سسلام عليكم

بدخل بالموضوع على طول ..

انا بفتح مغسلة سيارات ومعاي شريك خويي بالدوام

وانا ابي اعطيه اي شي يضمن فيه حقه ودي لو اكتب له ورقه واصدقها من المؤسسه تبعي ..

بس ماني عارف كيف الصيغه اللي اكتب فيها ؟

ثاني شي كيف اسوي كشف للحسابات اليومي والشهري عشان اعرف صافي الارباح ؟

الشي الثالث ابي تعطوني افكار لطريقة الحسابات و للمشروع و هل تنصحوني من اول الارباح اقسمها بالنص بيني وبين الشريك ولا كيف ؟ وابي اعرف كيف كل شهر اطلع الرواتب لعمال و ايجار الشهري و المستلزمات والربح

ومشششكورين

استغفر الله

يا اخي مشروع بمشئة الله ناجح

انت احسب كل حساباتك ,

اووول شي إيجار المحل , ورواتب العمال , والمصروفات النثريه ( ماء , صابون , معطرات , مناشف ... الخ )

ولازم توقف على المغسله انت بنفسك اول 6 شهور اقل شي عشان تعرف كيف دخلك وانتبه تشتري من المندوبين , اي شي روح اشتريه انت بنفسك عشان تعرف مداخل ومخارج الشغله مزبوووط وبعد كذا راح تتفنن فيها

اجمع جميع الايراد اخر الشهر , مثلاً

الدخل كان 25000 , والايجار 60 الف في السنه , والرواتب 10 الاف لـ 4 موظفين والثنريات 2000 ريال

يصير تخصم 5000 إيجار المحل

وتخصم 12000 رواتب ونثريات ,

راح يصير معاك الصافي بعد الخصم 8000 , هذي تتقاسمها انت وخويك

وانصحك انك تسوي انت وياه صندوق تجمعون فيه عشان تفتحون مغسله ثانيه بعد ما تفهمون الشغله مزبوط

والله يرزقنا ويرزقكم من واسع فضله

حياك الله

مثل ماتبي تضمن حقه انت كمان يكون لك شي يضمن حقوقك بالعمل معه ..من باب الحرص والحق المتبادل بينكم..

وباقي الاستفسارات ماعندي خلفيه وبإنتظار الاخوه يفيدونك ان شاء الله..

والله يختارلك الخير

وعليكم السلام ورحمة الله وبركاتة


الافضل لك تعمل مشروعك من دون شراكة
بالتوفيق لك /

عزيزي سوف ادخل في نقطه واحده وهي الشراكة

نصيحتي الابتعاد عن الشراكة بالمال نهايتها الفشل ومثل ماهو واضح من كلامك ان صديقك يبغى الارباح على طول

عندك امر واحد اذا اتفقتم عليه من البداية ممكن اقولك تنجحون وهو
ان الارباح تكون في حساب لمدة سنه مايسحب منها شي

صدقني لو خسر المشروع راح يسحب عليك خويك ويخلي كل شي في وجهك
او تصير تدخلات انت في غنى عنها

الشراكة ( شوك)

نصيحة مجرب بداء بشراكة وفشلت علما ان تخصصي ومجالي تجارة لكن لم انجح بالشراكه

والان رجل اعمال حر لوحده

لن ازيد على كلام الاخوان اللي قبلي نصيحة لوجه الله ابتعد عن الشراكه حتى لو اخوك

اخي الكريم


اذا كان عندك قدرة على فتح المشروع لوحدك وبدون شراكه فهو افضل لك ,,


انا شخصياً واتحدث عن نفسي شاركت شخص عزيز على قلبي رجل كبير في السن وقريب إلى القلب وطيب الذكر ولا يختلف عليه اثنان خلقاً ,,

من أول شهر خان الأمانة ( جحدني ) وسلب كل شيء والسبب لأني لم أكتب بيني وبينه ورقه رسمية تحفظ حقي ,, وهذا خطأ كبير مني لأني وثقت به ,,



اخي الكريم ,, لا تضن بأن الصداقه الحميمة والثقه أو حتى القرابه ستكون بنفس الدرجة في مجال التجارة .. الفلوس تعمي النفوس والناس تبحث عن رزقها والبعض لا يخاف الله ونفسه ضعيفه ويستغل حتى أخوه .


نصيحه لوجه الله اقدمها لك واكررها ( ابتعد عن الشراكة , ابتعد عن الشراكه , ابتعد عن الشراكه )


بالتوفيق .