السلام عليكم في البداية انا عمري 19 سنه
عائلتي يعني ماديتنا متوسطه
بس الحمدلله ما علينا ديون و بيتنا ملك
انا لي 6 سنين اهلي يعطوني مصروف شهري
الا وهو 2000
وفي حياتي ما صرفتهم
بحكم ان عمري كان صغير ولا احتاج اصرف كثير
وكنت استخدم مصروف المدرسة بس.
والان اخر سنه ثانوي و جاني فضول اني اشوف كم معاي
لما فتحت العلبه صار معاي 144.000
المبلغ بالنسبة لي جداً جداً كبير اكثر من مئه الف !
يعني في السنة كنت اخذ 24 الف


وبصراحه انا مااعرف كيف اتصرف بهذي الفلوس
يعني استثمرها ؟ او ايش اسوي فيها ؟
جد احتاج احد يدعمني في شيء او يساعدني
شكراً الله يسعدكم

أخوي ما دام عمرك صغير أحذرك من شيء واحد وهو التعامل مع شخص بالنت ..

يعني خذ فكرة لكن لا يكون فيه تعامل بحيث يأخذ مبلغ أو يدخل شريك معاك ..

__________________________________________________ ____

أما الفكرة أقترح عليك تنفيذ أكثر من مشروع فيها ,, شوف لك واحد شغال في التجارة وقريب منك أنت تثق فيه وخله يعطيك رايه وممكن تدخل شريك معاه ..

من الأشياء الحلوة : الوكالات التجارية ..
يعني تشوف محلات ماشية كويسة أو منتج ممتاز وله زبائنه ومش موجود بالمنطقة أو الحي وتاخذ وكالة عليه ..

لكن لا تحط كل المبلغ في نفس المشروع أو الوكالة ..

انا بنت . ولا اقدر بالوكالات وهذي الاشياء
ابي شيء على قدي

ماشاء الله عليك ما كنتي مبذره ،، بس حلو فكرتي مشروع نصيحة خوذي جوله بأقكار بمقترحات المشاريع في المنتدى وبعض المواقع واستشيري أحد من أهلك فيه مشاريع صغيرة حلوه وتناسبك كفتاة ،، فيه موقع لشركة أنا والله ما تعاملت معهم بس أحس إنهم ممتازين مدري مسموح لي أقول أسمهم وانزل موقعهم وإلا فيه حظر ؟؟؟
اسمها شركة كيف أبدأ؟ أدخلي النت تلقينهم وفيه أفكار حلوة ،،، بالتوفيق يارب وعقبالي أحصل على مبلغ انفذ مشروع

الله يوفقك ويبارك لك فيها ان شاء الله

ان رغبت بالأستتمار في سوق الفوركس و الأسهم. انا لدية خبرة جيدة في التداول و سأقوم بأدارة حسابك مقابل مشاركة نسبة من الأرباح نتفق عليها. راسلني ان كنت مهتما باقتراحي

انا وسيط و متداول مع شركة IronFx.com


وهده طريقة الشراكة.

تقوم بفتح حسابك مع الشركة من هدا الرابط. و بعد الأيداع نتفق على نسبة مشاركة الأرباح. يتصل بك موضف من الشركة لتأكيد الأتفاق. بعدها اقوم انا بالتداول على الحساب. و في نهاية كل شهر تقوم الشركة بتوزيع الأرباح بيننا.

انا اتداول باحترافية في هدا السوق و بأقل خسارة ممكنة.

روحي ديزني لاند😍

اختي احذري من النصابين
يحلفون لك ويرسلون لك بطاقاتهم الشخصية على الخاص
وهي مزورة وكذب يحتالون اهم شي الفلوس يحصلونها ماهمهم حرام ولا الله وعقابه
منعمية بصيرتهم الله ينتقم منهم
امين
اختي ارسلي على الخاص ميولك هواياتك
هل احد يقدر يدعمك من اهلك يوقف معك في مشروعك
لازم على الخاص مايكون على العام تردين على الاسئلة وان شاء الله
اجد لك فكرة مشروع حلوة ونفس الوقت مربحة بااذن الله
واكرر احذري من النصابين محتالين لاتحولين لهم خلي اهلك يكلمونه ويقابلونه
انا هالاسبوع هذا انسرقت مني فكرة تجارية حسبي الله عليه وكفى
قال ابي اشاركك واخذها مني احمد الله انها فكرة
فالرجوا ماتكونين مثلي يستغلونك ويحتالون عليك

اكبر خطـأ قلتي انك صغيرة ... هذي العبارة تخلي العيـون عليـُك ..

بدل هالعبارة كان قلتي عندي رآس مال بملبغ 144000 وآبي اشغلهم في السوق

أختي افضل طريقة بما انك منتي عارفة الطبخة بالمشاريع إعطي أبوك هـ الآقترآح

فيـة نآس تشتغل بالتقسيط في السـوق ولهم سمعتهم واكيد في منطقتك كثير منهم

اقترح تعطين ابوك خمسين آلفُ ويعطيها الرجال اللي يشتغل بالتقسيط ويكتب عقد بينهم

وبنسبة الآرباح الشهرية وبعد مضي سنة بآمكانك ان تسحبي رآس مالك إو تستكملي بملبغ اكبر او بنفس المبلغ

وارباحك شهرية تصل في حسآبك ممكن من 1500 إلى 2000 حسب الاتفاق

هذآ افضل مشروع لوحدة بمثل سنك تحت ظغط الدرآسة وصغيرة في السن وإيضا لعدم معرفتك بالسوق ومداخلة والمخاطر المحيطة به .. فهو رزق سآقه الله لك من والديك ولم تتعبي في تحصيلة

وإذا كنتي متفرغة الآفضل ان تبحثي عن وظيفة من مجآل اهتمامتك لو بدون رآتب فقط لكسب المعرفة والخبرة وبعد ذلك افعلي ماتشآئين

تحيآتي لكـُ .

مشاء الله تباارك الله
عمرك صغير لكن عقلك يحفظك الله كبير
من صغرك توفرين فلوسك وماتصرفين وانتي بنت
والبنات يصرفون حتى لو مب محتاجين تتعب نفسيآ لو الفلوس
ماتنصرف واضح انك من النوع اللي يمسك الفلوس وماتحبي يصرفها
متأكده انه مارح احد يقدر يلعب عليك او يخدعك طالما قدرتي تجمعين هالمبلغ
الله يبارك لك فيه ماارح يعطيك قلبك تصرفينهم بسهوله كلمي امك باللي بقلبك
وانك تبين تشغلينها وهي رح تتصرف من غير مايلعب عليك احد
مواقع النت تخوف ماتعرفين النصاب من اللي يخاف الله
كلمي امك او ابوك وهم رح يدلونك بمعرفتهم وممكن ابوك يشغلها لك والله يوفقك