اليكم اجمل قصائد {من وجهة نظري } لشاعري المفضل سعد علوش :


الطايش

الطايش اللي محتمينه ما قووه = كل العيون اللي تحبه باعته
أوفى شهوده ساع ما بيع جحدوه = وأغلا شموعه يوم قفا ما عته
يهل السخافه و اللقافه جنبوه = خلوه يخطي دامني شماعته
خلوه يجمد و يتبعثر كلبوه = ما دامني في حكمه و في طاعته
لانه خليط من التغاضي و النبوه = ومواقفه تبني على قناعته
قاسي و لو تضايقه ما قال أوه = وقساوته آخر دلع مياعته
مدلع خلقه و ناسه دلعوه = والنفس ما تشبع به اليا جاعته
يغيب و يدري أن المعاليق فقدوه = ويرجع بصوت جعلني ما ناعاته
فلابث رقمه شاشت الجوال أتوه = وأقول يا ربي تبارك ساعته
جوالي ليامنه دق وقال ألوه = تذوب أذانيي على سماعته
لبيه يا كلماته و لا فض فوه = أموت في ضحكته و أستمتاعته
لا تنشدوني ليه أحبه أنشدوه = حبه محببني سبب وداعته
من كثر ما أحبه أحب أمه و أبوه = بالمختصر أحبهم جماعته

سـعـد عـلـوش

الانـسـكــاب


ري حالي لا أنتهى العصر و أعلن الإنسحاب = وخلّت الشمس الصداره و مالت للغروب
و أذن المغرب و ساد الفضاء مثل الضباب = وأنتهى و الليل لبس الأماكن لبس ثوب
وردة همومي على قلبي الصلب الخراب = وردة حيام الضوامي على عدٍ جذوب
كلها هانت و لا هنت يا هم الغياب = من محبة صاحبك صرت يا هم محبوب
أخذ ليلك بأوّله و أكل و أشرب في رحاب = قلب من شدة طهارته تجفاه الذنوب
ايه و الدنيا مساكن و رحله و أغتراب = والغلا في الوقت هذا مميّز بالعيوب
أشمل بجسمي و عدي على روس الهضاب = وكل ما ضيعت وجهي دريت أنه جنوب
ويش أسوي فيك يا عم تلعات الرقاب = وأنت واقع و التمعان في عيونك هروب
أنت مجرم حب لا ويش جاب لويش جاب = أنت عذبٍ عذّب رجلي بشوك الدروب
صرت أهاب التزاحم و أنا ما كنت أهاب = وأمشي بكيفك لو إني على المشي مغصوب
صرت أجمع من جروحك و كلماتك عتاب = وقبل أقول شفيك تجرحني و أستغفر و أتوب
صرت أحسب لناسٍ ما كنت أحسب لها حساب = وصرت أكذب لأجل ترضى و أنا ماني كذوب
شوف مهما صار بي إنحنائي إنتصاب = ألعب بعمري و بعثره بيدك يا اللعوب
أدري أن إن الجاذبيه تسبب الإنسكاب = وأدري إني منسكب و أدري إن أيديك كوب
سلت فرضك و أرتوّتْ بي وفاضت بي عذاب = لين حبتني قلوب و تعادت لي قلوب
فأعرف إن زولي غدير و حكاياهم سراب = والمقادير الأيادي و شين الحظ طوب
يعني اليا من رموني حقيرين الجناب = صار زولي عشرة أزوال و عيوني قروب
أتعدد لأجل أداريك عن طيش الشباب = وآتوحد لين يطغى على وجهي شحوب
ماني أستاهل كذا منك يا وبل السحاب = لا تبللني و أنا ودي إنك ما شروب
ايتني و أدخل في قلبي يا قلبي باب باب = وأخطر عروقي برجليك يا أسمر دوب دوب
جل من ولع عروقي بقينينة تراب = نوب تضحك من عذابي و تبكي منه نوب
لو لي دعوه وحيده و هي بتستجاب = قلت يا ربي ليا مر خالفه الهبوب
زوي قلبي كل ما أزويت خصرك بإنسياب = و وقف العالم يرد البحر من كل صوب
يا خلاصة شهد و عذوق ما لذا و طاب = يا مغلبني و أنا ما بعد صرت مغلوب
يا مسفرني لوجهك ذهاب بلا إياب = يا معزز بالغلا يا مقدّر يا محسوب
ايتني و أذهب بي بعيد يا مال الذهاب = ضمني بيديك أبجمد على صدرك و أروب
أنت لو ضميت تمثال من ضمتك ذاب = كيف لو ضميت صدرٍ على ذكرك يذوب



