السلام عليكم ورحمة الله وبركاته

اخواني انا اللتحقت بشركة *** ولاكن لم استمر معهم الا لمدة اسبوع واحد فقط وبعدها تركت العمل معهم ... ومرت الايام والشهور وبعدها شيكت على موقع التأمينات الاجتماعية ووجدت ان اسمي لايزال مسجل في التأمينات ولما رحت للتأمينات اخذ برنت لقيت ان الشركة نفسها مانزلت اسمي من التأمينات وضلت مستغله الاسم في السعودة ..الخ

واسمي بقي معلق سنتين وشهرين بالضبط ..

هل فيه تعويض اذا اشتكيتهم ؟؟ وعندي مين ارفع شكوى

ياخوان الي عنده خبره في هذا الموضوع سواءً سمع او صارت له يقولي وش اقدر اسوي ..

تقدم بشكوى ضدهم بتأمينات الي بمنطقتك على طول يغرمونهم 5 الاف

وراح يتم أسقاط أسمك من تاريخ تركك للعمل


بعد كذا تقدم بشكوى ضدهم لدى مكتب العمل وطالب بحقك من خلال أستغلال أسمك

[align=center]أشتك عليهم بمكتب العمل والتأمينات ، وراح يعطونك كل رواتبك من أول ما طلعت و إلى تاريخ حذف أسمك من التأمينات ، يعني الشركة تدفع لك رواتب سنتين وشهرين ..

طبعا أكلمك من خلال المشكله نفسها صارت لأخوي ودفعوله حقوقه للمده الي أستقلو فيها أسمه ..

تحياتي [/align]

وعليكم السلام ورحمـة الله وبركـاته

ماشاء الله الأخوان ما قصرو .. وإضافات بسيطة

التأمينات الأجتماعية .. تغرم الشركة مبلغ مثل ما ذكر أخي وراء الوظائف

وتسقط أسمك من التأمينات


مكتب العمل الخاص بالمنطقة الي أنت متواجد فيها .. تروح قسم المفتشين مـن بـدري السـاعة 7.30 صباح وتاخذ ورقة شكوى أو دعوى من عند المفتش وتسجل فيها بياناتك وطلباتك

وترفق معاها صورة الهوية الوطنية .. بيان مدد أجور تطبعه من حسابك في التأمينات الأجتماعية

تعبي الورقة وتسلمها للمفتـش قبل الساعة 9 صباحاَ

لأن المفتش دوامه في المكتب لمدة ساعة واحدة من 8 إلى 9 صباحاَ .. بعد كذا يخرج يعمل جولات على المنطقة الخاصة فيه

إذا كانت الشركة في نفس المنطقة إلي أنت .. يعوضونك بسرعة .. بمجرد ما تشتكي يوقف الحاسب الآلي الخاص بالشركة ) يعني تتعطل مصالحهم بسبة شكوى مواطن.

إذا كانت الشركة في منطقة خارج منطقتك .. يرسلونها مكتب العمل وتنتظر إجابة منهم ولا تخليهم بحالهم كل يومين وأنت عندهم على شان يعرفون أنك بتاكل روسهم ويغلقون موضوعك

أعطيك نسبة عشان تتحمس للموضوع .. إذا راتبك ثلاث آلاف مسجل لدى المنشئة

راح يكون المبلغ 72.000 ألف ريال خلال سنتان

بالتوفيق

يعطيكم العافية

يعني أنت سنتين ما اشتغلت فيها أبد؟؟