السلام عليكم

اعتذر اذا كان العنوان مزعج

ولكن هذا هو الاسلوب الافضل لجعل الشباب والبنات ينتبهون لمشكلتهم

مشكلة الشباب هذي الايام ... ان كل واحد يمشي ورا الناس بدون تفكير

اذا اصدقاءه شجعوا برشلونه .. تلاقيه يشجع برشلونه .. واذا الناس او اصدقاءه شربوا ريد بول ... تلاقيه يشرب ريد بول

والبنات اذا وحده لبست ملابس (فسفورية) ... تلاقي قطيع وراها يلبس نفس الشيء

اغلب الشباب والبنات مع الخيل ياشقرا

ورا الراعي ياغنم

اغلب الشباب مايعرف (نقاط قوته) ويستغلها .. فقط يمشي ورا اصدقاءه والناس وين ماراحوا

وهذي مشكلة اخبرها فيني مدرب بريطاني اشتغل في قطر للبترول ... يقول لي الشباب اذا شافوا اصدقاءهم راحوا ادارة التشغيل فكلهم يسجل عشان يروح قسم التشغيل ... واذا راحوا صيانه .. فكلهم يريدون قسم صيانة

مب لازم تشجع برشلونة او مدريد لان ربعك يشجعونهم ... اذا انت ميولك رياضية فشجع واذا انت مش ميولك رياضية فابحث عن نقطة قوتك الي الله اعطاك اياها واستغلها

كل انسان عنده نقطة قوة الله اعطاها اياه

بس المشكلة ان في ناس تستغل نقطة قوتها وفي ناس تطنش وتمشي ورا قطيع الغنم

ولهذا الي استغل نقطة قوته يكون في المستقبل احسن من غيره

بعض الشباب (وانا كنت منهم) ارمي مشكالي على الحظ او اقول انه مش مكتوب لي

ومع الايام اكتشفت ان انا من يقدر يشكل حياته ومستقبله بالعلم والتفكير ... ومن يومها توقفت اني اتبع الناس