[align=center][/align]بسم الله الرحمن الرحيم
اذا فيه احد عنده خبره يفيدني ارجووووه لا يبخل علي محتارة وش اشتري بوكلين او كرين وش الافضل وش شروط الكرين هل لازم اطلع تاشيرة سايق نقل عام وانا موظفة هل اقدر او لا ؟! بآخذ سلفة من البنك وما أبي أتوهق وحاسة أن المعدات دخلها بيكون باذن الله حلو اذا الله وفقني انتظر ردووودكم يا اصحاب الخبرة ..

اختي الفاضله شغل المعدات كلها مربحه وممتازه. خصوصا اذا كان العمل مع شركه موثوقه كل. فتره وفتره تسددك وايضا العمل الحر جيد اذا كان العمل متوفر لاكن بعد حمله التصحيح فيصعب جدا وجود سواق سابقا السواقين متوفرين الان حتي لو وجدتي سائق فيصعب استقدامه او نقل كفالته لانك موظفه ولو كنتي غير موظفه فيلزمك سعوده لو علي سايق واحد لان نظام المعدات كذا اتمني اني افتدك

رفع..................

المعدات فيها رزق بس فيها تعب البوكلين الساعة سعرها من 100-150 يعني بالشهر حوالي 20 الف شيلي منها 5الف راتب سائق وديزل وزيت أو اجريه على احدى الشركات تقريباً 18 الف في الشهر في شركات تبيع اقساط مثل فولفو -دوسن - وهوندا .
بس في البداء لا بد من ان تجدي سائق يكون لديه خبرة حتى مايلعب بالمعده ويعطلها فالسائق هو الاساس في الشغله حتى بعض السائقين يتعرف على الشركات والمقاولين ويجيب الشغل خاصة إذا عطيتيه بالنسبه واهم شي تركيب جهاز تعقب على المعدة حتى تعرفي وين يشتغل وكم اشتغل ساعات .
وبتوفيق

فكرة جميلة أختي لأن فلوسك اللي تدفعيها في المعدة تعتبر رأس مال ثابت ويبحث عن زيادة .

بمعنى أن لو لم تنجحي في العمل خلال اشهر بأمكانك بيعها وربمها بسعر يفوق السعر الذي دفعتيه في شرائها ..


المهم اختي الكريمة والذي في رأيي الشخصي اهم من خطوة شراء المعدة هو السائق .. يجب أن يكون لديك سائق ثقه ويقود المعدة وكأنه يملكها ,, وانصحك بأن لاتسلمي المعدة للشركة الا ومعها سائقك انتي الخاص لأن الشركات لايهمهم الا انجاز عملهم ولو وصل الأمر في اعدام المعدة الخاصه بك .. مع العلم أن غالبية الشركات يماطلون في الدفع ويتأخرون إلى ثلاثة اشهر او اربعة .

البوكلين اعتقد اسعارة تصل إلى 400 الف ريال ..

ومثل ماقالوا الاخوان ايجارها بالساعه من 90 ريال إلى 150 حسب المكان اللي يشتغل فيه جبل او اي شيء


وأخيراً اختي الكريمة لا تعتمدي على استشاراتنا في المنتدى يجب أن تتواصلي مع شخص ثقه عمل في هذا المجال ويعرف كل صغيرة وكبيرة فيها . وان لم تجدي فسنكون أخوه لك ونطرح لك مايمكن من مساعدات وافكار ..


وفقك الله

أنصحك في البوكلين مربح جداً , وبإمكانك تركيب شريحة تعقب وتستطيعين متابعته , لكن صعب جداً تجدي سائق ممتاز .

وفقك الله ..

البوكلين مربح لكن فيه شروط لنجاحه :-

اولا مثل ماتكرموا الاخوان وجود سائق ممتاز جداً ويعرف قيمة المعده اللي يشتغل عليها .
ثانياً تحتاجين إلى سطحه لنقل البوكلين من من مكان عمل إلى مكان عمل , لان البوكلين صعب يمشي على الزفلت مسافات طويله .
ثالثاً النشاط يحتاج إلى رجل يدير المعده ويدير السائق والمشروع سواءً ( زوجك او اخوك او احد اقاربك ).
رابعاً جميع المعدات والشاحنات تحتاج مبلغ اضافي الى قيمة المعده لكثرة اعطالها , يعني فرضنا قيمة البوكلين 400 ألف اضيفي لها 50 الف احتياطات < وانا اعتبر الاضافي شيء اساسي لان دائماً توجد اعطال في المعدات .

هذا رأيي وحسب كلام اصدقائي ومعارفي اصحاب المعدات و الشاحنات
اتمنى اني سردت مالدي والاستخاره خير دليل

التنسيق مع سائق مميز قبل الشراء
شئ مهم
وقبل اتخاذ اي قرار عليك بصلاة الاستخارة

السلام عليكم اختي السبيعيه اتمنى لك التوفيق انا انصحك بالتريله او القلاب افضل من البوكلين والكرين لانها لاتحتاج الى سياره ثانيه تشيلها التريله والقلاب شايله نفسها بالنسبه للتريله ممكن تاجرينه على شركه والقلاب بعد بس الي اشوفه ماشي التريله القلاب اشوفه عندنا بالجنوب شغال بالبطحاء شغل ممتاز رد البطحاء ب 700 ريال وانت طالعه واي خدمه انا موجود
والسلام عليكم