السلام عليكم
من اول مترددة اكتب مشكلتي
بس قررت في النهاية اكتبها على الاقل في احد يستفيد من قصتي

كيف الواحد يتعامل مع العالم اللي ما تستحي ؟؟؟؟
في بنت معنا بالشغل شكلي يوم حتضارب معاها مضاربة كبيرة
لأنها بجد وصلتها معايا
فارضة نفسها بقوة وكأنها مديرتنا
وهي اصلا مالها فينا ، هي في قسم غير ، بس مقهورة مننا عشان قسمنا احسن من قسمها
استغفر قسمها حق الناس اللي مشي حالك ، كله اجانب وعالم حقين نشوق ودخان و...الخ ((صنفها وانتم بكرامة))
وهذي الظاهر انها مقهورة ، او ايش تبغى والله ماني عارفة
بس تتبلى علينا عند المدير
تقول البنات كلما ادخل عليهم ابغى اصور ولا ارسل فاكس الاقيهم يتكلموا ولا نايميين(طبعا كذابة)
وتجي تقولنا انا مسؤولة عنكم اراقبكم (برضو كذابة)
وأي غلط تشوفه علينا على طووووول تروح تنشره في الشركة كلها
ولما تدخل المكتب عندنا ما تخرج الا بعدما تستفز وحدة فينا بأي تصرف او كلام
وفوق هذا كله (((وهنا الطامة الكبرى))) :
انها جريئــــــــــــــــــــــــــة مع الرجال بشكل مو طبيعي
تجلس تمزح معاهم وتضحك وتروح تسويلهم شاي وقهوة
ولما موظف يقولها شكرا لا تسويلي شاي تقوله : ياللا بلا دلع ، تبغى شاي ولا لأ
تخيلوا قلة الادب ؟؟؟؟
واشياء كثيرة تسويها بس مافيا اذكرها لأنها كثيرة
لكن الخلاصة انها انسانة قليلة حيا ومقهورة مننا وتبغى تشوه صورتنا
علما انها حقت مضاربات ، حتى تتضارب مع الرجال وباليد كمان
لأنها تجي تحكينا انها كانت تشتغل قبل كدا في شركات وتضاربت مع رجال كثير باليد
تقول انها تضرب رجال
ورب الكعبة ما كذبت عليكم ، تقول كدا
ممكن تبغى تخوفنا ، وممكن انها صادقة لأنه باين يجي منها كل شي استغفرالله
انا مررررة متضايقة من وجودها
حاسة يوم حتضارب معاها لأنها بجد وحدة فوق طاقة صبري


ايش الحل ؟؟

مجرد رأي , وممكن يكون صائب أو خاطىء ...

ابعدي عنها وتجاهليها ... لأنك عشان توقفينها عند حدها لازم تنزلين لمستواها وتكونين زيها , عشان تعرفين تتعاملين معها , واتوقع انك اكبر من كذا .

لأن مجرد نزولك لمستواها ... بتخسرين نفسك كثيررررر .

كبري مخك ... وانظري لها زيها زي الكرسي ولا كأنها موجودة ,,,

والله يكفيك شرها ..

وش الشركه هاذي ألي فيها الختلاط الله لايبلان دوري لك على شغل ثاني
فيه ستر وإذا ما لقيتي الله يعينك على هاذي الشركه

شوفي حبيبتي أعملي بهذا المثل ونتي بتشوفين النتيجه
المثل يقول ( اليد ألي ماتقدر عليها صافحها )
ونشاء الله تنقلب العداوه محبه وجعلي مثلك الأعلى الرسول صلى الله عليه وسلم
وتركي التحدي ألي ماله داعي
عشان المركب يمشي وتستمري بعملك دون منغصات
دوري في النت على موضوعات تساعدك في الحل هذي المشكله
وتمنى أني ماثقلت عليك بكلامي لكن نكون واقعيين
وبتوفيق .................................