السلام عليكم ورحمة الله وبركاته

شكرا لك أختي منى الحارثي والله يجزاك كل خير ولستي وحدك من تضرر من اختبار قياس كلنا انظلمنا وسُلب حقنا منّا وقتلت طموحاتنا بدم بارد والقاتل #قياس ونطالب بإلغائه ونرفضة جملةً وتفصيلاً

#قياس ..
بلاء وحل علينا ولابد من أن نقف يدا واحدة في وجه الظالمين ..

كفاية ظلم وإن كانوا يظنون أن #قياس طورنا فهو ما طورنا ولن يطونا ؟ ..
الإ حطمنا ...؟!

وإن كانوا صادقين في إدعائهم بأنهم يسعون لتطويرنا ..
فنحن أيضا نسعى لنطور أنفسنا فليخصصوا لنا دورات تدريبية منصفة ،
ولا إعتراض لدينا على ذلك ..

أما المطالبة بإختبار أستثنائي فاستبعدوه ولا تطالبو به نهائياً ..
وأنا ضد الإختبار الإستثنائي وضد بقاء قياس ..

لإننا لن نستفيد وماراح يغيرون أسلوبهم التعجيزي في الأسئلة حتى لو كانت من المقررات واسمعوها مني ..

لإنا بنظل طول عمرنا نختبر ولن ننجح ؟؟ّ!..

لإنهم كل سنة يخترعون أشياء جديدة على قولتهم يطورونا

الحل هو المطالبة فقط بإلغائه ولن نتنازل عن ذلك وايضا الحل مقاطعة اختباراتهم ..

والله ماكان قياس الإ كذبه وسيظل كذبه ..
ومن بعد اليوم من سوف يسكت على الظلم فلينسى إنه ياخذ حقه
وليتذكر إنه يعيش على وهم النجاح # بقياس


لابد من تفعيل قضيتنا في التوتير والمنتديات ولابد من التواصل مع الصحف والقنوات وايصال صوتنا لمن بيده القرار ..
#المطالبة_بإلغاء_قياس
#القياس_استنزاف_للطموح_سلب_للحقوق
#مقاطعة_اختبارات_قياس

فليسقط #قياس ومن وضعه

معاً يدا بيد لإسقاط قياس واسترداد حقنا المسلوب
وماراح يضيع حق وراه مطالب
والله ينصرنا على من ظلمنا ويرينا فيه عجائب قدرته

قياس له يوم وبيموت فيه ..
متى هاليوم العلم عند الله وجعله مايتأخر موته ..

لقد أصبح شبح قياس يطاردني في منامي
وصار كابوس في حياتي

فليرحل قياس إلى غير رجعة

حسبي الله ونعم الوكيل

كلامك رائع جدا اخت أحلامنا الوردية

أنا عني لا اعترف بقياس نحن جامعيين متخصصين شهاداتنا حقيقية وليست وهمية

أعاهد الله امامكم و امام نفسي أنني لن ادخل اختبار كفايات المعلمات في حال عدم اجتيازي
اللهم مقاطعة فأشهد علي

قاطعوه يا ناس من حقكم التوظيف دارسين و متعلمين و شهاداتكم حقيقية ليش توافقون على مصادرة حقكم البديهي بإختبار مثل هذا !

ليش نظلم انفسنا !ليش نحتقر امكانيتنا وسط ضحكاتهم علينا
مدخولهم من اختباراتنا اكثر من 30 مليون اين تذهب !؟
هم يتقاسمونها و يضحكون علينا

قاطعوه لا تظلموا انفسكم و علمكم و شهاداتكم

لاحول ولا قوة الا بالله
قياس وماادراك ماوراء قياس انا احد المتضررات منه ،خريجه تربويه من عشر سنوات بتقدير ممتاز مع مرتبه الشرف ولم احصل علئ حقي بالتوظيف ،لاسباب لااعلمها ويطالبونا نرجع بالذاكره عشر سنوات وراء لحل اسئله قياس التعجيزيه ؟ اللي يفترض عدم خضوعنا له اصلا الا يكفي سنوات الانتظار اللي خريجين السنه هاذي راؤها صعبه ولا يحق اصلا ان نخضع لاي دورات الا بعد التوظيف لان حصولنا علئ وظائف غير مضمون لماذا كل هذا العناء وشهاداتنا اخذناها من جامعتهم اللي صارت غير معترف بها عندهم ولا اقول الا حسبي الله ونعم الوكيل ��

أنا سمعت بألغاء القياس بس ماأدري
أن شاء الله الغاء

ياربي نجتاااز الاختبار - الكل جاته نفسيه من الاختبار حسبي الله ونعم الوكيل (اللهم اكفنا هم بماشئت )"من فوض أمره لله لم يخيبه أبدا ".

اي احد اجتاز قياس او موظف رجاء لا يعلق على موضوعنااااااااااااااا هذا كلنا نعرف الارزاق بيدا الله والي مايعرف البطاله لا يتكلم يحتفظ بالتعليق لنفسه . مجرد كلام نخرج مافي قلوبنا .

حسبنا الله ونعم الوكيل
يعني في اسئلة الامتحان جوابين على الأكثر يحتملون الصحة
هذا اذا ما كان السؤال بكبره جاي غلط
وكله كوم ونظريات
اوزبول و بياجيه وغيرهم يعني رجعنا من جد وجديد بدروس النظري هذا غير الاسئلة التربوية اللي طبعا اجاباتها لازم تكون مثالية وبعيدة عن الواقع
لاني مش مقدمة على وظيفة معلمة انا مقدمة على وظيفة منقذ البشرية
وفيه اسئلة تتكلم عن آليات التقويم في السعودية
يا ظلمة ياللي ما تخافون الله أنا شيدريني ليش يسألون أسئلة مثل هذي
كله كووووووووووووووووووووووووووم وسالفة التعهد
أقر أنا ..............اني اتعهد ان بياناتي صحيحة وواني لن انشر مدري أفضح واتكلم عن اسئلتكم الللذيذة الشهية اللي قعدتوا يومين تحضرونها ولن ........ ....وأنا اتحمل كافة العواقب ومستعدة للجزاء القانوني
واكتبي اسمك ووقعي ومرتين مو مرة حشا أسرار أمن دولة
كلها كم سؤال كتبها انسان مريض حاقد يظن نفسه خالد على وجه الأرض
الله ينتقم منهم وحسبنا الله ونعم الوكيل فيهم والله لا يحلله ولا يبيحه كل من عطل أمور المسلمين
بس شنوه الجزاء القانوني
قصاص ولا جلد

حسبي الله ونعم الوكيل فيهم والله من جد حتى احنا الفيزياء كانت اسالتنا تعجيزيه على كثر ماذاكرت وربي ماعرفت احل وكانت الااسئله صعبه جدا جدا وفيها لف ودوران وانا معاكم ويارب نلقى من ينصفنا من هذا الاختبار

الله يفرجها عليكم

ماراح يلغى الاختبار تحلمون

هو مطبق على المعلمين قبلنا بسنوات

طالبو بحملة لاختبار قياس لكل الوزراء ووكلاء الوزراء بالدولة كذا بيعرفون قيمة الظلم اذا القياس بس علينا كمعلمين عاطلين نبية يمشي على كل واحد بهالبلد وبكل وزارة وإدارة سواء تعليم ولا صحة ولا تجارة