السلام عليكم

كيفكم ان شاءلله طيبين

انا من متابعين هالقسم بس دخت < فكره توديه شرق وفكره غرب


لعبت فينا العطاله والعمر يمشي ولا سوينا شي بحياتنا



ابي ابدا مشروع صغير بالمدينه وانا عندي طموح ومستعد اتعب واكد بس ما لقيت الفكره الي تساعد

حاولت بسوق الخضره ولا لقيت مجال ولا احد مستعد يعاوني او يشغلني معه < اشتغل بلاش بس ابي خبره لجل استفيد


الي اتمناه منكم الي عنده فكره ناجحه خصوصاً بالمدينه
او شخص من اهل المدينه مستعد يفيدني واشتغل معاه

اكون شاكر لكم




تحياتي لكم


< طموح عاطل

تدري عندنآ بينبع ,, وش اللي صآير ,, مافيه اجانب بسوق الخضآر

كلـه سعوديين

المحآفظ جاء ومنع الاجانب منها حتى لو على كفالتك ممنوع يشتغل بالمحل

واعتقد قرار جيد وسيُء في نفس الوقت ..

الآفضل انك تشتغل على سيآرتك تشتري وتصرف

والله يوفقك

الله يوفقك ويرزقك من واسع فضله

يالطيب الرزق الطيب بالمديينه لا تروح يمين او يسار
شوف اش الشيء الي يميز المدينه عن غيرها وتصير تصدره للمدن او البلدان الاخرى ويكفيك شرف القرب من بلد الرسول ممكن تبحث عن مستوردي التمور من الدول الاسلاميه طبعا المدينه هي المصدر المفضل لهم خصوصا انهم الفتره المقبله راح يجهزون لستقبال رمضان راسل المراكز الاسلاميه هناك مثل ماليزيا و المانيا والبرازيل البانيا وغيرها الي تكثر فيها الجاليه الاسلاميه

حرام بالمدينه وتشتغل بالخضره .. عندك التمور .. لاعبين فيها الاجانب .. خش معهم واحكر نفسك .. صدقني مثل التمور ماتلقى ..

بعطيك سالفه .. واحد بالخرج من اقاربي .. اشترى له قطعة ارض بالخرج .. طبعا الناس وقتها .. انتقدوه وقالوا مجنون ..
المهم الرجال حط له نخل .. وصار كل ماجاه فلوس حط فيها نخل لحد ماوصل 3000 نخله طبعا كانت كلها صغار .. ماتنتج .. بعد سنتين .. بداء انتاجها اول سنه اشترى انتاجها باكستاني ب نص مليون .. وثاني سنه ب مليون ونص !! !!

وكلهم باكستانيه .. نصيحة اخ اشتغل بالتمور ..

اشكركم ع الردود




صحيح ان المدينه شهرتها بالتمور والنعناع

بس كييف ابداء فيها يعني الشراء سهل بس

طريقه بيعها او تصديرها لبره

رح للمزارع .. الي عندكم .. وشوف مزرعه صغيره او لو حتى كبيره وكلم صاحب المزرعه انك تاخذ منه المحصول الدفع بالاجل ..

كثير يسوونها .. وتبيعها بالسوق او حتى ممكن تبيعها بالقصيم او بالرياض ..