السلام عليكم ورحمة الله وبركاته الحمد لله كثيراً جاني القبول النهايي في الحرس الحدود في معهد حرس الحدود البحري بجده الله يوفقكم جميعاً واللي ما انقبلوا لا تزعلون لعلها خيره لكم اسال الله العلي العظيم ان يعوضكم الله بخير منها. للي يسال عن المعهد بجده هو اسمه معهد حرس الحدود البحري ودورة البري والبحري مع بعض

ألف مبروك للجميع , والله يوفق الباقين وتنزل اسمائهم معنا
الحمد لله انقبلت والتحضير يوم 21-10-1435 في معهد حرس الحدود البحري بجدة

الله يوفقكم كلكم ويسهل أموركم

ياشباب الدوره 9 شهور او 7 شهور ..؟والحجز 45 يوم او اقل من كذا .؟

لا مو 9 شهور الدوره الاتوها تخرجت 4 شهور دخلو 4/1 وتخرجو 27 /7 وبعدها شهرين تكون دوام ل12 الظهر بالمدينه الا تعينت فيها

ردي حطيه بموضوع آللي فوق وآعتقد آللي هنا آلمقبولين آكثر ..

الله يوفقكم ان شاء الله وشدو حيلكم وهالله هالله بالصبر والله سهالات وتروح ذكريات وضحك وناسه ..

بالنسبه للي دورته بجده الله يعينكم آنا كانت دورتي بجده واخذناه ضحك وناسه وراحت ..


عموما كم نصيحه ممكن تفيدكم بحكم اني متخرج من جده من اول يوم لاخر يوم

اول شي لآتصير دبوس ولاتسمع كلام بنريحك وبنسوي لك ومن هالكلام كله خررطي ولا راح يفيدك بشي ..

وحاول لاتصير عريف فصيل لانه ينكرف اكثر شي

واهم نقطه طبعا هم بيقولون لكم ترا البزوطه ماتنفع وادري اللي برا قالو لكم بزوطو ومدري ايش ومن هالخرابيط عشان يخوفونكم .. ( بآلخط العريض بزووووووووووووووط ) لكن بعقل يعني خلك ذيب لابغيت تسوي شي ..

طبعا فيه رقيب اول الهلالي هذا اطلق واحد بالمعهد ورجل شرواكم ..

وفيه مدرب انتبهو ممممممممممممممنه باكستاني آسمه ( عنايه الله ) هذا مجرم حرررررب حاول لاتخليه يصيدك طبعا يشكلونكم وكل فصيل له مدرب حاول تنحاش من عنايه الله لانكم بتشوفونه

فيه اطلق مدرب بآكستاني آسمه حميد الله خان ومحمد فاروق و وعاشق < هذولا اطلق مدربين تحطهم ع الجرح يبرى ..

خلاصه الموضوع خذها بفله وبوناسه تمشي تآخذها بنفسيه مآتجلس ولا دقيقه .. والكلام اللي يجيك اسمعه من هنا وطلعه من هنا ..

آلوكاد اول ماتجون آول اسبوع يوزوعنكم سرآيآ .. اللي بسريه عمرو آلدور الاخير يروح لغرفه رقم 9 كاتب لكم ذكريآت ونصآيح هههههه وترآني كاسر الدريشه لكم عشان اللي يبي يدخن

وآلحجز حنا بجده اخذنا 48 يوم

الله يوفقكم ان شاء الله ودعواتكم لي ان الله يسهل اموري وآنقل للشمآل

+ من زود الفضآوه دخلت موقع حرس الحدود واحط آلسجل المدني ورقم الطلب حقي القديم يقول اني مقبول نهائي هههههههههههههه ..


الموقع مخبط شكله .. ماعليكم مقبولين باذن الله كلكم وحتى اللي ماجاه بالموقع بيجيكم اتصال لاصارو نقص والنقص بيصير بيصير النفسيآت واجد هناك

الوايلي العنزي
الله يوفقك ماقصرت نصائح جميلة
والله يسهل امورك وتنقل لأهلك

يارب لك الحمد تم قبولي نهائياً بمعهد جده وعقبال الجميع يارب .

الوايلي ياليت تعطينا نبذه عن وضع المكافآت .. والراتب كم الحين .