السلام عليكم ورحمه الله


اخواني اتمنى حد يفيديني

انا تركت الشغل بشركه لانه متعب ودوامه طويل

سحبت قلت خلاص مو مداومه وقلت لوحده من البنات تخبر مشرفتنا وقالت اوكي

ووالاسبوع اللي راح دقيت علي الاداره قلت انا فصلت ابي تنزلون اسمي من التامينات قالت انتي منقطعه انتضري متى ينزل اسمك اذا جت اوراقك من قسمك ننزل الاسم ويمكن ياخذ اسبوعين قالت وجيبي بطاقه التامين


قلت حاضر

المهم وامس نزل لي راتب انصدممممت نزل 2400ريال والراتب كله 3500 واصلا من داومت ماقد استلمت الراتب كامل لاني اغيب يعني نزلولي نفس راتبي الشهر اللي راح لما كنت اداوم


ووش رايكم يجماعه هل لازم ارجعه لهم ومايجوز ولا عادي رزق وجاني

السلام عليكم
اولا بالنسبة للراتب اللي نزل في حسابك هذا من حقك سواء داومت او لا كيف ؟
الان كثير من الشركات توظف سعوديين عشان السعوده فقط مايهمهم داوم ولا ماداوم انتي لو تروحي تراجعيهم هم راح يقولولك ماتبي تداومي عادي بس راح نخلي اسمك مسجل في التامينات ونعطيك راتبك كل شهر .
انا اشتغل في شركه أداوم من 8 الى 5 وأخذ نفس راتب شباب عمري ما شفتهم في الشركه الا اخر الشهر يجون يوقعون على استلام الرواتب صح قهر وظلم بس انا ما يهمني أدور علئ الخبرة وراح اسحب عليهم

هذا المبلغ للأيام الي داومتي فيهـــــــــا تقريبـــــــــا والله أعلم ......

والدعوه لاصار فيها فلوس الشركة ماتغلط هههههههههههه الا ماندر ...

الله يسعدكم اخواني ويرزقكم

ومشكورين ع الرد

اولاً مبروك انك خليتي الوضيفه
ورجعتي لبيتك واولادك اللي ابرك من كل الوضايف
ام عن الراتب اللي نزل اتوقع انه من حقك يمكن حقوق لك باقيه في ذمتهم
وحبوا يتخلصون منها والله اعلم

السلام عليكم ورحمة الله,,
انا صارلي نفس الحكايه مع احدى الشركات,,نزل راتب شهر كامل مو ناقص وانا ما داومت ولا يوم في الشركه,,

لما رحت ابي انزل اسمي من التامينات في نفس الشركه قال عندك مديونيه1450ريال والراتب اللي نزل لي هوا 2700,,, نصيحه ,احتفضي بالراتب الى ان تاخذي اخلاء الطرف,وينزل اسمك من التامينات,

تحياتي,,,