السلام عليكم ورحمة الله وبركاته

انا قدمت على برنامج طاقات للبحث عن عمل لي ستة اشهر واتصلت المشرفة قالت تعالي لقيا لك وظيفة انا ابي وظيفة مناسبة للشهادتي يعني في المدارس او المراكز بس اهم شي مابي اختلاط لقيت لي وظيفة مبيعات طبعا رفضت وظيفه في مستشفى او مصانع طبعا رفضت اخر وظيفة في رياض اطفال اعمارهم سنه الى سنتين طبعا الي بيكونوا معاي 10 اطفال مرة العدد كبير .

قلت اشوف المهم قالت لو ما تبي هذي الوظيفه نطلع اسمك من البرنامج انتي شكلك ماتبي تشتغلي .

قلت الوظائف ما بتضيف لي شي مع شهادتي البكالوريس يعني امتياز ومرتبة شرف ابداا قالت خذي خبرة

الحين ابي حل معها ماهي راضيه تفهمني ؟ وغصب تبي توظفني ؟
اكلمها تسحب اسمي من عندهم ولا لا

ماعليك منها ولاتهمك

اعرف ناس أتصلو عليهم 10 و 20 مره وعرضو عليهم وضائف ورفضو

الشركه الي مشغله طاقات شركه لم يكتب لها النجاح

برنامج طاقات مو برنامجها عشان تشيل أسمك منه

برنامج طاقات برنامج الي مسويته وزارة العمل هم مجرد شركه فقط تسقبل اصحاب العمل

والباحثين عن عمل ولا لهم حق أجبار شخص على أي عمل لايناسب مؤهلاته

فيه ناس هددوهم بأنهم راح ينزلو أسمهم من حافز ولا سو شي

قولي لهم عطوني وضائف مثل العالم مثل تخصصي غير كذا لاتتصلو فيا

بعدين ريحي راسك منهم أدخلي موقع طاقات وأختاري منطقتك وتقدمي على الوضائف

الي في منطقتك وهم يراسلوك

لاكن مثل ماقلتلك خليك جاده معهم شي مايناسب مؤهلاتك قولي لا

وخصوصاً بعد حافز صعوبه عمل وزارة العمل يقولو لازم تتجاوبو معهم لاكن لو قدمو شي غير مناسب

لمؤهلاتك قولي لا لا

ويعني خليك معهم بحزم قولي وين الوضائف الثانيه الي عندكم وين تودوه تعطوه مين

من باب الضغط عليهم

أعرف واحد من زملائي قال للموظف ورين الوضائف الي على الكمبيوتر وراهيها الموظف وزميلي شافه كلها والتفت على الموظف وقال ولا وحد تناسبني

أكثر وضائفهم عامل أنتاج موضف أستقبال وغيره مثل هاذي الوضائف

وبعدين والله أعلم لهم نسبه علي واحد أو واحد يوظفوه

لايهمك أختي / وخزني رقمهم ومره ردي ومرتين لاتردي ولو حددو مقابله صرفيهم قولي لهم أي شي / يعني بأختصار نلف وندور معهم

مثل ماهم يقدمو لنا مثل هاذي الوضائف

والله يوفقك أختي