السلام عليكم ابي شوركم اخواني انا ودي اشتغل بماكدونالدز كاشير و الوالد موب راضي لان الوالد من الطقة القديمة و يقول عععععععيب حنا عيال القبايل نشتغل كذا ووووو الخ من هالكلام وش اسوووي وانا ابي اشتغل و ابكمل عن بعد جامعة و راتبها كويس وهل يشترطون كفيل ؟ و الشغل موب عيبو مامن نبي الا و قد رعى الغنم و اللي قد توظف هل عندهم مشكلة من شعر الوجه مثل كودو؟

العيب اللي يقعد بالبيت وينطر كل شخص يرمي له دراهم
والعيب للي يبوق وياكل حرام

الشغل مب عيب ولا عار
اصلاً ماضيعنا غير العادات السيئه والقبليه

بهالزمن عيب رعي الغنم وشغله معيوبه
ومتناسين انهم على ملة حبيب الخلق محمد عليه الصلاة والسلام


مجتمع يناقض نفسه

اخي استخير واعمل اللي يريحك انت والباقي يهون

لم افهم شعر الوجه م تقصده ؟؟

^^^^ اخوي اذا عندك علم ولا لا تسألني =اللحية الله يسعدك
عليه الصلاة و السلام

تبيها مني

والله وانا اخوك قانوني بالحياة شيء مخالف قال الله قال الرسول صل الله عليه وسلم معلي من الناس الي تقول وتقول

الله يثبتك على مبدأك

روح يارجل اضعف الايمان مؤقت لين الله يفرجها، زميلي يشتغل بكودو ومرتاح عالاخر يعطونه 4000 وحاليا يدرس بالجامعة انا تخرجت وهو للحينه ونفس وضعك ابوه معيي يخليه يشتغل بمطعم لكن رضى بالامر الواقع لما شرح له ظروفه وان مكافأته انقطعت ولازم يشتغل منها فلوس وخبرة عملية،
ولله يوفقنا وياك توكل على الله وتوظف به حتى اذكر ماكدونلز شفت لهم اعلان باحد الافرع زايدين الرواتب ل 5000

رحت لماك لكن بالخرج م فيه الا فقر تعبت ادور وظيفة بالخرج كل شي بالرياض