ياابوي رحت وحالنا بعدك احزان
كن الزمن والناس مايعرفونا

تبدلت بعدك بنا كل الازمان
وقف بنا المشوار مابلغونا

تغيروا مافيه منهم بقى انسان
مافيه واصل كلهم قد نسونا

قلوبهم سوداء ولا فيهم احسان
رغم الالم ياابوي ماريحونا

الكره والاحقاد في قلبهم بان
والقهر من بعدك ياابويه عطونا

بعدك يابويه راح تركي وسلطان
راحوا مع الاقدار ماشاورونا

بقي فهد مع ذوق هم كل الاخوان
عسى الحزن فيهم عليه يهونا

يشهد لابوي الدين واراضي الافغان
ونفخر به احنا نقول هذاك ابونا

ياابوي انا تغريد بقلبي وبلسان
اكتب مشاعر صدق قلب مغبونا

يالله سكن ابوي واخواني الاجنان
واجمعني بمن هم لي نور العيونا