السلام عليكم ورحمة الله

ااخواني

انا شاب سعودي عاطل متفوق دراسيا وخريجي بتقدير ممتازمحاسبة مرتبة الشرف الاولى
عاطل
قدمت على شركات واشتغلت ولكن الاجنبي يتأمر عليك وراتبي مايتجاوز والله 2600 والاجنبي 30 الف ريال
يااخواني تعبت من كثر عطلاتي صرت اهلوس ونفسيه لأبعد درجة
امنيتي اكون مدرس ولا حصل او في البريد السعودي ولا حصل او في ارامكو او في اي شي ابغى اكل منه وواعول اسرتي
اتمنى تسااعدوني
اخوكم عاطل

اخوي انا نفس وضعك خريج جامعه وتخصص محاسبة
ومثل ماقلت الشركات الاجنبي فيها يتأمر انا اشتغلت صحيح في كذا شركه والله ما استفدت شي اللهم اودي واجيب اوراق والرواتب ضيعيفه واذا نزلت تنزل مخصومه صحيح ان ماعندي خبرة وتفاجأت ان كل مادرسته يتغير عن الواقع لذا فالاجانب يحقرونك لانك ماتعرف تسوي شي ولا يعطونك مجال تكتسب خبره اصلا يستغلونك في اشياء اخرى
انا اتكلم عن الشركات الصغيره اما الشركات الكبيرة فهي صعبة يشتطون لغة وتبي واسطه

لكن كل هذه الامور تهون لاصار املك بالله سبحانه وتعالى لاتخاف رزقك كاتبه الله لك ويبي يجيك
كثر من الاستغفار وصلاة الليل وقيامه واطلب الله ولا تيأس فالله سبحانه وتعالى مايخيب احد
والله يوفقنا وياك ويزق كل مسلم

تابع الموقع يوميا عشرات الوظائف اللي تناسب مؤهلك.

المطلوب منك التوكل على الله، ومتابعة جديد إعلانات الوظائف والتقديم.


يعني لاتحسب تجيك وظيفة وأنت فقط تتمنى.

الله يرزقق ويرزقنا الوظيفة الصالحة يارب