السلام عليكم
اخواني واخواتي انا تخرجت الترم الاول قسمي ادارة اعمال لكن جد ( مادري وين اروح!)
فيه كذا شي ماني فاهمته بالتوظيف ..
اولا التقديم على الوظايف عموما احد يقول من النت واحد يقول روحي للمكان الي تبين تتوظفين فيه مثلا بنك او غرفه تجاريه او كلية ... اروح للاداره نفسها!
ثانيا جداره وش سالفتها ؟ يعني ادخل بياناتي بس وهم يوظفوني! طيب انا وانا اسجل بس حطيت التخصص حقي ماطلب الاماكن او الوظايف الي ابغى اشتغلها يعني هم يختارون لي الوظيفه ولا كيف؟ وبصراحه ماسمعت عن احد قبل توظف عن طريق جداره ابدا! وفي احد قالي انه هذا الموقع لاحصاء عدد العاطلين فقط لاغير! وللاسف لاني ما امون ماعرفت هل هذي حقيقه ولا مزحه! هل تعرفون احد توظف عن طريقهم؟
ثالثا البنوك هل ممكن توظفني وانا خريجة ادارة اعمال؟ مساري الاداره وليس التمويل او المحاسبه لكني درستها كمواد مشتركه ؟ وكم رواتبهم اذا انا مبتدئه وما احمل اي شهادات اخرى او خبرات ؟
رابعا والمهم هل صحيح انه يستحيل اني اتوظف وانا مامعي لا شهادة حاسب ولا انجليزي ما معاي الا بكالريوس ادارة اعمال علما ان معدلي 4:45 من 5 ؟
خامسا وش الوظايف الي تقترحونها علي بناء على الشهاده الي معي وعلى معدلي الي ذكرت علما اني من القصيم ويكون وضعها كويس من ناحية ساعات العمل والراتب
الله يفرج على الي بيرد على استفساراتي

أولا جدارة تطرح وظائف تعليمية وإدارية سواء بالمدارس أو بمؤسسات حكومية وتعمل مفاظلة بين المتقدمين وعند كل طرح وظيفة يقوم المتقدم بالدخول على ملفه بجداره وتحديث بياناته وتحديد الأماكن التى يرغب العمل بها حسب المناطق المطروحة ....
جدارة تطرح وظائف حكومية فقط ...أما إذا رغبتي بالقطاع الخاص كالبنوك وغيرها فلا علاقة لجدارة بها والتوظيف حسب المواقع الالكترونية لكل بنك والبعض التقديم يكون عالفرع ..

بالنسبة إن مامعك شهادة حاسب وغيرها ...فجدارة تفاضل بين المتقدمين حسب المعدل وسنة التخرج يعني الأقدمية وهنا برنامج مثبت لحساب النقاط تستطيعي الدخول عليه ومعرفة نقاطك ...
أما بخصوص أن جدارة حصر للعاطلين ولا يوظف فهذا غير صحيح التوظيف الحكومي عن طريق جدارة فقط ولكن لكثرة طالبين العمل وقلة الفرص الوظيفية يكون التذمر ..

اخواني واخواتي انا تخرجت الترم الاول قسمي ادارة اعمال لكن جد ( مادري وين اروح!)
فيه كذا شي ماني فاهمته بالتوظيف ..
اولا التقديم على الوظايف عموما احد يقول من النت واحد يقول روحي للمكان الي تبين تتوظفين فيه مثلا بنك او غرفه تجاريه او كلية ... اروح للاداره نفسها!

الوظائف الحكومية التقدم لها لا يكون بالذهاب الى مقر الوزارة أو الادارة فقط سجلي بياناتك بجدارة . خصوصا ادارات التربية والتعليم ..أما الادارات الاخرى فلا علم لدي
أما القطاع الخاص الأفضل تروحين لهم بنفسك سواء بنك أو مدرسة أهليه أو أي شيء

ثانيا جداره وش سالفتها ؟ يعني ادخل بياناتي بس وهم يوظفوني! طيب انا وانا اسجل بس حطيت التخصص حقي ماطلب الاماكن او الوظايف الي ابغى اشتغلها يعني هم يختارون لي الوظيفه ولا كيف؟ وبصراحه ماسمعت عن احد قبل توظف عن طريق جداره ابدا! وفي احد قالي انه هذا الموقع لاحصاء عدد العاطلين فقط لاغير! وللاسف لاني ما امون ماعرفت هل هذي حقيقه ولا مزحه! هل تعرفون احد توظف عن طريقهم؟

أولا تحديد الرغبات يكون عند التقدم للوظيفة وليس متاحا الان
مثلا سوف يكون هناك مفاضلة ادارية بشهر 6 القادم اذا كنتي تريدين التقدم لها ..سوف يكون هناك اعلان قبل البدء عليك معرفته لأن تقدمك بعده أو قبله لا يجدي نفعا ..حينها ستعرض عليك الرغبات المكانية

أما عن طريقة التوظيف بجدارة فتتم بناء على مناسبة تخصصك للوظائف المطروحة وتقدمك لها أثناء الاعلان عن المفاضلة
موقع جدارة ليس لاحصاء عدد المتقدمين العام الماضي توظف أكثر من 12 ألف مواطن ومواطنة عن طريق جدارة

ثالثا البنوك هل ممكن توظفني وانا خريجة ادارة اعمال؟ مساري الاداره وليس التمويل او المحاسبه لكني درستها كمواد مشتركه ؟ وكم رواتبهم اذا انا مبتدئه وما احمل اي شهادات اخرى او خبرات ؟

أتوقع تقبلك قدمي عليها وشوفي

رابعا والمهم هل صحيح انه يستحيل اني اتوظف وانا مامعي لا شهادة حاسب ولا انجليزي ما معاي الا بكالريوس ادارة اعمال علما ان معدلي 4:45 من 5 ؟

غير صحيح البته خصوصا بالوظائف الحكومية
ولكن القطاع الخاص يفضلون الشخص اللي معاه دورات ..ولكن ليس مستحيلا التوظيف من غير دورات

خامسا وش الوظايف الي تقترحونها علي بناء على الشهاده الي معي وعلى معدلي الي ذكرت علما اني من القصيم ويكون وضعها كويس من ناحية ساعات العمل والراتب

الوظائف الادارية بكافة أشكالها مناسبة لك وهناك مفاضلة ادارية قريبة أنصحك بالتقدم لها ..والأولوية دائما في الوظائف الادارية لأصحاب شهادة "ادارة أعمال " ووظائف الأحوال المدنية هذا بالنسبة للقطاع الحكومي

أما الخاص –البنوك –المدارس والمعاهد الأهلية –وأي مجال يكون فيه ادارة

موفقة

ما تتشرط البنوك كثير لكن من تجربتي الشخصية

أهم شيء المقابلة الشخصية تقدمين نفسك بشكل مرن جداً اي شيء يطلبونه منك تقبلينه
و لا تتشرطين عليهم أبي المكان الفلاني ما ابي العمل الميداني

هم ما يبون اللي تتشرط

و الشيء الثاني اللغة الإنجليزية هم ما يطلبونها صراحة منك
لكن يفضلون اللي تتكلم لغة انجليزية حتى لو معدلها او شهادتها اقل منك


بالنسبة للتقديم على البنوك
كل بنك له موقعه الالكتروني سووي باسوورد و إسم مستعار و حطي سيرتك الذاتية
وقت الشواغر يتصلون عليك ادارة البنك للتوظيف لعمل مقابلة شخصية
و بس