السلام عليكم ورحمة الله و بركاته ،،،

سمعنا قبل فترة بانه بعد
ثلاثة شهور راح يتم تطبيق اجازة يوم السبت للقطاع الخاص
والثلاثة شهور تقريبا انتهت ولا سمعنا بعدها بشيء وكانه شيء لم يكن
وش الدعوة يلعبون فينا يقولون راح تطبق والحين لا حس ولا خبر

يا ليت الي عنده اي علم او اي خبر يفيدنا
وشكرا

ايش الوظيفه اللي شغال فيها انت لأنها تختلف الوظائف عن بعض

[align=center]القرار أقروه وكان بيطبق هالأيام لأن الثلاث الشهور أنتهت , بس مجلس الشورى أعاد دراسة القرار وبرضو أقرو فيه , ورفعوه للجنه التشريعيه , وبعدين ينرفع للمقام السامي , يعني يبيله فتره على ما يتطبق القرار ...

أدخل اليوتيوب وشوف حلقت داؤود الشريان قبل يومين ( الخميس ) تكلمو عن الموضوع نفسه ...

تحياتي[/align]

نظام العمل 48 ساعة اسبوعية
يعني 6 ايام عمل


او بموافقة الطرفين تكون 5 ايام لاكن ب 9 ساعات وتسقط 3 ساعات

ان شاء الله يطبقون القرار ونرتاح شوي من ضغط

قريبا انشاء الله
سيتم تطبيق الاجازة يومين والدوام 40 ساعه اسبوعيا.
سيتم تطبيق اغلاق المحلات ليلا عند الساعه العاشرة مساء.
سيتم تطبيق نظام التعطل عن العمل .
سيتم تطبيق الحد الادنى للاجور.
سيتم تطبيق المحاكم العماليه.
وكلها تصب في مصلحه التوطين وريادة الاعمال للمواطنين بالقطاع الخاص

اقسم بالله العظيم هناك شركات ومؤسسات غير ملتزمة بقوانين العمل
اعرف شركة دوامها 10 ساعات من 10 ص إلى 8 مساء بدون أي بريك واجازة فقط يوم الجمعة الحين وش رايك بهذا تشتكي لمين والله ماتقول غير حسبي الله ونعم الوكيل يستغلون الضعوف ويضغطوهم الواحد ينهك نفسيا وجسديا

يا اخي الكريم .. القرار بدري عليه يتطبق يعني ردد ياليل ماطولك

هالقرار اخذ اكثر من 10 سنوات واهم يدرسون فيه

والله اعلم وشصير هل بتطبق قريبا او بعيداً

من تجبر الشركات على اجازة الجمعه والسبت هو أنت
ارفضو الوظايف واذكر من ضمن العقد 8 ساعات يوميا و5 ايام في الاسبوع
ولا اجلسو بالناطق الاحمر يالشركات .. واستفيدو من حافز والسعودة لين تحصل اللي تبغاه

بلا وزارة عمل وبلا هم ..

اييييييه يجيب الله مطر بس

القطاع الخاص مايخافون من ربهم حسبنا الله ونعم الوكيل مستغلينا بموافقة اعضاء مجلس الشورى -ولا لو الموضوع لمصلحتهم كان ادهرو فيه