موضوعك في محله انت تقصد اللي توهم متخرجين من الثانوي
فعلا لايدخلون التقنية ابدا الكليه التقنية تعتبر مفرخه للعطاله
الدبلومات الطبيه توظفوا والكليه التقنية ماعندهم الا حل الا يوجهونك للعسكريه
قمة الفشل لا وخلال الدراسه يحسسونك ان القطاع الخاص يهتم فيك
وبتحصل وظائف بنفس تخصصك واخرتها تتوظف بشركه 4000 ريال
مالها أي علاقه بتخصصك زيك زي واحد معه ثانوي
ان شاء الله اجيب درجة فوق 50 في اختبار كفايات عشان يقبلوني اكمل بكالوريوس

انا معاكم يا اخوان اللي يتخرج من الثانوية ما انصحه ابدا انه يقدم بالتقنية لان فعلا الان اصحاب الدبلومات مالهم وظايف واكيد انتم شايفين معاناة اهل الدبلومات الصحية ورفع القضايا اللي وصلت الان انهم ينجبروا على التجسير حتى ياخذوا البكلوريوس ويتوظفوا بس انا ألوم اللي يدخل التقنية ولا يهتم بالدراسة ويكون اكبر همه انه يستلم المكافأة مايفكر كيف يوصل لاعلى المراتب ومشكلة البطالة احيانا يكون المعدل هو السبب الرئيسي فيه واللي خلقني اعرف واحد متخرج من هندسة جامعة ام القرى بتقدير مقبول وكان الاخ يبغى سابك و ارامكو وما يعرف يستخدم الكمبيوتر الا للنت ولا عنده لغة ووصل لدرجة انه يسب الدولة عشان ما وفرت له وظيفة وجلست معاه وقال لي كل خويانه اللي تقديرهم جيد اتوظفوا


معادلة قال لي هي مهندس في تحلية المياه راتبه وصل 19 ألف يقول
تخصص فني (دبلوم او بكالوريوس) + لغة انجليزية + حاسب + خبرة = وظايف

التخصصات الادارية قابلت مسؤول توظيف ارامكو في جدة قال لي بالحرف الواحد التخصصات الادارية مانحتاجها الا قلييل يعني يمكن ياخذوا عشرة من كل المتقدمين في السنة

السلام عليكم ورحمة الله وبركاته.


الصراحة ياأخوان مع احترامي وتقديري للجميع الموضوع هذا ليس نصيحة بل يعتبر تحطيم.
وانا اتصفح المنتدى الموضوع شدني للقراءة......
بعد ما قرأت الموضوع و ردود أخواني تفاجأت انهم يزرعون اليأس في الطالب.
فقررت أكتب ملاحظاتي.
بالنسبة لدبلوم الكلية التقنية له تأثير في القطاع الحكومي و القطاع الخاص من ناحية راتب و مركز وظيفي.
أتكلم من واقع تجربة.
وانا أشوف الان عدة مميزات للكلية التقنية بل في ازدياد في مميزاتها.
يعني تدرس دبلوم وبعدها تقدر
تدرس لغة انكليزية مكثفة او تدرس بكالوريوس هذه ممتازة.

(( صدقوني خريج البكالوريوس من الجامعه أو من الكلية مافي فرق بينهم ))
لأنه خريج الجامعه يكون متميز نظريا
و خريج الكلية يكون متميز عمليا

وسوق العمل يحتاج للاثنين.

(( احنا في منتدى حلول البطالة - اعتبروا الكلية نوع من انواع حلول البطالة ))
لا تجعلوا الناس تتفاجأ من الموضوع او تيأس.