سـعـد عـلـوش

اخـذيـنـي


اخذيني اليا عجبتك بس رديني = وان ما عجبتك خلاص اخذيني مابيني
ما دامني شفت فيك الطهر و العفة = بـ اعيف نفسي ليا منك كرهتيني
اخذيني لو أعتبر من ضمن أشيائك = وأنا باحبك و لا لازم تحبيني
لابي علاقة و لابي نظرة و بسمه = احساسي اني بقربك بس يكفيني
ولو اني انضفت لاشيائك غصب عنك = طلّي علي يا غناتي لا تخليني
تراي لا جا المصامد ماني بهيّن = تقول كن العرب لعبة بيدّيني
شخصيّتي من غرابتها و طيبتها = كن الزمن في تحدّي بينه و بيني
اخذيني الشاعر اللي ما صدق حظه = لا قلت يا حظ وينك قال يا ويني
اخذيني المبدع المتفلسف التحفه = مؤمن و تضحك على العالم شياطيني
شهرة شكسبير و أفلاطون و نيوتن = لا قلت لي بيت شعر تطيح من عيني
اخذيني العنصري اللي صدق متعنصر = من دون ربعي لو أقطّع شراييني
اخذيني اللي ليا منه طلب يعطى = وتكفين لا من طلبتك لا ترديني
تكفين يا غايتي يا بهجة الدنيا = ابـ احرق قلوب ناسٍ ما تدانيني
اخذيني بكل شوق و قولي أحبّه = وان شكّكوا فيك والا فيّ ضميني
قولي سعد و الله انه غالي جدا = وياجعل فدوه شبابي و آخر سنيني
وأنا باصدق كلامك و اعتنز بالله = وبـ اقول للناس ما يع*** يعنيني
وأنا علي نذر ما أرخص جيتك و أنتي = نذرٍ على رقبتك إنك ما تخليني

الــوداع


أنت بتسافر حبيبي نعم سافر و غيب بس تكفا سم بالله على عقلي لا ماع
لان ماني قادر آواعدك و أنته قريب كيف وأنت بعيد تبغاني أقول الوداع
بس لحظه قبل لا أنسى لا تنسى ياللبيب قل لما تملكه من مغريات و من متاع
أني أحبك و أحبك و أحبك لين أشيب يعني لين آموت وأنا أحبك للنخاع
أحشمك بالحيل و أغليك والشي الغريب أني أكره كل فكرة تقودك للإنصياع
كل مال لمشكلة وصلنا الآحل عيب كب حبي لك وسمه متاهات وخداع
لاني أطهر من بيخسر على الدنيا حبيب ولانك أنقى من وطت بطن رجله ظهر قاع
كثر مايدعوني أهل الهوى و لا أستجيب كيف ما أسفط على بعدك ذراع وذراع
آه لاوقفت من بين بتصيب و تخيب بين يدين المواليف و أفواه السباع
وآه لا منّي ذكرت أن كلٍّ له نصيب وآه لامني ذكرت أن على وجهك قناع
أشعر أنه منخلق من عسل ورد و حليب وأشعر أني كل ما أذكره مجموعة جياع
ليت مالك في حياتك خوي و لا طليب كان باخشك وسط خافقي وأقول ضاع
أمحق الله سعو ولف الهيام وقطع صليب من يبكي مقلتين الشجاع ابن الشجاع
لو على البحرين شرهه ودمعات ونحيب كان ماخلتك تقفي عن حدود الرفاع
ولو جنيف أتحس في جرحي المرالعطيب كان ما تاخذك مني و تعطيني ضياع



