السلام عليكم امسي / اصبح على جميع اعضاء المنتدى

بخش بالمضوع على السريع انا ياطويلين العمر اتوظفت في شركة وكملت شهر ونص
وفي خلال هذي الفترة اتعرضدت لمضايقات من الموظفين لاني انا الوحيد السعودي بينهم
في الادارة وهذي المضايقات كثيرة وهي ك الآتي : عدم تعليمي اي شيئ وكل ما اسئل احد من
الموظفين عن امر يخص العمل يقولو مالنا دخل هذا شغلك انت مع ان الادارة مكلفتهم شخصياً يعلموني ويفهموني كل شي اسألهم عنه

المشكلة الثانية سارت تضيع سجلات و اوراق ويقولو اني ضيعتها مع اني ما اخذتها ولاضيعتها
وراحو اشتكوني للادارة اني ضيعتها وطبعا الادارة لو اقولهم ما ضيعت من هنا لبكرا مو مصدقيني
والسبب معروف لاني جديد وتحت التجربة ف بيكون الجميع ضدي وهذا حصل معي

المشكلة الثالثة مديري اللي هو من ابن البلد اختلف تعامله معي وسار يطلب مني اشياء ما اعرفها اسويها مثال طلب مني رسم خريطة احد الفروع اللي خارج مدينتي وانا اصلا ما اعرف موقع هذا الفرع ولا قد رحتله واذا حصل اي تأخير يقعد يهزئني ويرفع صوته وكأني شخص مالي اي كرامة
عنده !! وفجئة اخذ مني كل السجلات و الملفات اللي كان مكلفني اخلصها واعطاها للموظف السوداني قاله خلصها بداله , وهو كان قايل لي من البداية هذا راح يكون شغلك و راح اخلي الموظفين يدربوك ,

لكن فاجئني بتصرفه ,وانا عارف سبب اختلافه معي من الموظفين الاجانب اللي شوهو سمعتي عنده من كثر ما يكذبو عليه واتهموني بالأهمال و الغباء وانا ولله الحمد اشتغلت سنتين بشركة قبلها
وكنت من اميز الموظفين و المنجزين فيها واعطوني شهادئة خبرة على ذلك , لكن مدري وش حصلي لما اشتغلت مع ذولي اموري اتعكست وسرت اسمع منهم كلام ما يرضيني

وزبدة كلامي هو ان الشركة ما تبغى تصبر علي ولا تبغى تتحمل حتى ابسط اخطائي
مع اني من البداية فهمتهم وصارحتهم قبل ما اوقع عقدي بوظيفة ( مساعد اداري ), قلتلهم
شغلة جديدة علي لابد انكم تدربوني وتصبرو علي لأن الشغلة ما قد اشتغلتها من قبل,قالو موافقين وراح ندربك على شي شي لين تتعلم وتفهم الشغل ثم اختلفو معي وشفت مافي اي صبر علي لا من الادارة ولا من الموظفين , وانا خايف اني اكمل فترة التجربة ثم يقولولي
ضف وجهك ما نبيك

فوش تنصحوني استمر معهم على نفس الوظيقة ولا اخليهم يحطوني بوظيفة ثانية
ولا اتغدا فيهم قبل ما يتعشون فيني واتركهم ؟ تكفووون ابي شوركم

أيش التعامل الوقح هذا وانا اخووك الكتاب يبين من عنوانه تغد فيهم قبل يتعشوون فيك وانت لسى عادك فترة تجربه انت كمل فترة تجربتك واذا شفت الوضع نفس ماهو قدم استقالتك واذا شفت الوضع تغير خلك فيها والله يوفقك

الله يعينك
مدري وش اقول
بس ماحاولت انك تكتسب شوية جرائه وتتناقش مع اللي اتفقت معهم على انك تحتاج تدريب !!
محد طلع من بطن امه عالم
اذا هالشغله جديده عليك
بالله شلون راح تتقنها !!

تطفيش عيني عينك

شوف انت اعطي نفسك ولهم فرصه
وحاول تتناقش او من باب التذكره
وقول انك للآن مالقيت اي تعاون من الموظفين او من الاداره
والحال كذا مايستمر
اذا لقيت تجاوب معقول منهم "شي حلو"
اذا مالقيت اي ردة فعل جيده " ابدأ انت " واطلب استقالتك


عالاقل اعطيتهم فرصه ولنفسك ايضاً
وهي محاوله لتعديل الامور .. سواءً صابت ام خابت

واتمنى لك التوفيق اخوي

الله يعين والله مدري وش اقولك الله يفرج لك من عنده

إذا الراتب كويس، وعندك مكتب مهيأ. والشركة معروفة وكبيرة. ليه تنسحب؟

ماعليك من تصرفات الموظفين. وإذا تسأل ومايجاوبون، ماعليك منهم ترا كل هشغل إداري ومب صنع طائرات.

أنت اجتهد وانجز المهام بأفضل طريقة ممكنة مع حرصك على الوقت.

أي مهمة عندك ممكن تسأل فيها هنا بالموقع مرح يقصرون معك الإخوان كلهم متعاونين وعندهم خبرات متنوعة.


وتصرف المدير.. ترا طبيعي يبغى شغله يمشي..و أنت رجال لاتحسب بيلين كلامه وبيعطيك كل الوقت وخذ راحتك! لا طبعا.


مرة أخرى حاول تثبت نفسك. أي شغله اجتهد فيها ولا تضيع وقتك في سؤال زملائك.


ولاتنسى الملاحظة لطريقة أداء زملائك، وأنت انجز بأحسن وأفضل من طريقتهم.

والشغل اللي ينجز (بسرعة) يثبت نفسه.