لانه ما جاتني رسالة على الجوال و لكن في الموقع انقبلت و جاني موعد .. و فيه ناس تقول الموقع حقهم ملجلج خخخخخ يزود و ينقص فالتاريخ و هذا اللي خايف منه انه اروحلهم في الموعد حق الموقع و يقولون موعدك فاتك و راح عليك خصوصا انه ما جاتني رسالة على الجوال و الرساله هي الاكيد طبعا و اللي الكل راح يمشي عليها .الخلاصة انا مسجل في منقطة عسير و المقابلة الاسبوع الماضي في جدة و موعد المقابلة الاسبوع القادم في عسير السوال / هل فيه احد جاه قبول من منقطة عسير ؟

يارجال ياليت احد يعطينا علم اكيد عن مسوغات التعيين وش المقصود فيها؟
واختبار المستشفى كم يأخذ والكشف يكون عن ايش ؟
ياليت اللي بيجاوب يكون مجرب ولا احد يعرف واحد مجرب .

هذة مشاركة قديمة لجندي جامعي شغال في حرس الحدود يتكلم فيها عن المرحلة الثالثة "مرحلة مسوغات التعيين"
الاجراءات المطلوب انهائها في المرحلة الثالثة:
لو فرضنا ان موعدك يوم السبت
اولاً: تحضر الساعة 6 تسلم الصور للموظف والبطاقة الاصل يدبس الصورة على استمارة الكشف ويقلك بكرة الساعة 8 تكون في مستشفى قوى الامن _ طبعا الموعد يراعى فيه قرب المكان وبعده ومايعطيك موعد الا ويمديك بالرااااحه_ تروح للمستشفى في نفس الموعد اللي حدده لك تلاقي المندوب حق مركز التدريب هناك يعطيك استمارتك وتخش تفحص وبعدها يقلك راجع مركز التدريب بكرة او بعد بكرة عشان اذا كنت لائق يعطوك باقي الاوراق .
ثانياً: في حالة انك لائق تستلم اوراق البصمات والاحوال المدنية واستمارة فحص النفسية ودفتر الالتحاق ويعطوك موعد بعد اسبوع او عشرة ايام يمديك تخلص فيها كل شي وترجعها.
ثالثا: بعد ما تسلم الاوراق اللي قلناها يقلك انتظر القبول النهائي.
رابعا: تجيك رسالة مضمونها مراجعة مستشفى حرس الحدود لإجراء تحليل السموم(المخدرات) الله يبعدنا عنها تروح للمستشفى تعمل التحليل بعدها تروح للبيت تتكي لين تجيك رسالة
الف مبروك لقد تم قبولكم نهائيا في حرس الحدود وموعد الدورة ..\..\..14هـ في مركز او معهد .....
بالتوفيق
اما الفرز النهائي فكل من وصلته رساله الان وتجاوز الفحص الطبي والبصمات والاحوال وتحليل السموم مقبولييييييييييييين
الله يوفقكم

يعطيك الف الف عافيه يا SAM7 كفيت ووفيت .

توضيح رائع ولاكن اللي ماهو من الديره كل يوم سردادي مردادي يمتر الخطوط رايح جاي لهم بمواعديهم كل يوم موعد

الي من المدينة وبيروح حرس الحدود الي بينبع يكلمني اخاويه 13/6 الاحد الجاي