سـعـد عـلـوش

الـمنـحدر


يئوى النعاس العين من يرغب بئيواء النعاس = وأنا مجلوي كل نعسة عين مع إني سدر
العقل نعمه لكن أحياناً يسبب أنتكاس = يشوّفك أن العقول الحين ما قل و ندر
أنا أفكر فيك كيف أزيل المنحد من الأساس = والأغبياء لاهين في لذة صعود المنحدر
تعبت لأني من أهل الطولات صعبين المراس = اللي يحبون الوفا و لا يحبون الغدر
تعال يا أبن آخي الغلا يا هوه يا عالم يا ناس = يا فكر أبن جدلان يا تركيبتين من البدر
يا معضله تمشي على رجلين يا العشر الحواس = يا شاطبٍ من ذاكرة تاريخ الوجه الودر
يا مطلع أهداف أجمل الغيد إلى رمية تماس = يا مهدفٍ بقلبي ثمان أهداف من حب و قدر
تعال أخذني من يدين الهم و وجيه العماس = شوّف العرب ضيقة صدر و مشاهدك وسعة صدر


الــقــريـنـي


فوح قلبي كل ما أصبح فوح دله = ويابري حالي و ياجرة ونيني
و يا وجودي كل ما خلوى محله = وياصدع راسي و عقدة حاجبيني
كل ما تقبل على وجهي ممله = آتشهد و أذكر أن الله عويني
فيا الله أنك لا تواخذني بزله = وأنك توفقني وتستر كنيني
كنية بين الضلوع المستعله = لو أبزفرها تفاضت مقلتيني
ما رسم في خاطري عشرين عله = وبعثر حكاياتي الا حاجتيني
الرفيق اليا تدانا للمذله = والضنين اللي دروبنه ضنيني
فيا رفيقي كل رجل و له جبله = وأنت من نسل الرجال الطيبيني
لاكن أنك تهت في بحر التوله = وردو الحضار علم الغايبيني
قالوا أنك ما خذ رزعة الأهله = وفلسفة هتلر وحنكة موسليني
فسلم الله حب قراء المجله = حببوك فسرقة الحضن الحصيني
بس عادي هي كذا بصمة الأدله = بصمة وحده و لا هي بصمتيني
ماني بزعلان من زلتك لله = وماني ضارب يساري مع يميني
كون من نويضللني بضله = وساقته ريح أحسداه و حاسديني
يا عيون اللي زبونه مرقلبه = أشقر راعيه فرحان القريني
يا الغوا يالطيش يالعكس المضله = يا مجردني كذا يا معتريني
يا مخلي معقدات الكيف فله = ينشغالة فكري و حرفة يديني
جعل من شطن بعمري ما يدله = ويلعن اللي عن مواصلك يحديني
أيه أببعد وأترك الحال و لا بله = ينكشف ما كان ما بينك وبيني
فلا تحسبني رخصتك لا والله = أنك مخاشر غلاي لوالديني


أنـكسـاري


انكسرت من الفراق و شوف عيني = شوف عيني وانت تدري بنكساري
كل ما مديت لوصالك يميني = رحت تتجاهل يميني مع يساري
حتى صرت اشوف جرحك في يديني = في يديني لجور صداتك مواري
حس فيها لا بلاها حس فيني = لا تعبرها لا كن رد اعتباري
و ين مقفي جعل منت بمنتويني = بالجفا والخوف وانواع العزاري
يا هلي يا نصف ربعي ياخديني = يا مواني غربتي يا روح داري
يا شموخي يا انكشافي يا دفيني = يا علوي يا بقائي يا انحداري
يا بداياتي يا مائي يا اكسجيني = يا اندثاري يا اعتدالي يا ازدهاري
يا بلادة حسي و قمة حنيني = يا اختياري لا يعشواء اختياري
اعشقك من عادني فول سنيني = لين صرت اخذ مع نفسي قراري
ما عرفتك وانت ثالث والديني = واللجوء اليك يعني لك فراري
ضمني خل الضرر بينك و بيني = الضرر من ضمتك شي اظطراري
خل يدينك من الجور تحميني = من جمودي عيشني لين انصهاري
كل ما ضاقت بعيني يا معيني = ابتسمت و صار لي ليلي نهاري
لا سكت تروح بالطيش تحكيني = رجعي بطبعك و بسلوبك حضاري
ما ذبحني فيك الا انك تبيني = وماسحرني الا حكاك الا ستعاري
لا حكيت احس بشيا تعتريني = ويخشع قلبي و تطرياي طواري
اعشق حكيك و احفظه يا ضنيني = حفظ ابن تيميه لحكي البخاري
و لاسكت احط يدي في جبيني = وارجي الله ما يطول بنتظاري
ادري اني عندك و اسالك و يني = داري لكن ما كني بداري
لين شيطاني تلفظ كلمتيني = ورحت مني ماتبي سمع اعتذاري
لا تبكيني و تفرح عاذليني = لاتخسرني بعد كبر انتصاري
لا تخليني بعد فيضه كنيني = وانت خابرني على الوصل انتحاري
لا تروح بروحتك كل يجيني = ماني مكابر ولا حتى مداري
انكسرت من الفراق و شوف عيني = شوف عيني و انت تدري بنكساري


