السلام عليكم
انا عندي مقابله بكره في بنك البلاد ..
بس حابه اعرف وش وضع المقابله .. وهل في احد معي اتصلو عليه البنك
انا مقدمه عن طريق الموقع حقهمم .. وجاني اتصال منهم انه تم ترشيحي للمقابله فرع الحسا -المبرز
ومررره متوتره لان اول مقابله معهم ولا اعرف نظامهم
الي عنده خلفيه لايبخل
دعواتكم ..

الله ييسر لك ويسسهل امرك ويوفقك
وان ككانت خخيراً لك فيآآآرب يسسرها لك
وإن كانت شراً لك فأبعدها عنها

الله يوفقك ويرزقك اختي

لكن والله ماعندي خلفية ابد عنهم

حبيبتي والله انتي
الله يجزاك خير ياررب اللهم اميننن

بنك البلاد رواتبها حلوة طبعا على حسب المؤهل ..

حلو ماشالله الله يعطيك خيرها ويكفيك شرها ومعروف البنوك رواتبهم حلوه ودوامهم معروف

للأسف ماعندي خلفيه عنها ولا ودي افيدك بس اتوقع زي أي مقابله شخصيه عن وضعك وكم تتوقعي الراتب الخ


بسس حبيبتي ممكن اعرف ايش مؤهلاتك لاني تحمست اقدم


والله يوفقك ..

بكالوريوس محاسبة

وعليكم السلام

انا عملت مقابلة فبنك البلاد

تسالك ايش تعرفي عن بنك البلاد
و ايش الخدمات الي يقدمها البنك

وتسالك لو ما عندك دورات ليش ما اخذتي

و تقولك على موقف لو عميل دخل ومعصب ايش راح يكون تعاملك معاه
و تسالك مين هو عميل الامتياز في البنك
و لو جاك عميل امتياز و كنتي تخدمي عميل عادي كيف راح تتصرفي

وبس

إن شاء الله اكون افدتك .. بالتوفيق

انا سويت مقابله تعامل الي عملت معي مقابله موتمام
واسلوبها بجح وغير كذا انا مقابلتي 1 في قبلي بنات من 9 ولما جيت الساعه وحده انصدمت من العدد
لا ومن كل مدينه مفروض كل فرع للبنك ينادي الناس بمدنهم الان اولى الي عايشين بالمدينه
بس تاخرو لطعوني ساعتين ومادخلت الا 3 اخذت اوراقي وجلست تسال وعرفي عن نفسك وش تعرفين عن البنك وش يقدم من خدمات لو اعطيناك مبلغ تسوقينه لنا كيف تسوقينه لو حطيناك تسويق ميداني ترضي وبس
وطلعت ولا حس ولا خبر

مو مثل بنك الاهلي يرسل اذا اجتزتي وقبلوك ولالا
الله يوفقك المهم اقري عن البنك