السلام عليكم ورحمة الله وبركاته

يااخوان ابي فزعتكم دلوني ساعدوني والله ملللللليت وتعبت نفسيا

مشروعي دار ضيافة والان لي 6 شهور ولم استلم الترخيص النهائي
كل شوي مطلعين لي عله وجايبين لي سالفه

اخر شي قالو لي المديره لازم يكون مؤهلها بكالوريوس رياض اطفال او علم اجتماع
المشكله المكان الي انا فيه هالتخصصين مو موجوده ابدا

اعلنت وبحثت للاسف مافيه

قلت لهم اختي معها دبلوم اقتصاد وعندها خبره 3سنوات مديرة روضه
قالو لي ماتنفع لازم نفس المطلوب

تكفووون من يعطيني حل لمشكلتي

الله يسعدكم يارب دلوني ساعدوني ارشدوني
والله دخت وتعبت
وفي الاخير تندمت على هالمشروع

الله يكون في عونك
أنا أدور على ترخيص لان ماعندي سيوله ماديه لكن لو عندي سيوله ماديه ماكان أنتظرت الترخيص لان كلها تعقيد كان فتحت والله مااحد درى عنك
الأجانب جالسين يشتغلون في بيوتهم

حقيقة قي هالبلد ... لازم الواو يتحرك ولا مارح تتحرك امورك

والله كنت بفتح واعلنت باسم مستعار بس القسم النسائي مستقعدين لي ويتفلسون
والمشكله ماعندهم اي درايه عن امور الترخيص ومسوين فاهمين
والمشكله الاكبر اني بفتح في محافظة كل شي ينتشر فيها بسرعه
ومن اعلنت وهم عارفين وداقين علي ويهاوشون
قلت والله انا مباني وموظفاتي جاهزين ومستعدين لاستقبال الاطفال
ماناقص الا الترخيص وانتو سبب التاخير وبعدين كله حاجات روتينيه تقدرون تتابعونها وحنا نشتغل
بس على قولك تخلف وتعقيد من المسؤلين ولا عندهم اي تشجيع

وما اقول الا حسبي الله ونعم الوكيل

فكرت اني اشوف لي وحده معها رياض اطفال من اي مدينه اتفاهم معها اني ماراح اسوي فيها اي شي وماراح اسجلها في التامينات بس تعطيني صور من شهادتها وارفعها لهم لحد ما يعطوني الترخيص بعدها
ادا سالو عنها اقول انها جتها ظروف وانسحبت
تتوقعون بيمشي الموضوع

بس وين الي معها رياض اطفال

يارب يجي من يدلني

والله لو أعرف أحد كان دليتك لكن حطي موضوع في المنتدي وراح تحصلين باذن الله
أو أرسلي لي رقمك على الخاص وأساعدك باذن الله

اتوقع ممكن تشتغلون وتستقبلون الاطفال قبل الترخيص ولو جاكم احد طلعو له الاوراق وقولو اوراقنا ماشية في الدوائر الحكومية وننتظرها تخلص وكثير من المحلات مسوين هالطريقة علشان الايجار مايروح هبائا منثورا