أنت غيــر


حي مني لا ذكرته دريت إني بخير = صاحبٍ لا شافني ضقت منه ضمني
يشتعل بي لين يطفى على العرق الأخير = وأنتثر له شوق والياانتثرت يلمني
يا تندّاي الخليّه على طاقة حرير = يامخوفني و قاطع رجاي و مّمني
يا أمل يا خيبته يا متاهه يا مصير = خل قلبك لا تراخى الزمان يزمني
مابي الدنيا أبيك أنت لأنك أنت غير = جيت في أحظانك طفل وأنت أبوي وسمّني
شوف فوق وغن بأسمي على اللحن القصير = وخصّني في كل لمحة غرام و عمّني
بأشعل الدنيا عبيروبأطفيها عبير = و لابأنشدك من مدحني ولا من ذمني
جيت للدنيا كبير و بفارقها كبير = ومن زعل ماهمني و من رضا ماهمني


إلــى متـــى


إلى متى بابقى كذا و انته بتبقى هاكذاك = وإلى متى وانا اتعثرفالوصل وأحاوله
وإلى متى وأنا أمدحك بحروف شعري وآهجاك = إلى متى و أنا ارسمك على محيط الطاوله
وإلى متى و انااتضموا من خطاك إليا خطاك = وإلى متى و أقرب نهر تبخل علي جداوله
وإلى متى وإلى متى وإلى متى والا متاك = بتقهوي اللي خاويٍ لمواصلك وتفاوله
أموت فيك و ما يكثرمن غلاك إلا حلاك = يا تحفةٍ ما هيب في يدين البشر متداوله
سلهامة عيونك متاهة وادي وعضة شفاك = صفة قطع سكر تعض بها على فراوله
الله يجيرك من صدوف الوقت و عيون الهلاك = والله يحفظك من سخافة الألسن المتطاوله
و الله يخليك لخفوقٍ عاش يتنفس هواك = يمرر اسمك في عروقه و الضلوع تناوله
عيد بعيني جعل من ذمك من العالم فداك = و اعطف على من صكته بقعا فراقك و آوله
اللي ليا منه تذكر حلو وصلك عن جفاك = بكى بدمعة من يكابر و الحزن متحاوله


تضيق نفسي


تضيق نفسي لين يشره على قلبي فمي = وأناأترجى ف امنيات الحلول المزمعه
لا يا ابن ابوي شلون ماأحتروأطغي وأحتمي = والوقت لامنّه زما راس حظي يقمعه
إن جيتها ف الاصدقاء أووف با فورة دمي = كم واحد ٍ خلّى جميلي على راس شمعة
ماني بمتحسف جعل مال جافيني سمي = لان ادري المحراب ما هو بمثل الصومعه
تتغثبر الدنيا و لحظة صفو الآدمي = اليا سجد لله و سقّت دموعه مدمعه
و أنا دمعت عيني و ما أكميه عاده منكمي = بين انتظام عروق قلبي مسوّي معمعه
يا وجد حالي و انكساري و غيبي و اعدمي = وجود من جمّع حلاله وضاع اللي جمعه
المشكلة ماهي بنفسي وزلات قدمي = وماهي ببحة صوت أحبه ولاعاد أسمعه
المشكلة لا جات من بين دمّي و لحمي = ما ادري من أخلي ولا أدري من أوقّف معه


