السلام عليكم ورحمة الله وبركاته

عندي استفسار وتعبت وانا ابحث مالقيت جواب واضح انا خريجة بكالوريوس وحابه اعيد دراستي لأسباب كثيره الحين لو جيت بسجل اسجل بشهادة الثانوي ولا كيف ؟
شهادة الثانوي السنه الجايه يصير لها ست سنوات فيه امل اقدر ادرس انتظام
يسمحون لي اني اعيد ولا ؟
راسلت وحده من الجامعات وعلمتهم ان شهادتي بكالوريوس وحابه اقدم اقدر بشهادة الثانوي قالو اذا لها اكثر من خمس سنوات لا مافيه حل يعني !

اللي يدرسون في المحافظات تتوقعون اقدر اني مابي جامعه كبيره مثل سعود والامام ونوره

رد الجامعه علي معناتها اني اقدر اقدم بشهادة الثانوي بس المشكله لها خمس سنوات وانا ابي انتظام وش اسوي اقدر اقدم استثناء ؟



الشي الثاني انا مسجله بكفايات وجيت بسجل في اختبار القدرات للثانوي ماقدرت وش الحل ؟


الشي الثالث لو بغيت اروح اسأل اروح لمين ؟ اروح للشؤون او العميده ؟
تكفون بدون تحطيييم مافكرت اعيد الا بسبب ظروف وشكرا

للأسف أختي ماتقدرين تعيدين البكالوريوس انتظام لأنه من الشروط الاساسية في كل جامعة شهادة الثانوي مايكون

عدى عليها خمس سنوات بس فيه إمكاينة تعيدين دراسة البكالوريوس عن طريقة تعليم عن بعد يعني الجامعة السعودية الالكترونية مثلاً شهادتها انتظام بس نظامها تعليم عن بعد ومايهم العمر عندهم غير كذا ماتقدرين وموفقة إن شاء الله ،،

اقترح انك تدرسين دبلوم عالي بعد البكالوريوس مثل دبوم الارشاد الطلابي او الارشاد الاسري او التربية الخاصه أو الموارد البشريه وغيرها فجميع الدبلومات بعد البكالوروس مصنفه في وزارة الخدمة المدنية لها درجه في التعيين ...حتى لوكان البكالوريوس يختلف عن الدبلوم تتوظفي بشهادة الدبلوم مثلا لو انك متخرجه من كلية الدراسات الاسلامية واخذتي دبلوم التربية الخاصه تتوظفي في مجال التربية الخاصه ....

واليك هذا الرابط http://eservices.mcs.gov.sa/rmcs/Con...ew.aspx?cmd=p6 للفائدة وبالتوفيق

على حد علمي وبما انك حاصلة على شعادة بكالوريوس ماتقدري تعيدي من جديد

الا في حالة انك تنتسبي باحدى الجامعات او انك تروحي للعمادة مباشرة وتشوفي الوضع

والاخوان كلامهم صحيح اذا خذيتي دبلوم عالي بعد البكالوريوس يكون افضل بكثير من انك تعيدي

وان شاء الله يجي اللي يفيدك بعد

^^

جزاكم الله خير
الدبلوم مافكرت فيه كثير اخذوه ولا استفادو
مازلت محتاره في القرار الله يكتب اللي فيه صالح وخيره

[align=right]استشيري خبراء

ومن راي :

لماذا تريدين تدرسين من جديد ؟

هل هو لحبك لتخصص ما ؟

او لانك لم تجدي وظيفة بشهادتك ؟

ما السبب ؟

واخي درست لغة عربية وتعين معلم "

ثم درس انتساب شريعة بجامعة الامام لانه يحب التخصص الشرعي

عموما الحياه فيها خيارات كثيرة "

فاذا كان رغبتك في تخصص ما "

فممكن تاخذذينه ماجستير افضل من تعيدين الدراسة

واذا كان علشان التوظيف فهناك دبلومات احيانا متخصصة تفيدك واختصارا للوقت والفرص كثيرة

[/align]