السلام عليكم

ودي اشري الاثاث المستعمل وارجع ابيعه مثل ماهو او اسويله تحسينات
لأني لاحظت ان كثير من الناس يحبون يغيرون اثاثهم كل فتره ، ويبيعون القديم بسعر جدا رخيص
واغلب هالأثاث اخو الجديد وماهو مستخدم كثير وهو منية الشباب الي توهم متزوجين أو ميسوري الحال
وووودي احد يفيدني يعني وش المكان الي احفظ فيه الاثاث الي بأشريه ووين ابيع ( أنا بالرياض )
ورأيكم بالمشروع عموما
مع العلم عندي دينا وتأشيرة عامل وراس مال

ودي افيدك الله يرزقك من واسع فضله

اعرضه في حراج ابن قاسم بدون تكتب عليه مستعمل
عشان الزبون يدخل ويشوف سعرك اقل من السوق وبضاعتك جديده ونظيفه
واذا قرر انه يشتري قول له البضاعه مستعمله خفيف من قبل
يعني قبل يدفع تبين له هاذي المعلومه عشان ما تكون فلوسك حرام

لكن لو تقول انه مستعمل من البداية ما راح يدخلون محلك خاصة السعوديين

ايضا لازم يكون العامل اللي معك وظيفتة اللي ماهر فيها منجد وخياط او نجار يعني لازم يفهم في شغل ترميم الاثاث عشان يضبط لك اي خلل
واعرض صور بضاعتك في مواقع التواصل خاصه تويتر وعليها الاسعار بدون تكتب مستعمل عشان تكسب تواصل الزبون بالاول
وقبل اتمام البيع قول له انه استعمل خفيف نظيف

واذا محتاجة مسوقه الكترونية انا موجوده بس براتب او بنسبة عن كل زبون من عندي
وشاطره في التسويق الالكتروني



صراحه احس محلات الحراج مو كل جديد خاصة ان اسعارهم رخيصه مره ويقولون جديد احس كله مصبوغ من جديد او منجده الكنبات من جديد
بس اكثر الناس تشتري منه وتجهز بيوتها
موفق

مرحبا وحي هلا في من زار وعلق

اخت شفافه شكرا على الافاده
بخصوص ان الناس يتجنبون المستعمل ما اتفق معك لأن الاثاث الي ابشتريه اغلبه جدييد واستخدام حشمه على ماقالوا ، مرت علي حالات غرف نوم يشترونها على 6000 ويستخدمونها شهرين وبيعونها بما لايززيد عن 2500 ماتفرق عن الجديد ابدا ، والحاله الماديه للناس مو مثل أول تسمحلهم يشترون جديد
بالنسبه لفكرة التسويق الالكتروني تحتاج لوقت حتى اجمع البضاعه الكافيه والي يساعد ان الاثاث اقدر اخزنه فتره طويله ولا يتأثر سعره
وممكن في المدى البعيد افتح متجر الكتروني اعرض صور كل قطعة اثاث وسعره ، والزبون يختار الي يبي وهو في بيته ونوصلها لمحله

شاكرلكم ولا تحرمونا من معلوماتكم