تبسمي


تبسمي يا أطهر معاكيشٍ وساع = يا من عليك مشاهد العيبة حكر
يا بنت حماي الزمل ذرب الطباع = اللي ليا من زل علّم ما نكر
وطّي رموشك و أعلني لي الانصياع = في وقت الانثى تسلب حقوق الذكر
نقل الحضارة من بقاع اليا بقاع = أحلى وسامة ورث حوّلها جكر
أم المتاهات العظيمة و الضياع = استبسلت تصطاد فالماي العكر
ساقت سديستنا و جتها باتباع = بكر بكر بكر ..بكر بكر بكر
الين صرنا بس فضاضة نزاع = نفكّر نعيش و نموت بلا فكر
و أعظم خبر من بيننا دايم يشاع = أبو بكر أرّث أصيل أبو بكر
يا هيه ما يقوى السباع إلا السباع = السبع له مخلب و للثعلب مكر
موت الجبان يشابه لموت الشجاع = لموت واحد لكن الفارق ذكر
و تبقى الوجيه اللي تحلّى بالقناع = و تبقين يا نظرات شيهانة وكر
دايم تنسيني تفاصيل الوداع = ذاكرتي محزّن و نظراتك سكر
و دايم ليا سولفت خرتي باستماع = و دايم لي المنه ولله الشكر


بسـألـك


الله يعزر فيك و الله يقبلك = إن كان عرّفك للضياع أقتادني
من يوم إني صغير أعشقك و أتأملك = حتى تفرعن بي غلاك و سادني
كبرت أحبك بس صرت أتخيلك = غبي تعلمني غلى وأجادني
من أول أشوفك و أعشق ادللك = وأحب خيط العذر لا من قادني
واليوم لا مني ولهت و جيت لك = قام يْتصيدني الحزن وأصطادني
فالشارع اللي هيبته هيبة ملك = اللي تهجا خطوتي وأعتادني
من تحت شباكك و ودي أسألك = ياأغلى من أغليته غلاك أش فادني
لو أدري أن مستقبلي مستقبلك = ما كان نقضي الغياب و زادني
هنا وبس و لاتضايق وأزعلك = بأقفي فمان غيابك وما عادني
لا أقفيت عن عينك رجعت وقلت لك = تكفى ليا قفيت عنك نادني
من حشمتك لو أوصلك ما أوصلك = ياخي باثورمن العذاب و هادني
أحساسي إني ذنب في عيون أهلك = أحساسي بالأحساس ذا أبادني


غصتني العبرة


الجهل بيني وبينك طايح سوره = من مر الايام صارت عندنا خبره
ما دام عينك من اللي صار مكسوره = أجمع شموخك وخفف حدة النبره
لا شفت وجهك ليا غيرته الفوره = أشوف قلبي ليامن مل صبره
يآخر مبالاة قلبي و أول شعوره = شفلي سنع في غلاك و شوفلي دبره
خليت نفسي من الايام مقهوره = و خليت حالي لمن لا يعتبر عبره
غديت في دنيتك يمهدي الفوره = في روضة خريم مثل مضيع الأبره
خلصت ما عاد أقاوم صدك و جوره = القلب قرب يموت و غيبتك قبره
فراقك العام تكفا لا يجي دوره = صرت أحسبله و فكر فيه و أعتبره
ماني بناسي هذاك الطيش و غروره = يوم أنك أخلفت ضن فيك وش كبره
و أذاك ناسي تراها عندي الصوره = أقفيت تضحك وأنا غصتني العبره


صبح الرشاش


بغيت آضمك بصدري على صدري و ماعاد أمدا = وعفا الله عن محاني صدر صدري يا مبارحها
ليا هبت عقب صبح الرشاش و كل غصن أندا = ذكرتك يا ملقي وجهي البيد و بوارحها
أنا ما أقديت في فرقاك بس أن الزمان أقدا = حرمك تشوف بعيوني مداويها و جارحها
لقيت و هبة ما توهب و معروف مايسدا = و فقدتك حسبة ما كنت جامعها و طارحها
أثور و كل ما أثور أذكر أنا ويش أنا و أهدا = و عظيمات الدول تكشف ثقافتها مسارحها
تبي تصدي الذهب لا مستحيل ان الذهب يصدا = بيبقى و أنت قلب بين باكرها وبارحها
تعبت أعلمك به شي لو تفداه ما يفدا = ثلاث حروف عايدها على سمعك و شارحها
ثلاثين ألف مره قلتلك لا تمشي الجردا = مهي كل القلوب اللي تسارحها تمارحها
قسم بالله لو مالي مع أهل الطيبه مبدا = لا أنزل نفسي لبقحين خلق الله و أصارحها
لا كني لا أنتهي صبح الرشاش وكل غصن أندا = دريت اني كفو لمقابل البيد و بوارحها


