المشاركة الأصلية كتبت بواسطة النادره الأصيله

شوفي أختي ( نظراتهم تتعبني ) من لقبك حسيت إنك تقصدين ان نظرات المجتمع لك نظرات رحمه لأنك متأخره عن الزواج

~ طيب يمكن نظراتهن مو نظرات رحمه يمكن تكون نظرات إعجاب ، وإن كان قصدهن رحمه
المفروض انه أنتي اللي ترحمينهن لأنهن سطحيات وجاهلات وغبيات ( عذراً)


• نصيحه من القلب إلى القلب مو كلام مجلات لا كلامــي وتجربتـــي

• لاتهتمين بكلام الناس

أنا كنت غبيه أفكر بكلام الناس ، لكن أمي الله يطول بعمرها تنصحني وتنبهني إنه مايهم كلام الناس ، أهم شي رضا ربي علي

• اهتمي بشكلك وأناقتك مو عشان تزوجين لا
لنفسك ، إذا شفتي المرايه ترتاحين نفسياً


• إذا كان كل وقتك فراغ حاولي تشغلين نفسك بأي شي مثلاً ترتبين البيت حتى لو عندكم شغاله
عندك أنا عندنا شغاله وأرتب البيت وأكنسه
من غير ماأقول للشغاله تعالي أكنسي

صح بيجيك إنتقادات من خواتك بس عادي طنشي ، في البدايه خواتي ينتقدوني بس أطنش والحين عاااااادي عندهم

• انفعي والديك ، سبحان الله يمكن الله يوم منع منا هذا الأمر خيره ، عشان نفوز ببر والدينا ، لأن بر الوالدين لــه فضل كبير في الحسنات ، وانا والله بحاجه كبيره للحسنات

• انفعي إخوانك وخواتك حتى لو أصغر منك
~ أنا أكبر أخواني وخواتي وإذا طلبوا مني نفعه والله اني أنفعهم بدون تردد لدرجة ان إخواني الصغار مايردون اني أكبر من إخواني اللي يأمرون علي



والحين الحمدلله مرتاحه ومعاد أفكر في الناس والموضوع اللي كان شاغل بالي عشان الناس







والأهم من ذا كله



الله خلقنا لعبادته وليس للزواج