السلام عليكم ورحمة الله وبركاته :
حبيت بس انقل لكم معاناه لي من تخرجت حوالي 7 سنين وانا عاطل تصوروا ؟؟؟
صار عمري 25 يعني حتى اذا توظفت متى بجمع فلوس وبشتري سياره وبزوج دايم افكر وقول الله كريم ، بس الهم ذبحني والعزوبيه وخاصه اني ماحب الف ودور في المجمعات والاسواق مثل باقي الشباب كل ما افكر فيه هو وظيفه وسياره توديني وتجيبني وزوجه ، اما البيت ماعليه تشتري بيت في السعوديه كثر منها ، في الاونه الاخيره طلع قرار بمنح سبع مئة الف ريال سلفه من بنك التسليف بلا فوائد طيب بالله على هالرواتب الداجه كيف يقدر الواحد ياكل عشان ياخذ سلفه بهالمبلغ وسدد وكم راح يكون القسط ؟؟؟
اكيد مايقل عن 5000 ريال لان المبلغ كبير والرواتب قليله لدرجة ان لو ماتستلم راتب شهر تحل عليك الصدقه والله جد الكل فاهم كلامي ومقاسي الوضع يعني اللي ما يشتغل في ارامكو ياكل هوا احسن له ، اخوي تزوج قبل ثلاث سنين وراتبه 3000 ريال وكان فرحان اول ما تزوج والحين دايم حاط يده على راسه ويفكر في تسديد ديونه شكله دايم حزين ومكتئب وش هالعيشه ، احنا في السعوديه ولا بنغلادش ؟؟؟ ارجو الرد