ركـز معـي


غني بربي و الدعا والرفاقه = وقرم وليا جت للقصايد مفوه
بحر تباعد غبته عن زراقه = لهل الغثا طيشه و لله هدوه
ان زان و قتي خذت لذة فواقه = و لوّه يشين يشين عادي و لوّه
بنكي رياجيل الشرف و البطاقه = جمايلي و اسمي و كبر المروه
من لابةٍ في ثقل اهلها محاقه = فعيونها كثر الاوادم يا شوّه
الاكرمين اهل العقل و الحماقه = الجيدين مزبنين الجلوه
هذي فقط نبذه عن اهل العراقه = والسامي يرجح كلامه سموه
عن افتعالات الغضب و الطفاقه = وعن الملئ اليا تبين خلوه
حبيت ابين لك اصول اللباقه = مع و احد غيثه يسابقه نوه
و الا انت كامل لكن ان فيك عاقه = ينقص برستيجك شو ية جروه
يا مغيّر في عيوني اصل العلاقه = تخيلوا عدو يعشق عدوه
لازمتني باحلى الدلع و الشفاقه = و ادخلتني في حلم عمرك و جوه
و حببتني في شي اسمه صداقه = وكرهتني في شي اسمه اخوه
ولفتني يا بو الدلع ولف ناقه = وانا ولفتك ولف حاتم لضوه
ولو نختلف باشيا الغضب و الرواقه = ماني بقايل ما تسويه سوه
ركز معي للريح طلاق ساقه = وللشين شين لا نصا ما يموه
يعلم بان حلم الكسول اللياقه = ويعلم بان حلم العقيم الابوه
و يعرف متى نضج الورق و احتراقه = خبير في الاحياء ما هو ب توه
ثورته لا جت تشعل الفين طاقه = ماهي بشبة قاز في جمر دوه
ما انت بغبي جدا بلفظ الرشاقه = وانا ذكي جدا و حبيت انوه
ان جيتني جيتك على كل فاقه = وان رحت ابـ العن خير وقتي و سوه
لانك تنفاس الحشا و اختناقه = يا كل شبحي ياقصاه و دنوه
يا بو الحلا و ابو الغلا و الذواقه = سرايرك مله و حكيك نبوه
روحك و قلبي لو بحلل و ثاقه = مربوطه في بعض هيا و هوه
فان غبت يا نفر العقل و اشتياقه = ماني براغب بعد خوتك خوه
ببكي على زول عشقته عشاقه = و ترى البكا للاقويا زود قوه
فان شفت ابن علوش يبكي فراقه = ترى محادير الجبل من علوه


كـرت زيــارة


قال ابا اشوفك سكت شوي قلت اش زينه = موعد معك انت لا يمكن علي انكاره
بس لا حظ ان قلبي لو جفوا غالينه =ما جعلهم عرضة النقاده الثرثاره
قال انا ادري والله يوقف معه و يعينه = قلبك اللي حط اعدائه على انصاره
قال بكره قلت بكره غد ياتانينه = كلها ساعات و يبوح النهار اسراره
المهم اصبحت صبح ما اعرف تكوينه = صبح من ندره عصافيره تصيده احراره
واتقهوا قهوة اللي مضحكته سنينه = واخذ اغراضي معي و اشغل السياره
واسرح و في بالي انه في حدا دربينه = يا قبل بيته ببيتين او على دواره
وليه ذا واقف معنز جسمه بيدينه = وقفة اللي ربعه اتحبه ولا تختاره
قلت ليه انت اتشائم و البنادم طينه = ينتصر لا حط ذكر الله على اصراره
قال انا ماني بمتشائم لكن يا شينه = لا ابتدا عمرك بصدماته و موت ازهاره
كنت احسب ان الحياة ال ساره او لينه = لين ماتت لينه و في يوم ماتت ساره
ضل يبكي و انتهز صدري و جا من بينه = لين حسيت ان كثر المع فك ازراره
اعملت في عيني انفاسه و دمعة عينه = مثل ما يعمل بخار الشاي فالنظاره
قمت اضمه و احضن راسه و لا ادري وينه = لاني اعشقه بمفاجئته و في تكراره
كان يوم يعلم الواحد يوفي دينه = الفرح به قاطع للحزن كرت زياره
يالله انك تقطع الوقت الردي و اتهينه = كانه ايبكي كباره من غياب صغاره


