[align=center]
بسم الله الرحمن الرحيم


بدخل على طول في الموضوع واقول اللي صار لي في خطوات اتمنى توصل لكم :



تم اعلان وظائف البلديه قبل 7 اشهر على بند الاجور والمستخدمين
ودينا ملفاتنا اعطونا ارقام
تفاجات قبل فتره عن طريق شخص بان مدير شؤون الموظفين يجري مقابلات بدون اتصالات
المهم كلمت واحد من اخوياي من اللي قدموا معاي وقلت له
اليوم التالي كلمني خويي وقالي رحت وسوالي مقابله
رحت اليوم اللي بعده الساعه 12 مالقيت مدير شؤون الموظفين قاالولي يمشي قبل 11
رحت اليوم اللي بعده الساعه 10 مالقيته قالولي تعال 9
رحت اليوم الثالث لقيته مسوي اجتماع
انتظرته لمدة ساعتين واخيرا خرج من الاجتماع
رحت له وقلت له بسوي مقابله قالي بكل بساطه روح سجل اسمك ورقمك في ورقه ونتصل عليك (بدون مايسوي مقابله )
قلت له انا جيتك امس وقبل امس قالي انا موجود امس وقبل امس
رحت وجبت له ورقه من موظف قسم اخر باني جيته امس وقبل امس مالقيته
قالي طيب انا ماقلت لك سجل اسمك ورقمك ونتصل عليك
قلت له يعني انت ماسويت مقابلات لاحد
ضحك وقالي اجلس وسوا لي المقابله


-------------------------
هل هذا الشي قانوووني ابي افهم
نصائحكم واقوالكم في اللي صار ؟!!
صحيح هم طالبين ثانوي وانا مقدم بثانوي وكلية وخبره بس اذا ماهي مكتوبه لي الوظيفه او غيري افضل مني بشهاداته عادي راضي بحكم الله بس انا مستغرب من الطريقه
[/align]

ظهر الفساد في البر والبحر
الله يعينك ياخوي ويغنيك عنه بفضله وكرمه وجوده .

استخير الله قبل اي شي ... وموفق ي رب ^_^

بصراحه بقول رائي...
يعني لو خوييك مادق عليك كان ماعرفت ..ان في مقابلات ..طيب الاعلانات اللي يسوونها ..وزحمه وضغط مواقع ..وملفات على ايش..ليه مافي شفافيه بالموضوع ..كلها اتصال اورساله بموعد مقابله وانتهي ..وبكيفكم تقبلونهم او لا ...بس ماتعلقون خلق الله ...
بس بصراحه عجبني ..اصرارك ثلاث ايام ..وانت رايحلهم ..وسوال التحجير حلو ..بعد
الله يجعلها من نصيبك يارب...

إن شاءالله يكون لك نصيب فيها
انا أخواني 2 قدموا بوظائف البلدية واعلنوا الاسماء وماطلعت اسمائهم
وبصراحه المسأله باين ان فيها واسطات..

__________________
"لله دُر أمي إذا ابتسمت
تهادت جروح قلبي والتئمت"

اوووه وينكم انت اسهل وظائف تدخل فيها الواسطات بند الاجور لانها مو من المدنية من الجهة الحكومية

والله صدقني الوظايف ارزاااق وشي مكتوووب
اعرف وحده والله العظيم ابوها عضو في مجلس الشورى وله منصب في الخدمه المدنيه لان الله موكاتبلها وظيفه حكوميه لها ٣سنين كل ماتوسطت مالله يكتب مع انها تتوسط من ناس شوي وشويات لكن وقتهاااا عررررفت انه الوظايف ارزاااااق مقسسسسمه هي تزوجت وجابت عيال وبالمقابل اختها توظفت وبدون واسطه مسابقة وظيفيه لانه مكتوب لها توظفت ولكن مالله كتب لها تتزوج شفت كيف الارزاااااق مقسمه
لو معك واسطة ميييين اذا مومكتوبه لك والله ماتاخذهاااا وهالقصه اكبر دليل
وصدقني اخوي لو انهم قابلينك ماجيت كتبت هالقصه بس لانك عارف ماراح يقبلونك ولاعطوك وجه كتبت هالقصه
اعذرني بس هذي صراحتي معك افضل من المجامله

شاااااااكر لكم عالمرور اخواني

لكن هل هذه الاجراءات قانونيه ؟؟؟؟

اتمنى الافاده