السلام عليكم

عندي مقابله شخصية بعد يومين

ولااعرف وش هي وشطريقة الاسلئة وش النظام

اتمنى تفيدوني وتريحوني

مقابله شخصيه جدا عاديه يسألك اشتغلت قبل كذا ايش مؤهلاتك يعني من هالاشياء ولا تخاف مافيه شي يخووف جدا جدا جدا عااديه بس اهم شي المظهر اهتم فيه

المقابلة الشخص : هي يقيسو قدراتك المهنية و الوظيفية و الاجتماعية وخبراتك و شهادتك

وهي عادية جدا كل ما عليك انك تحمل شهاداتك وتكون بالزي السعودي الرسمي الكامل
الثوب و الشماغ او الغطرة و العقال و يفضل لبس جزمة رسمية الله يكرمك ويكرم المشاهدين وتخش المقابلة
ولا تنسى تقفل زرار الياقة وتخش وانت مبتسم ومستعد لمواجهة المكلفين ... وبسس الله يوفقك

بما انه اول مرة لك ف اول وظيفة ، بدون خبرات

ابد تكلم عن نفسك [ هدفك المهني ]
وش تعرف عن الوظيفة الي متقدم لها
كيف تتصرف اذا حصل كذا ..
من ترجع له اذا عندك مشكلة بالعمل
حقوقك وواجباتك اتجاه العمل
كم تتوقع راتبك
متى بتتركنا ؟
ايش الاشياء الي تحبها ان تكون بعملك
اذا جاك عرض افضل بشركة اخرى هل تتركنا ؟
كم بتقعد عندنا


هذه اغلب اسئلتهم

لاكنهم يلاحظون انفعالاتك ، ولغة جسدك ، ولا تستغرب انه يكون فيه كاميرات من الممر حتى مكتب المقابلة .

،،،

الله يوفقنا وياك

اضيف على الأخوان
بيسألونك عن الانجليزي ويمكن يقولك كلمني عن نفسك بالانجليزي
لذلك حاول تجهز نفسك تحفظ لك كم جمله انجليزي تتكلم فيها عن نفسك

الاسم
العمر
الشهاده
الحاله الاجتماعيه
ممكن برضه تضيف اللي تقدر عليه

موفق الله يوفقك

شوف يالغالي أهم شي المظهر + ادرس حاله اللي بيقابلك وصر نفسه اذا صار راعي سواليف خلك مثله راعي سواليف اذا صار وجه بشوش خلك وجهك بشوش ومبتسم اذا كان بس يلقي سؤال ويسكت عطه نفس الشي .. الله يوفقك يالغالي واهم شي تحط قلمين في جيبك اللي فوق واحد للكتابه وواحد زينه والساعه تلبسها وثوب جديد وخلك واثق من نفسك والله الله بالدعاء الدعاء الدعاء الدعاء