وشكرا

صادق اخوي مهدي انا ما اظن كل الشركات ترفض خريجين التقنية انا تخصصي مركبات واول شركة قدمت عليها شركة عبداللطيف جميل وراتبي كان 3000 ريال اساسي من غير البدلات واخذت لي سيارة اقساط 1133 ريال شهريا يعني كنت استلم 1867 ريال والبدلات كل ستة شهور واعتقد 70٪ من الاخوان زي حالتي يقولون الراتب ضعيف ووش اللي حادك ؟ الجواب تقديري جيد وابغى اكسب خبرة و يوم كملت ثلاثة سنوات قدمت في ارامكو واتصلت علي والله شركة اسمها هيتاشي وعرضوا علي وظيفة براتب 6000 ريال و نص والله على مااقول شهيد لكن رفضت لاني باكمل دراستي لاني اطمح براتب اساسي فوق 8 الاف انا نصيحتي للي بياخذ الدبلوم بصفة عامة لا يتوقف طموحه عليها يحاول يكمل قد ما يقدر

مهدي عباس هههههههههههه إذا تبي افصلك فشل المؤسسه وجميع برامجها ماعندي مانع انت انسان ايجابي اوكي الله يوفقك لاكن تضلل الناس هذا مايصير مره ثانيه ذا تبي افصّلك فشل التدريب التقني في جميع مساراته ماعندي مانع .. هذا انا ببدء دراسه من جديد والله المستعان

ي اخوان كل واحد وله رآي ومشكلتنا مانصدق لين نجرب والعمر هو واحد لا فات خلاص مافي مجال للرجعه من كتب الله له الرزق بالكليه فليحمد الله ومن لم يكتب له فهذي ارزاق من الله مقسمه ولكن لازم نفعل بالاسباب والكليه مايحتاج نتكلم عنها او نذكر مشاكلها الاعلام ماقصر وتحدثنا قبل كذا لاكثر من مره عن اخطاء الموسسه وانشاء الله انها تتعدل لان مستقبل طلاب كثير راح تعتمد بعد الله على هالموسسه

اختلافنا في الرأي شي طبيعي يا اخوان اللي اتخرج من الكلية واتوظف بيمدح فيها واللي اتخرج وقعد عاطل ويبغى الكلية تدور له الوظيفة وتكلم الخدمة تعترف فيه اكيد بيذمها انا اللي خلاني اطمح اكمل الدراسة اني راتبي كان 3000 بالدبلوم وجوني ناس بعدي خلوهم مشرفين علي بدبل راتبي مرتين عشان كملوا البكالوريوس فنصيحتي يا اخوان اللي بيدخل التقنية يدخلها ويكون همه البكالوريوس لا يوقف على الدبلوم

واللي يقول مؤسسة فاشلة باثباتات وبراهين وأدلة ترى ارامكو واثقة من مخرجات المؤسسة ولا ما توفر برنامج تدرج كامل لخريجي الكليات دخلت انا منتديات ارامكو اقراها لقيت واحد يقول اذا معدلك في التقنية فوق 3.5 و عندك اساسيات الانجلش بس فمبروك القبول ووالله اغلب عيال اعمامي متخرجين من التقنية ما فيهم عاطل بعضهم من قبل التخرج وقعوا عقود مع تحلية المياه وبعضهم ارامكو وبعضهم في ينبع ماشالله

كل عام وانتم بخير ... بارك الله فيكم

كلامك صح. حتى كليه التقنيه للبنات فاشله لي سنتين ونص متخرجه تخصصي دعم فني ولا توظفت للحين ولا فيه اهتمام بالمبنى ولا نظافه ولا شيء تحسفت اني دخلتها.

البنات الى الان في راسي سؤال للمسؤولين في المؤسسة ! ليش فاتحين لهم برامج في الكليات التقنية و المعاهد العليا ومعرووف ان الكليات التقنية تخرج فنيين يعني شغلة يد زي الميكانيكيين والكهربائيين ومبرمجين الكمبيوترات وبرامج ديكور ومكياج ؟ و ربي البلد مو في حاجتها هذا السؤال اللي ماله اجابة يعني اختي تهاني هل كنتي تتوقعي انك تصيري مبرمجة في شركة وتصلحي كمبيوتراتها ؟؟ تخصصك ماله الا وجهتين خاصة انك بنت وهي التدرج في ارامكو للكليات او انك تكملي بكالوريوس تجسير في جامعة تقبلك هنا او في الخارج تدفعي فلوس اول ترم او سنة ثم تطلبي الانضمام لبعثة خادم الحرمين وآسف عالاطالة