السلام عليكم ...
انا موظفة جديدة بالقطاع الخاص كملت 5 شهور كانت في البداية تحت التجربة ثلاث شهور وبعدها وقعت عقد على بياض يعني مو مكتوب فيه اى شئ من باب الثقة لانهم كانو جدا منتظمين من حيث رواتبي نزلت لي من غير نقصان .. كان الاتفاق براتب 4230 بعد خصم التأمينات ..وقعت عقد دعم الموارد وايضا كان على بياض ... والمهم بعدها شيكت على موقعهم لاحظت اختلاف المسمى الوظيفي انا ادارية بمقر الشركة ومسجلة بالموارد بمسمى حارسة امن لان الشركة بالاساس شركة حراسات امنية .ومكتوب الراتب خلال الوظيفة 1750 .. دخلت ايضا على التأمينات ووجدت ان المؤهل يختلف مسجلة ثانوي وانا جامعية والراتب 3000 ..
وش رايكم وضعي سليم او لا .. اطالب بتعديل البيانات او غير مهمه ؟؟؟؟
دعم الموارد احس غير كافي وانتم تعرفون انها دعم لمرة وحدة .. انا افكر بالاستقالة بصراحة

انا رديت عليك قبل شووي الدعم مرتين مو مره وحده وعشاان تندعمين مره ثانيه لازم تكون مدة دعمك ست شهوور فقط وانا اشووف انك تقدمين استقالتك عشان تستفيدين من الدعم الثاني

شوفي اللي يريحك وسويه

بس ممكن تلفتين نظرهم على هالشي يمكن يتعدل ومره وحده استفسري بشكل اوسع
اذا امورك تمام او فيه شي غير واضح ومن حقك عليهم يوضحون لك


اتمنى لك التوفيق

لا تجازفي وتوقعي على بياض

الله يحفظك ويكتب لك الخير وين ما كان


بخصوص توقيعك العقد على بياض لا تخافين اذا معاك نسخه من العقد موقعه من صاحب الشركة او مدير الموارد البشريه حسب نظام العمل والعمال اذا ذكر شرط مخالف لنظام العمل والعمال في عقد العمل يسقط وتعتمد شروط نظام العمل والعمال المعمول بها في السعوديه

اذا بتعرفي اكثر ادخلي على رابط وزارة العمل والعمال على هذا الرابط
http://portal.mol.gov.sa/ar/pages/organizework.aspx



اما عن راتبك التاميناء الاجتماعيه لازم تكون على راتبك الاساسي يعني يخصمون 9% من راتبك والشركة تدفع 11%



اقترح عليك:
دام ان الشركة ممتازه وينزلون رواتبك في مواعيدها اطلبي اجتماع مع مدير الموارد البشريه واشرحي له انك حصلتي اخطاء في التامينات الاجتماعيه بالصدفه -_* وتبغي تعدليها

وربك ييسر كل خير لك