بس ما قلت لنا يالغلا
كم خلاك تسوي بطن وكم ظهر ؟
وهل كل شخص لوحده ولا مجموعه؟


و بـــ خصوص ان ما خلاك تسبح انت مقدم بري ولا بحري؟

و اسف ع الاطاله

ثلاث مرات بطن وثلاثه ظهر .
وكل شخص ينادونه ب اسمه وسوي التمارين
انا بري ومعي مجموعه مقدمين بحري ما طلبو عليهم سباحه وكانو معي من البدايه لحد ما خرجنا سوا
ما طلبو ع احد شي

السلام عليكم ..
اللي سوا المقابله في جده ياليت يعطينا العلوم .

السلام عليكم ورحمة الله وبركاته

عندي استفسار يا اخوان واتمنى القى الجواب عليه

انا انقبلت وموعدي يوم 24 في جده

استفساري انا عندي انحراف في العين بسيط ممكن اعدي والا ما اتعب نفسي واظرب مشوار من الرياض حتى جده واخر شي يمسكوني الباب


والله يعطيكم العافية

يعطيك العافية اخوي جنون مؤقت جزاك الله خير بس من معهد الى معهد يختلف وعلى فكرة اللي يدربون في جده بكستانية حسب ماقالي صديقي

سلام عليكم

يالربع بالنسبه للوزن هل هو امر اساسي بالقبول

لان صديقي حاط الوزن 80 ووزنه الصحيح 112 ، وطوله 171

تهقون ينقبل ؟

اليوم كان موعدي بجدة دخلت 7ص وخلصت 11:30ص ، زححمممة

اول شي تدخل وتدور رقمك اللي على يمين اسمك في الكشف وتحفظه ف راسك
تجهز صورة الهوية وصورتين شخصية مكشوف الرأس وصور للمؤهلات

تصف طابور وتستلم ورقة فيها بيانات المقابلة

وتستلم ورقة المسح الأمني او يسلمونك اياها بعد ماتخلص المقابلة

1 - الاختبار التحريري طبعاً رحنا لمبنى التعليم وحطونا على كمبيوتر فيه 15سؤال اختيارات ثقافة عامة (وزير الداخلية - وزير الخارجية - اول من اطلق عليه لقب امير المؤمنين- وهكذا ..) مدته 15دقيقة.

2 - قياس الطول والوزن ومطابقة المؤهل فقط . لايوجد كشف نظر.

وبعدها تجلسون على كراسي وفيه ضباط كل ضابط يجيه طالب واحد فقط يسألك اسئلة يشوف النطق عندك والطلاقة في التحدث ( مثل حدود السعودية من الشمال - عدد اجزاء القرآن - عدد اركان الإسلام-وهكذا..)


3- بعدها يعطونك ورقة المسح الأمني وفيها أسئلة بسيطة الدول اللي سافرت لها والسبب وكم مرة سافرت لها

(هوياتك - تدخن- اين تفضل منطقة التعيين وهكذا ..)

بعد ماتعبي الورقة وتدبس صورتك عليها تروح تصف طابور المسح الأمني


يجي دورك تدخل تلقى شيخ وضابطين الشيخ بينصحك واحتمال يطلبك تقرأ آية الكرسي ويعطيك مطوية دعوية وتروح لأحد الضابطين ويشوف البيانات اللي انت كاتبها واحتمال يسألك عن الأجابات اللي كتبتها

4 وبعدها تروح للميدان اختبار اللياقة كلام فاضي
جري لفة على الميدان في دقيقة وتمرين بطن 10 وتمرين بشم 10

بعدها اذا انت بري ماعندك سباحة خلاص تمشي

اما البحري عندك اختبار سباحة انا ماعرف اسبح بس نزلت في الموية وبغيت اغرق ههههه المهم في واحد معه عصا طويلة للأنقاذ لاتشيل هم بس مدري مشوني في السباحة والا ل
ا (نصيحة خذ معك ششورت او برمودا عشان السباحة)


وهذا اللي صار من طقطق لين سلام وعليكم

الله يوفق الجميع

اللي جتهم الرسائل متأخرة لاحظت انهم يوقعونهم على اقرار بس مدري وش مكتوب فيه

لحد يرتبك الأمور متيسرة الحمدلله وسهاالة