السلام عليكم ورحمة الله وبركاته
كيف الحال يا شباب ؟

انا كشفي الطبي كان بتاريخ 4/10 حضرت عندهم الساعه4الفجر ولا حركنا لخشم العان الا بعد ما صلينا بالتجنيد بعد ماوصلنا ما بدينا بالكشف الا بعد الساعه8الصبح!
وخلصنا الكشف الساعه12 تقريباً
لكن نادو خمسه منا وانا واحد منهم شاكين بواحد منا ان فيه كسر بيده وودوه مستشفى ثاني عندهم اشعه وانا والباقين شاكين ان عندنا القلب تعبان ! يقلون مانبي نظلمكم ونرسبكم ويكون السبب ارهاق او توتر !
وودونا يم مستشفى الملك فهد الطبي وجلسنا من 12الى اربعه العصر
طبعاً خوياي كلهم كشفو تخطيط قلب الا انا انتهى دوامهم قالوا لي تجي بكرى يقصدون اليوم وجيتهم الصبح اليوم خذو علي على طول تخطيط قلب وقالوا بالتوفيق ومشيت لـ بريدة♥



والي كشفو معنا بنفس التاريخ نبي علوم النتائج والدورات
وان شا الله كلنا ناجحين

للمعلومية الطول يبون من 160وفوق
ويقولك الوزن الي فوق 105يروح ينزل وزنه ويجي
بس مادري هو يقصد الي طولهم 160 ولا الكل !

الله يسهل علينا وعليك يارب


واللي يجيه شي جديد لايبخل علينا

طيب يوم ٩ قبل الكشف بالليل الساعه ٨ خلوكم تجون ولا بس جيت يوم الكشف

^
من قال انه بالليل؟
الصبح ماهو بالليل
ماحد يدري انت جيت قبل الكشف بيوم لن مافيه تحضير ولا تشوف احد تجي تحصل الاسماء على الجدار والناس متزاحمه عليه تشوف اسمك باي مجموعة وتمشي وان جا موعد الكشف ينادون مجموعة وكل مجموعة ينادونهم واحد واحد بالاسم وان سمعت اسمك قم وصف مع مجموعتك

طيب ياخوك اللي عنده كسر برجله بالفخذ ومركب اسياخ , والعمليه شبه واضحه, يدققون عليه

وفالك التوفيق

انا اعلمك شلون طريقة الفحص
اول ما تدخل عند الدكتور تنزل ملابسك مايكون عليك الا السروال القصير
تروح تاقف عنده يخليك تمشي للجادر وترجع له مشي سريع ثم يخليك تاقف على اصابع رجولك
ثم يمسك يدك من تحت الكوع ويمسك كفك ويحركهن ثم يخليك تركع ركوع الصلاة وتحط يد وراء ظهرك ويد ورا رقبتك ثم تبدل اليدين ثم يخليك تمسك انت اصابع يده وتشد بكل قوتك عليه ثم تروح تدخل غرفة صغيره متر في نص متر تنزل سروالك وتاخذ لفه ثم ترجع تنسدحه على السرير يمسك رجلك ركبتك واسفل ساقك ويحرك رجلك يمين ويسار وفوق وتحت

هذهو كشفهم بالتفصيل الممل

الله يعين , ابروح وأمري لله
الاسياخ له اكثر من 18 سنه ولا فكرت اني افكها
امشي عادي ولا علي اخلاف الحمدلله,بس الله يهديهم من كلامكم احسهم متشددين شوي
والله يوفقك ويسعدك ياخريج بريدة , ويرزقك بالوظيفة الزينة

السلام عليكم
اخوي خريج تقنية بريدة ان شالله تعدي الكشف الطبي وتنقبل نهائي
عندي سوال لك ممكن اللجنة الطبية دكاتر بس او معهم عسكر
والي يقيس الطول معة عسكر
وكيف يدخلونا واحد واحد او كيف .
ويعطيك العافية .