قـنـــوع


قنوع و اسخط في كنوز العالم المتشبعه = وقناعتي كنزي و شبعتهم هلاك في هلاك
لا صرت في صحه و خير و ذود ابوي مربعه = كني ملكت الكون كله من هناك اليا هناك
يكون شي مجمل احبالي عليه مجبعه = يمجبع حبالي و انا الضميان والما بس ماك
شبيت في قلبي و انا بطبع البرود مطبعه = وكذاب من قال الحراره من نتاج الاحتكاك
هذا انت في لوس انجلوس متقبعلك قبعه = وانا على عرق و خفوقي يا بعد عمري معاك
لبيك يضبا ضابيات الزين و اشرس سبعه = لبيك من ثورة نفسك الين ترتيبة حكاك
يا منبع من الزين لا الزين منبعه = سبحان من سواك لين اصبحت تفرق عن سواك
و سبحان من خلا شطوطك فالحشا متربعه = وسبحان من و حدك لا تحذا ولا يوخذ حذاك
و سبحان من خلا الخفوق ايتبعك و اتبعه = وسبحان من خلاني اقول العمر جعله فداك

قاطع طريق


النفس خزنة ملك والحزن قاطع طريق = والجروح يوجرعليه المسلم الياأحزنه
و أنا من العام وأنا أشعربيبسان ريق = يفرج سجيني مع عيني و أرد أسجنه
من بين طيات صدرٍ شل ما لا يطيق = لاجاع حزنه تعشى جروحه المزمنه
مجسّم إنسان من داخل رمادة حريق = وقودها المغريات ونفسي المؤمنه
أحياناً أبكي من الخشيه لحد الشهيق = وأحياناً أقبل على الأذان ولاأذنه
ما عاد أنا أيّاي يالله لا تخلي عويق = عاقبته عيون روس مدلبحه وألسنه
كتل هوامش بشريّه تنام و تفيق = رديان و حتى الردى بالضبط ماتتقنه
لكن على كل حال الطلق يبقى طليق = لوعاينته العيون وضدته الأزمنه
عذر السنافي معه والعذرحبله وثيق = لو حس رعبوبته و إلا جفا موطنه
رعبوبتي يا وجودي يا غلاك العتيق = عنه مكان ٍلقيتك فيه عاما عنه
يوم الشجر صاير لوجهك مشجع فريق = من وين ما أفتر تتغير معه الأمكنه
للحين باقي بدربه من رحيقك رحيق = وللحين يتمتم حكينا العذب ويدندنه
يو إني أشر على صدري و عينك تويق = وأقول إنتي هنا وتقولي أنت هنه
الهاء في آخر كلماتك بصوت ٍ رقيق = يشطب على برمجة سمعي و يستوطنه
منتي بشر جعل من جابك ضحيّة زريق = شارعك يحسب لك بالأمتار يا مفتنه
إليا إنتصفتيه يضيق و كل ماله يضيق = كنك كوكايين وأرصفته خشم مدمنه
رعبوبتي ما خبرت انه تحرّك طويق = شاعرك مجنون خلقه و الشعر جننه
قولي لهم ينتهون و لا يطول الزعيق = الميسره ميسره و الميمنه ميمنه
و قولي لهم للعراقه رأس صبي ٍ عريق = يا كم سر ٍ يعرفه بس ما يعلنه
أتنوخذ البحر و لا أرسي بجال المضيق = و الشي بالشي لا اعيبه و لا استحسنه
الاّ الرفيق إللي يستغل طيب الرفيق = هذي اللي ما هيب مقبوله و لا ممكنه
يا صا حبي كان لك مال الشقيق لشقيق = و الحين جمّع بقايا ما مضى و أدفنه
و يا قلبي اللي وساويسك تنجّي غريق = الله لا يصغّر إبليسك و لا يلعنه
ما هو فخر في سنه تعرف لك مية صديق = الفخر تتعرف بصديق لميّة سنه


