكم..

انا اعيش في مدينه عدد سكانها حول ال100 الف نسمه طبعا شامل بعض الهجر المجاوره..

ولا يووجد اي مطعم متخصص في الباستا والمعكرونه بشكل خاص..

ولا يوجد من المطاعم المعروفه الا كنتاكي وبيتزا هت,

وعندنا عماره ملك فيها 4 محلات وانا اخذت واحد منهم ومساحته طول 9 متر في عرض 5 متر..

وحاب افتح محل اعداد الباستا بانواعها.. طبعا الطبخ يكون على الطلب طازج يعني مثل المعمول به في كل مطاعم الباستا..

عندي كم سؤال..

وش احسن عماله ومن وين اجيبهم..؟
+
من وين اجيب المعدات( فرن 3 او 4 رؤوس الي تجي على خط واحد) .؟
+
الباستا من وين اجيبه بكميات كبيره؟؟+ انواع الجبن والصوص هل اخذها من السوبر ماركت العادي ام يوجد شركات او محلات توفرها لي؟؟

راس المال بين ال60 لل80 الف لا يتعداها..

انا في الشرقيه..

وللعلم اكثر من مره طرحت السؤال لكن لا يوجد رد..

وشكراا

وعليكم السلام ورحمة الله وبركاتة
في الشرقية يعني عندنا /

الله يسلمك كثير محلات الباستا في المجمعات ...

اذ انت من مناطق الكشتات اقصد النعيرية وماجاورها ممكن هناك تقل الخدمات فهو صحيح

بخصوص العمال اكيد الفلبن الافضل

بخصوص المقادير اعتقد انها سهلة >> اهم شي كريمة الخفق الخاصة بالطبخ فهي الشي الاساسي للباستا فطعمها لذيذ وتعطي نكهة

ان شاء الله يجي من يفيدك اكثر

الله يوفقك ويرزقك
بالتوفيق للكل /

العماله الفلبين افضضل شي هم اهل صنعه
المعكرونه اتوقع وليس اكيد تتعاقد مع موزع
الصوصات وهي اهم شي والذ شي ممكن تجيبها جاهزه وممكن تخلي لك خلطه خاصه وتتفنن فيها وممكن تصير سببب نجاحك وتميزك


بروح اضبط لي باستا يمي ...يمي

والله يا اخوي مشروع ممتاز

ولو تخلي الاسعار في متناول الجميع يعني مو مثل المولات راح تعيين خير با اذن الله ,

بالمولات بـ 25 ولا فيها ذاك الطعم عشان زحمه ويسوي الوجبه بسرعه ,

انت خلي الوجبه بـ 15 او بـ 17 وفوق الوجبه ببسي التعبئه ,

انت ركز على الديكور بس لا تتكلف فيه كثير ,

حاول قد ما تقدر يكون المحل نظييييف 24 ساعه

انا مو من الرياض ولا كنت افيدك من وين تاخذ المكرونه والاغراض كامله ,

وموفق با اذن الله ,

مشكورين جميع...

انا في بقيق مدينه صغيره اغلب سكانها موظفين ارامكو.. تجي بين الدمام والاحساء..

اسرحلك.. من وين انت؟..

اتكلم لك من واقع خبرة

80 ألف تأسس فيها مطعم بتعبك كثير كثير
تحتاج للمطعم مواصفات وديكور بيكلفك هذا غير الثلاجات والمعدات والبضاعة أول ما تفتح
أنا لما فتحت مطعم تقريبا 11 ألف بس بضاعة أول يومين واغراض مطبخ سكين صحن قدر الخ
وبرضوة لا تتوقع الربح من أول يوم تشتغل فيه صح بتجيك زحمة بس تكون صرفت كثير ولا تقدر
تتوزان بين المبيعات والمشتريات إلى بعد اسبوع

الأمر الآخر بالنسبة للعمالة أنا سافرت برى أحيب عمالة عندك فلبين اندونيسيا وحتى النبيال تلقى فيهم عمالة مطاعم عالمية وعندهم خبرات رسمية,

أما البضاعة فراح تلقاها بأسعار منخفضة عند المورديين للأغذية (المستودعات) هم اللي يمولون المطاعم لذلك كل احتياجات المطعم عندهم وإذا ما تعرف موقعهم اسأل المطاعم.

بالتوفيق

ماعندي خبره بإستفساراتك لكن نصيحتي لاتقدم اكل بااااايت نهائيا خليك حريص على هذا الشي
فيه مطاعم تقدم الباستا بايته يسخنونها بس والاكل شبه فاسد

بالتوفيق