هذي الاجرائات يقدرون يخلصونا في اسبوعين كل مراحل القبول والكشف الطبي والفرز
بس عليهم نظام قديم وغبي يعني عندك اول مرحلة من القبول مالها داعي وزن و طول ومطابقة
والمرحلة الثانية وزن و طول ومقابلة واختبارات ادمجها وخلها مرحلة وحدة وبعدها فرز نهائي وصلى الله وبااارك
يبغالنا نكلم داود الشريان

أستغفر الله العظيم ..

نكلم داود الشريان هههههههههه
المهم ي شباب هآنت مابقى شيء .. كلها خمسطعشر سنه وتطلع النتائج ههههههههه
صدقوني هانت راح الكثير ولا بقى الا القليل .. الي صبرنا 4 شهور .. يصبرنا كم اسبوع

دعواتكم لي
سويت العملية ابشركم "المرارة"
واليوم بروح لقوى الأمن ، لعل وعسى القى الكشف حقي مع المندوب
مع اني متأكد انه وداه المعهد وكتبو غير لائق لأني متأخر عليهم كثيييررر
أنا بسعى والله قد كتب كل شي أن كان لي نصيب فيها بآخذه، والا الله يعوض عليّ

^^ الحمد لله ع سسسلامتك وان شاء الله لسى ماوداه وتعدي الفحصص وطمنآ وش صار معك

الحمد لله ع سلامه ..
ماعليك ي وحش .. رح لهم وخبرنا وش الي يصير
وحتى اذا راح الكشف للمعهد رح لهم وخبرهم ب الي صار .. قل انا شقيت بطني هههههههه
قل الدعوه فيها حياه وموت مو لعبه .. وان شاء الله تيسر امورك كلها ..

الله يسلمكم

الحمد لله رحت لهم ولقيت المندوب ولقيت الكشف حقي ,
رحت للاشعة لأن هي اللي نكبتني وسوالي اشعه وقالي تعال بكرة عشان يختمها الدكتور لأنه ماهو موجود
وبعدها ختم الباطنية واخللللص

\
وش الطلبات حقت المعهد عشان اجهزها من الحين

اقسم بالله فيني فرحة ماتوصف

مبروك يالغالي الطلبات :: صورة بطاقه الوالد وصورة بطاقتك البصمات الشهادات اواراق الشيخ صور شخصيه انا شالو مني 12 صورة برنت الاحوال هذا الا اذكره لو فيه شيء ثاني يذكروني الشباب

الله يوفقك ويجزاك خير
طيب انا باقي ماسلمت البرنت ودفتر الالتحاق
هل اسلمها الآن والا انتظرهم يتصلون علي بعد الكشف الطبي