وريـــدي


ياللي غرامك جاريٍ في وريدي = لا وش غرامك جاريٍ في وريدي
استغفر الله لو بقول ان غرامك = ما باقي إلا يطبع اسمك على ايدي
لأنك بصدري و أنت منته بصدري = تطلع مع أنفاسي و ترجع يا سيدي
اليا طلعت أحس كني أشوفك = وآنقص أنفاسي ذكا يا ضديدي
أخاف لا تطلع و لا عاد ترجع = واشفق على شوفتك و اقول زيدي
فهل علمت عن جنوني يا آنف = اني لمجنون النشاز المجيدي
لبيك يا سلكا حملت الفضائل = أوعز لصاحبك بتحرير قيدي
يعني بحكينا لبى و الله عروقك = متى تعيد في عيوني يا عيدي
ثقفني بوصلك مثل ما تثقف = شعّار جيلي من ثقافة قصيدي
لو ضلع عيني حس موطى وصالك = لا طاح حيده و لا طاح حيدي
تخيل اني من كثر ما اتخيل = اتخيلك تدعي و احسب انك ميدي
يا خي ترى جننتني بالمفارق = جننتني و انا بعدني يا جيدي
لكن مع الله كل بلوى بخيره = أنا ذكاي من التجارب رصيدي
اذكرني اليا من سمعت بغرابه = اليا سرى فعروق مخك جديدي
و أنا بعد لا من ذكرتك يا غالي = باسجد لوجه الله و باقبل ايدي


مرتبة شـرف


تضيق بي الدنيا بكبرها من معابيس الوجيه = وهذاك لا منه تبسم شفت للدنيا طرف
مني واليي احببته و هو حبني منه واليه = من غير لا انا اعترف و من غير لا هو يعترف
ليه اتحاكا و كلبوي يعرف غاية كلبيه = اليا فرح افرح و دمعه لا ذرف دمعي ذرف
اغليه يعني اعشقه اعشقه يعني اموت فيه = يعني انا ميت معا عشقه و مرتبة الشرف
ميت و يعشق والسبب مافيه داعي ان احكيه = الغيد فالدنيا هواه و هو لحاله محترف
الشامخ اللي لا اقبل و حضن يديني في يديه = تراعدت فرايصه بالغنج و اتساقط ترف
امشي معه من غير لا اين و لا كيف و ليه = من حيث ما يجرفني اغمض عيوني و انجرف
ان قال لا اقول لا وان قال ايه اقول ايه = ما عرف مسمع ما ارى ما ارى مسمع معرف
اللي اعرفه اني ابيه ايتجملبي و ابيه = وكان العدل في صدته سجلني اكبر منحرف
يغفرلي الله و الله يديمه و يرحم و الديه = علمني ان البعد نكسة حال والصده قرف


لا خلا و لا عدم


ردني لك موتتي في غيابك موتتين = يا محولٍ ضيقتي من وجود اليا عدم
لا تخليني ما بين الثلاثة و الثنين = البكا و السخط فيك و شعوري بالندم
ضقت ذرعاً يالله انك تزينها تزين = من عيون اللامبالاة و يدين الردم
والله ان جرحك بقلبي كبير و له و حنين = كبر ملك الامبراطور في عيون الخدم
الله اكبر يا وليفي بعد ما كنت وين = صار مالي في حياتك ولا موطئ قدم
ردني لك لا خلاص انت رح و الله يعين = من على شانك يفض الجموع و يحتدم
خلني لي و اوعدك في مقابيل السنين = ما أتمنى صعب و لا أعشق ولا أنصدم
انت ما قصرت يالغالي و عذرك سمين = و طول الله عمرك ولا خلا و لا عدم

الله يعطيك العافيه على النقل

يسلمو ع النقل

مكشوور اخوي ع النقل

تسلم على القصائد الجميله
والاختيار الموفق....

تشكرات كثييييره على القصايد الكثيييييره

يعطيك العافية اخوي

يعطيك العافيه

صح لساان قايلهاا ... ولاعدمنا يدين ناقلهااا
لاتحرمنا جديدك
تقبل مروري